ལོ་ཀུ 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

གལ་ཏེ་བདག་གི་མདུན་དུ་འོངས་པའི་མི་སུ་ཞིག་ཡིན་ཡང་རང་གི་ཕ་མ༌དང༌། ཆུང༌མ། བུ༌ཕྲུག ཕུ༌ནུ། ལྕམ་སྲིང་། ཐ་ན་རང་གི་སྲོག་ལས་ཀྱང་བདག་ལ་གཅེས་པར་མི་བྱེད༌ན། བདག་གི་རྗེས་འབྲང་པ་བྱ་མི་རུང༌ངོ་༎

ཡང་མི་སུས་ཀྱང་རང་གི་ཤིང་རྒྱ་གྲམ་ཁུར་ནས་བདག་གི་རྗེས་སུ་འབྲང་བ་མིན་ན་མི་དེའང་བདག་གི་རྗེས་འབྲང་པ་བྱ་མི་རུང༌ངོ་༎

རྒྱུ་མཚན་ནི་སུ་ཞིག་གིས་རང་ཉིད་མཐོ་བར་བཟུང་ན་དམན་པར་འགྱུར་བ༌དང༌། སུ་ཞིག་གིས་རང་ཉིད་དམན་པར་བཟུང་ན་མཐོ་བར་འགྱུར་བའི་ཕྱིར་རོ་ཞེས་གསུངས་སོ།།

དེ་བཞིན་དུ་ཁྱོད་རྣམས་ལས་སུ་ཞིག་ཡིན་ཡང་རང་ལ་ཡོད་པ་ཐམས་ཅད་སྤོང་བར་མི་བྱེད་ན་བདག་གི་རྗེས་འབྲང་པ་བྱ་མི་རུང༌ངོ་།།

ཡང་ཁྱོད་རྣམས་ལས་སུ་ཞིག་གིས་མཁར་ཞིག་བཟོ་འདོད༌ན། སྔོན་ལ་སར་བསྡད་ནས་འགྲོ་སོང་ག་ཙམ་དགོས་པ་རྩིས་བརྒྱབ་སྟེ་བཟོ་ཐུབ་མིན་ལ་བལྟ་བར་མི་བྱེད༌དམ། གལ་ཏེ། དེ་ལྟར་མ་བྱས༌ཚེ། མཁར་གྱི་རྨང་གཞི་བཏིངས་ཟིན་ནའང་བཟོ་མ་ཐུབ་ན། དོན་དེ་མཐོང་བའི་མི་ཀུན་གྱིས་མི་དེ་ལ་འཕྱ་དགོད་བྱེད༌ཅིང༌། མི་འདིས་མཁར་རྩིག་འགོ་བརྩམས་ཀྱང་འགྲུབ་མ་ཐུབ་ཅེས་ཟེར་བར་འགྱུར་རོ།།

འོན་ཀྱང་ཁྱོད་ཀྱིས་གསོལ་སྟོན་བཤམས་ན་དབུལ་པོ༌དང༌། དབང་བོ་སྐྱོན༌ཅན། གྱོལ་པོ། ལོང་བ་སོགས་བོས༌དང༌། ཁྱོད་ལ་བདེ་བ་འཐོབ་པར་འགྱུར་རོ།། རྒྱུ་མཚན་ནི་མི་དེ་རྣམས་ཀྱིས་ཁྱོད་ལ་དྲིན་ལན་འཇལ་ཐབས་མེད༌ནའང༌། མི་རྣམ་དག་རྣམས་སླར་གསོན་པར་འགྱུར་བའི་དུས་སུ་ཁྱོད་ལ་དྲིན་ལན་འཐོབ་པར་འགྱུར་ཞེས་གསུངས༌སོ།།

སྤྱིར་ལན་ཚྭ་ནི་ལེགས་ཀྱང་དེའི་བྲོ་བ་ཡལ་བར་གྱུར༌ན། ལན་ཚྭའི་བྲོ་བ་གང་གིས༌བསྐྱེད་དམ། དེ་ནི་ས་ཞིང་ངམ་ལུད་ཀྱི་ནང་དུ་བཞག་ཀྱང་ཕན་མི་ཐོགས་པས་ཕྱི་རུ་འདོར་བར་འགྱུར་རོ།། ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།