John 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Aniyuu maak aweyuu kaa utinikut kaye kaa taapweyimikut chii miyeu suuhkaatisiiwiniyuu chechii utawaashiimitutaakuyich Chishemanituu.

Anite maauch niishtam, eshkw ekaa uhchi ihtakuhch chekwaan shaash chii ihtaau Ayimuwin. Chii wiicheweu Chishemanituu kaye wiya chii aau Chishemanituu an Ayimuwin.

An waashtewin chihkaashteu anite wanitipiskusiiwinihch, wanitipiskusiiwin maak namui chii aashtuweham aniyuu waashtewiniyuu.

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

Ayimuwinihch ekut misiwe chekwaan kaa uhchi ushihtaakanuuhch. Namui chekwaan uhchi ushihtaakanuu ekaa wiya uhchi ushihtaat Ayimuwin. Wiya e ihtaat uhchipayuu pimaatisiiwiniyuu, pimaatisiiwinihch maak ekut kaa uhchi waapahtahkwaau awenichii waashtewiniyuu.

Miin maak aniyuu wiyaapaniyich John chii waapameu Jesus e pechi naatikut, ekw kaa itwet, “Kanawaapamaahkw maa uu naapeu, eukw uyuu Chishemanituu umaanishchaanishimh kaa pechi itishahwaat chechii wepeyihtamuwaakanuyich aweyuuh umachihtwaawiniyuuh.

Utah aschiihch chii ihtaau Ayimuwin. Aat wiya e chii ushihtaat uyuu aschiiyuu yaapach namui uhchi chischeyimikuu aweyuu iskutak kaa takushinit. Kaa takushinit utah aschiihch wiya tipiiwe utiiniimh chii pechi nituwaapameu, mikw maak namui uhchi aapateyimikuu.

Uu waashtewin chii pechi takushinuu utah aschiihch misiwe aweyuuh chechii waashtenamuwaat.

Chishemanituu chii aapachiheu aniyaanaa Moses chechii wiihtamuwaayich iinuuh uwiishuwewinh. Kaye maak Jesus Christ chii aapachiheu chechii nuukuhtaayich utaapwewin kaye uchishewaatisiiwin.