Chɛ̄nɛ̍se̍ē 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Mi̍ E̍bīlām la̍a̍la᷄ŋ su̍ɛ̍i̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l ndu̍ ve̍. O̍ ko̍ŋ, mi̍ Mɛ̄lɛ̄ka̍ hīnī kɔ̄l a̍ E̍bīlām le̍ lāāla᷄ŋ o̍ la̍a̍la̍ŋ a̍ ndu̍ wo̍. Le̍ he̍ī, mi̍ Mɛ̄lɛ̄ka̍ tōsā mi̍ E̍bīlām si̍mnu᷄ŋ wa̍nā sa̍kpō Mɛ̄lɛ̄ka̍ o̍ hɔ̄l.

Pāa̍le̍ pi᷅lɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ su̍a̍ā nāa̍ E̍bīlām chu̍a̍ o̍ yi̍lāŋndo̍ ni᷄ŋ. Mbo̍ dīmūl ndu̍ āā, “E̍bīlām, yɔ̄ŋ īsīōōŋ te̍. Ya̍ cho̍ wāna̍ ma̍ndā nu̍m ndo̍ ni̍. I̍ cho̍ nu̍m māndā o̍ īsɔ̄ɔ̍ o̍ īsɔ̄ɔ̍ pa̍lāa̍ hu̍ŋ nu̍m chōo̍. Ndu̍yɛ̍, fāndā ya̍ I̍ ke̍ ni̍ŋ nu̍m ndo̍ ō wā ni̍ŋ o̍ bɔ̍ɔ̍.”

O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ fu̍lā a̍ E̍bīlām o̍ bɛ̍ɛ̄. Mbo̍ di̍mūl ndu̍ āā, “Chu̍a̍ wɔ̍ hɔ̄lla̍ mā to̍fa̍ o̍ ha̍la̍. Chɔ̍m ndɔ̍ lo̍o̍ŋ o̍ ha̍la̍ ŋ̍ pi̍lɛ̍ŋ pi̍lɛ̍ŋ mɛ̄ɛ̍ ŋ̍ cho̍ yɛ̍, tē ā nɔ̄lā pɛ̍.” Mi̍ Mɛ̄lɛ̄ka̍ dīmūl ndu̍ āā, “Le̍nde̍ chūāā nūm a̍ ma̍māa̍ ā wā ni̍ŋ fa̍ŋgā ni̍.”

Mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl E̍bīlām āā, “Ō cho̍ Īlīɛ̍ɛ̍sā le̍ lo᷅ ni̍ŋ o̍ fōōfō nu̍mndo̍ le̍. Nūm pi̍la̍ po̍ nu̍m ŋ̄pūlo̍o̍ ndu̍ lo᷅ ni̍ŋ o̍ fōōfō nu̍mndo̍ chōo̍ ni̍.”

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl ndu̍ o̍ lūa̍ŋ ni᷄ŋ āā, “E̍bīlām, kɛ̍si̍ŋ o̍ kɔ̄l māā chūāā nūm a̍ ma̍māa̍ ā kūā ni̍ŋ o̍ lɛ̄ŋndē pi̍la̍le̍ŋ ni᷄ŋ mā wa̍ lo̍ŋ la̍mi̍a̍l. Wāŋnda̍ sīīŋgūū ni̍ŋ nda̍ chīa̍a̍, mā bīī nda̍ bīyɔ̄ɔ̄ lēchīɔ̍ɔ̍ le̍ wɔ̄sīla̍ŋ kɛ̄mɔ̄ɔ̍ lē hīɔ̍ɔ̍lu̍ (400).

Kɛ̍, mi̍ E̍bīlām di̍mī āā, “O̍o̍ Mɛ̄lɛ̄ka̍ Ya̍a̍wɛ̄ɛ̍ Kpu̍lu̍ŋgūma̍ bɛ̄ndōo̍, ke̍ ya̍ bɛ̍ɛ̍ ndu̍ mī yɛ̄ɛ̄ kɛ̍ndɛ̄? Hāū a̍ hāū I̍ vi̍lū wɔ̍ chūā le̍. Wāna̍ lēkāa̍ ho̍ō, ndu̍ yɔ̍nūŋ māā bu̍ɛ̍ī nūu̍ Īlīɛ̍ɛ̍sā ni̍, vīōlɔ᷄ŋ wa̍ā Dāma̍si̍kɔ̄ɔ̄ chi̍e̍e̍, ndu̍ ko̍ lo̍ō ni̍ŋ nyɛ̄m ni᷄ŋ ni̍.

O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ o̍ chu̍ēl E̍bīlām būŋgɛ̄ī bɛ̄ndū bɛ̍ndūe̍i̍ āā, “Lɛ̄ŋnde̍ŋ nde᷅ŋ ki̍nɛ̍i̍, chɔ̍ŋ a̍ I̍chi̍pī, mbō fūūlu̍u̍ a̍ Pīo̍o̍ Yūfi̍lu̍a̍tīī di̍, le̍ŋ ya̍ I̍ cho̍ chūāā nūm a̍ ma̍māa̍ kē ni̍

Wānāa̍ fu̍lā ni̍ŋ o̍ pūlālē nūmnde̍ŋ chōo̍ wa̍, ā hūŋ ni̍ŋ mā hu᷄ŋ kɔ᷅ o̍ lɛ̄ŋndē pi̍la̍le̍ŋ ni᷄ŋ mā kɔ̍ cha᷅l lo̍ŋ. Kɛ̍ ndu̍yɛ̍, ō fūūlūū ni̍ŋ a̍ te̍le̍ŋ, nda̍ kpo̍u̍ mā hu᷄ŋ mi̍i̍ŋgū o̍ lɛ̄ŋndē ndāle̍ŋ ni᷄ŋ. Kɛ̍ ō chūā ni̍ŋ wɔ̍sīlā fāŋgā. Yu̍ŋgu̍la̍ŋ sālā hīɔ̍ɔ̍lu̍ kpu̍lu̍ku̍u̍ la̍ hi̍a̍ū ni̍ŋ ni̍ ma̍lāŋ he̍ī yɔ̄nūŋ. Mɛ̄ɛ̍ mbō lo̍ o̍ ko̍ŋ, mī yɔ̄ŋndā wɔ̄ɔ̍ŋndā Āmɔ̄lu̍a̍a̍tīi̍ya̍ lā fūūlu̍u̍ a̍ bōōndi̍i̍ ya̍ I̍ tu̍sī ni̍ŋ nda̍ nyɛ̄ pālāa̍ chōo̍ ve̍, ma̍lāŋ he̍ī ī yɔ̄nūŋ.”