San Lucas 23မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ta saá ni̱ka̱ꞌa̱n ta̱Jesús xíꞌin Ndios: ―Tata Yivá i̱, kasa káꞌno ini ún xa̱ꞌa̱ ni̱vi na xáꞌni yi̱ꞌi̱, chi o̱n vása kúnda̱a̱ ini nayóꞌo yukía̱ kéꞌé na ―káchí ra. Ta natropa na̱taꞌví na tiko̱to̱ ra, chi̱kaa̱ na ndati̱ ña koto na yukú ñii ñii nayóꞌo nakiꞌin ñii ñii loꞌo tiko̱to̱ ta̱Jesús.

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Ki̱vi̱ vitin koo ún xíꞌin i̱ no̱o̱ yóo Ndios, no̱o̱ yóo ndiꞌi ñava̱ꞌa ña livi ní ―káchí ra.

Ta saá ni̱ka̱ꞌa̱n ra xíꞌin ta̱Jesús: ―Tata, tá to̱nda̱a ki̱vi̱ kaꞌnda chiño ún no̱o̱ kixáꞌá kuu ún rey, ta nakáꞌán ún xa̱ꞌa̱ i̱ ―káchí ra.

Ta saá ta̱Jesús xíꞌin ndiꞌi ndee̱ ra ni̱ka̱ꞌa̱n ra xíꞌin Ndios: ―Tata Yivá i̱, ndaꞌa̱ mi̱i ún táxi i̱ níma̱ i̱. Ta ndi̱ꞌi ni̱ka̱ꞌa̱n ra saá, ta ni̱xiꞌi̱ ra.

Ta ni̱xaa̱ na ñii xiiña na̱ní ña Leke Si̱ni̱ Ndi̱í, ta yóꞌo ka̱takaa̱ ndaa na ta̱Jesús ndaꞌa̱ tón cruz. Ta ka̱takaa̱ ndaa na o̱vi̱ ta̱a ta̱ kómí kua̱chi, ñii ta̱yóꞌo tákaa̱ ndaa ndaꞌa̱ tón cruz tón ñíndichi sii̱n kuaꞌá ta̱Jesús, ta inka̱ ra tákaa̱ ndaa ndaꞌa̱ tón cruz tón ñíndichi sii̱n yitin ta̱Jesús.

Ta ni̱to̱nda̱a ka̱a u̱xu̱ o̱vi̱ ma̱ꞌñó ndiví, ta ki̱xáꞌá kúnaa ndiꞌi ñoyívi a̱nda̱ ka̱a u̱ni̱ xikuaa. Ta ku̱naa ndiꞌi, ta o̱n vása yéꞌe ka̱ ño̱ꞌo. Ta ni̱nda̱ta̱ ma̱ꞌñó tiko̱to̱ tákaa̱ Cuarto Yi̱i̱ veꞌe ño̱ꞌo káꞌno.

Ta yóo ñii ta̱a ta̱ ndíso chiño xíꞌin ñii ciento natropa, ta xi̱ni ra ndiꞌi ña yi̱yo ní ni̱yaꞌa, ta ki̱sa káꞌno ra Ndios, ni̱ka̱ꞌa̱n ra saá: ―Ndixa ta̱yóꞌo xi̱kuu ñii ta̱va̱ꞌa, ta̱ o̱n vása ndíso kua̱chi ―káchí ra.