Gyn 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Maa la a dããteɛ, kyɛ ka yɛ waa a ulli. Banaŋ naŋ be N poɔ ka N meŋ be ba poore maŋ wɔŋ la wɔmɔ yaga, bonso, ka yɛnee ba be N eŋɛ, yɛ kontoɔ̃ e yelzaa.

Yɛ be N poɔ aŋa lɛ N naŋ be yɛ poɔ. Aŋa lɛ teɛ ulee naŋ koŋ baŋ wɔŋ wɔmɔ ka o naŋ ba be a teɛ eŋɛ, a lɛ meŋ la ka yɛ kontoɔ̃ wɔŋ wɔmɔ ka yɛnee ba be N eŋɛ.

Ka yɛnee wa be N poɔ, ka a N yelbie be yɛ poore, yɛ sɔre bonzaa yɛ naŋ boɔrɔ, kyɛ ba na e ko yɛ la.

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Neɛzaa ba taa nɔmmo ka o gaŋ a ŋaa: ka neɛ na sage kpi o bamine zuiŋ.

O maŋ kyɛ la ulee na zaa naŋ be N eŋɛ kyɛ ba wɔnɔ wɔmɔ bare. Ulee na zaa naŋ wɔnɔ wɔmɔ, O maŋ gbɛnne o la ka o na wɔŋ yaga.

“A N noɔre la ŋa: yɛ nɔnɔ taa aŋa lɛ N naŋ da nɔŋ yɛ.

Ka yɛnee wɔnɔ wɔmɔ yaga kyɛ waa N potuuribo, ŋaa la na e ka N Saa yuori na nyɛ puubu.

“Maa la a dããteɛ meŋɛ, kyɛ ka N Saa e a dããteɛ te-sɛllɛ.

Soba na zaa naŋ ba be N poɔ, ba na lɔɔ o la bare aŋa teɛ ulee ka o ko. A ulli ama taaba, ba na wuo a la lantaa a lɔɔ eŋ vũũ poɔ ka a di.

N da yeli la a yɛlɛ ama ko yɛ, ka N kyelloo na be yɛ zie, ka a yɛ kyelloo na nyɛ paaloo.”

Ka yɛnee wa sagra a N nɔɛ, yɛ na be la a N nɔmmo poɔ, aŋa lɛ N naŋ sagra a N Saa nɔɛ a be a O nɔmmo poɔ lɛ.

N korɔ yɛ la a nɔɛ ama ka ka yɛ na nɔnɔ taa.”

Ka yɛnee da poɔ a tendaa noba poɔ, ba da na nɔŋ yɛ la aŋa bamenne noba. N naŋ kaa-iri yɛ yi ne a tendaa noba poɔ, ka yɛ ba la poɔ ba poɔ la so ka a tendaa noba kyiire yɛ.