हे़क्क्याङ् माफे़न्साम्मिल्ले़ खुने़ॽ यरुसले़म्मो तेॽरुआङ् माङ्हिम्मोबा काक्नुःल्ले़ केःम्बा चम्जम्बा ते़न्नो ये़प्सुआङ् मे़त्तु, “खे़ने़ॽ से़क्खाए निङ्वाॽफुसाने़ फाॽग्र, कप्मोलाम् यो पिन्दे़ थ्ये़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्,
“‘निङ्वाॽफुमाङ्ङिल्ले़ कुमाङ्लाइङ्बाहाॽ इङ्जाङ् पिरुसिआङ् खे़ङ्हाॽरे़ खे़ने़ॽ कम्ब्राङ् के़म्मे़त्लो॥’
हे़क्क्याङ् ‘खे़ङ्हाॽरे़ खे़ने़ॽ खुनिॽ हुक्को के़म्दाःक्काङ्
खे़ने़ॽ के़लाङ्ङिन् लुङ्ङो मे़धाम्सिङ्ङिन्लो॥’”
ये़सुरे़ नोगप् पिरु, “कर साम्योसाप्लाओ अक्खेलॽरिक् साप्ते़आङ् पत्, ‘दाङ्बा के़निङ्वाॽफुमाङ्ङिल्ले़ कुनिङ्वाॽ मे़साॽरे़न्ने़ॽओ॥’”