Matius 26မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Memang ngoni suka mo beking tu Kita da bilang, mar ngoni pe diri nyanda mampu mo beking. So itu bajaga-jaga deng basombayang jo supaya ngoni nyanda tagoda beking dosa.”

Kong Dia bilang pa dorang, “Kita pe hati sedi skali, dapa rasa sama deng mo mati. Ngoni tinggal jo di sini kong bajaga-jaga deng Kita.”

Abis itu Yesus bajalang sadiki, Dia berlutut sampe tu De pe muka di tana kong basombayang, “Oh Kita pe Bapa, kalu bole, nyanda usa jo Kita tanggong tu pendritaan ini. Mar jang iko Kita pe mau, iko jo tu Bapa pe mau.”

Soalnya tu anggor ini Kita pe dara. Kita pe dara mo tatumpa for beking sah tu perjanjian antara Tuhan Allah deng manusia. Kita pe dara mo tatumpa for banya orang, supaya dorang pe dosa-dosa bole dapa ampung.

Waktu Yesus deng De pe murit-murit da bamakang, Yesus ambe tu roti kong bilang makase pa Tuhan Allah. Abis itu Dia se pela-pela tu roti, trus Dia kase berbage pa dorang kong babilang, “Roti ini Kita pe badan, ambe kong makang jo.”

Klar itu Yesus ambe tu cawan kong bilang makase pa Tuhan Allah. Abis itu Dia kase pa dorang, kong babilang, “Ngoni samua minum jo tu anggor dari cawan ini!

Abis itu Yesus babale pa De pe tiga murit, kong Dia lia dorang da tasono. Dia se bangong deng bilang pa Petrus, “Petrus, nyanda mampu so ngoni bajaga-jaga deng Kita biar cuma satu jam?

Kita bilang pa ngoni, Kita so nyanda mo minum anggor ini lei, mar nanti kalu so di tampa tu Kita pe Bapa Berkuasa sbagai Raja, di situ no baru Kita minum anggor yang baru lei sama-sama deng ngoni.”

Pe dengar tu ayam bakuku, Petrus tainga tu Yesus perna da bilang pa dia, “Seblum ayam bakuku, ngana so tiga kali manyangkal kalu kanal pa Kita.” Kong Petrus kaluar trus manangis deng sedi.

Badiri jo! Mari jo torang pigi pa tu orang yang mo bahianat pa Kita, dia so bakamari.”

Kong Yesus bilang pa De pe orang itu, “Kase maso ulang jo tu ngana pe peda itu di sarong! Soalnya tiap orang yang cabu de pe peda for babunung orang, dia lei nanti mo mati deng peda.