Matta 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Gədi ma njo nə hi, gwa'a ma hyo uya, tsa ma nyavi njo mbəɗiya hi.

Aka dəhə ndə nda gədi njo nənyi, dəhə ndə nda gwa'a cho uya, ya dəhə ndə nda tsa nyavi njo mbəɗiya nyi.

“Aka əngə ja, dəhə ndə nda səndzə himi da ɓwanya ɗa na, ga mər tlər ni, tang wi ndər dəma cha, nda hərtə ki nyi tə fafa.

Mərtə nyi ma nə nji wi sənda hyo i nja mər nə hi. Na cha ngə sənda gadlagadla Musa ana dlədləɓə njir mətakər təkəri.

Kəl ja, nyavi pi kiratləu, ya lakur yi nda dza'u, nji tsaɗə tanyi kwa uya.

“Gwa ma ku təlkur Hyel təwa nyavi kiratləu, aka nyavi yo hu'u kəla tah bang ya laku nda kwa yi nda kustanyi, nji ɗang kwa nəuwa.

Macha ma'a nahi ngə nji pəla'a kwa zəndə ənda hyo nənyi sə mənakə nə ngulisha'a kəhi ya, abiyakata Adanə hi nda kya huɗamələm nda kwa nənyi sə mənakə nə nji'inda gədi tsa cha ya!

“Ngwa hya da tla nəuma təkəra madawa wa, tsa nja da tlanda hi nəuma ma'a nahi. Aka wi nda hyo mba bikə nə alenya nji, əngə nja kwa mərtə hi tsəu, shala nda hya dəkə kwa nə alenya nji, nacha njo dəkəu hi ni.

“Kəl ja, dəhə ndə nda ngatə ɓwanya ɗa na, ya a da cha mər tlər nə wa, tang wi ndə kəkəng cha, nda hərtə ki nyi tə məshishi'ua.

Mya gwa'atə ko ndzam zər ngəɗəkə nda tə lya kuvangha, ya a da ko ɗəngha na zəmər gang nda tə lyakə wa? A da ko nau nar nyi nə kuvangha, ‘Zama, ta'i ya hənda nghə ngəɗəkə tə lya ka,’ ya ba'a kə na gang ku lya ka wa.

“Gəla ma na njir mətakər gəzhi nda kwa shili da hi ku chi kətəng, ya wi ularvwa nda ku ɗufwa nda. Atə tlər kənda hya kwa zəndəbiya nda. Kwa uya nji yayar Anap ku wur shikəɗi ya? Aa kwa uya nji yayar kanda ku wur gədləla?

Kala wu mənakə kwa yah nguli mənakəu, ya wu ɗimi kwa yah nguli ɗimi.

A wu mənakə da kwa yah nguli ɗimi wa, ya wu ɗimi da kwa yah nguli mənakə wa.

Dəhə wu nda a da kwa yah nguli mənakə wa, njo gəganda ba'a nginda.