Matius 22မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yesus bilang pa dia, “Ngoni musti butul-butul sayang pa Tuhan Allah yang ngoni ja semba, ngoni nimbole badua hati. Ngoni sayang jo pa Dia deng samua yang ada pa ngoni pe diri, deng lei sayang jo pa Dia deng cara slalu pikir apa tu bole mo beking snang pa Dia. Itu no tu atoran yang penting deng yang pertama. Kong tu atoran yang kadua tu sama deng itu, ‘Ngoni sayang jo pa orang laeng sama deng ngoni sayang pa ngoni pe diri sandiri.’

Dua atoran ini no tu jadi dasar dari samua atoran yang ada di kitab Taurat deng nabi-nabi pe ajaran.”

Kong Yesus bilang lei, “Banya orang yang Tuhan da pangge, mar cuma sadiki yang da tapili.”

Soalnya nanti waktu Tuhan so kase hidop ulang samua orang yang mati, tu laki-laki deng lei tu parampuang so nyanda mo kaweng deng so nyanda mo kase kaweng, mar samua mo hidop sama deng malaekat-malaekat di sorga.

Co kase tunjung satu doi perak pa Kita tu ngoni ja pake for babayar pajak!” Kong dorang bawa akang pa Dia satu doi perak. Trus Yesus batanya pa dorang, “Sapa pe gambar deng nama ini?” Dorang manyao, “Itu gambar deng nama dari raja yang paling tinggi di krajaan Romawi.” Kong Yesus bilang pa dorang, “No kalu bagitu, kase jo pa raja yang paling tinggi di krajaan Romawi apa tu ngoni musti kase pa dia, kong kase jo pa Tuhan Allah apa tu ngoni musti kase pa Tuhan Allah.”