Matiu 24မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

I tempó iti, ina tetámbái kakadakeraꞌ tauna, duuꞌna tiꞌara piꞌi ara kamaꞌahiꞌraꞌ i hángká rángáraꞌ. Agáiáná tauna to mepoinálái oaꞌ i Kódóꞌ haweꞌ i kahópóꞌána, ina molámbiꞌheꞌ katueꞌ to maroꞌa to tiꞌara mokahópóꞌá.

Ane bámbári kana i popárentána Pueꞌ Ala rabámbári miꞌi i humalele duniáꞌ, hai upu-upu tauna mehádi miꞌi, hangko haweꞌ riꞌi kahópóꞌána duniáꞌ.”

Ina nihádi topombeala, hai ina nihádi woꞌo bámbári iumbá-umbá peá ara to mombeala, agáiáná ineeꞌkou malááꞌ. Upu-upu iti bateꞌna ina mewaliꞌ {láwiꞌ napakanótó miꞌi Pueꞌ Ala}. Agáiáná upu-upuna iti tiꞌara mopakanótó kahópóꞌána miꞌi duniáꞌ.

Tampoꞌ ina mombeala hai tampoꞌ ntániꞌna, kadatuá ina moewaꞌ kadatuá, hai iumbá-umbá peá ina ara rimi hai linu. Upu-upuna iti hangko pantepuꞌuána, agáiáná kapári iti ina tetámbái mani karumihina nodo kapári to nahádi towawine to tangaꞌna humádi.

Langiꞌ hai duniáꞌ ina magero, agáiáná laluitaNgkuꞌ bateꞌna ina ara oaꞌ haweꞌ i rue-ruena.”

láwiꞌ handaꞌ tauna ina haweꞌ hai ina manguliꞌ kahirana Datu Topehómpóꞌ, álána handaꞌ tauna ina rapakanawoꞌ.

I tempó iti, ánti peuláꞌmi i Kódóꞌ, tauna i humalele duniáꞌ ina mokáhihiꞌkou. Ina rahuhuꞌkou i topopárentá bona rapopeahiahiꞌkou hai rapapatekou. Handaꞌ tauna ina mosápuáka peuláꞌraꞌ i Kódóꞌ. Ara to ina mohuhuꞌ halalu hampepepoináláiraꞌ i ewáliraꞌ, hai handaꞌ tauna to ina mombekáhihiꞌ. Ina haweꞌheꞌ woꞌo handaꞌ nabiꞌ to ina mopakanawoꞌ handaꞌ tauna.

Nahániki Iesu, “Maingáꞌ-ingáꞌkou, bona tiꞌarakou rapakanawoꞌ

Noꞌonoꞌ woꞌo kómu: hangaa-ngaa timamakou oaꞌ, láwiꞌ kaꞌina haweꞌna huleꞌ Ánáꞌ Mánusiá, tiꞌara niꞌisá impirá tempóna.”

Onoꞌ miꞌi haneꞌi Kuꞌuliꞌ: hangaa-ngaa nipatimama lalumi, láwiꞌ tiꞌara niꞌisá impirá Pueꞌ ina haweꞌ!

“Agáiáná alo hai jaa pewaliꞌna upu-upuna iti, bateꞌna peá UmáNgkuꞌ to moisá. Tiꞌara ara haweꞌ hadua tauna to moisá. Mogalo malaꞌeka to i surugáꞌ, tiꞌara woꞌo raisá. Hai ÁnáꞌNa Pueꞌ Ala, tiꞌara woꞌo Naisá.

láwiꞌ ina haweꞌ handaꞌ tauna to mepakanawoꞌ to manguliꞌ kahirana miꞌi Datu Topehómpóꞌ, ba to manguliꞌ kahirana miꞌi nabiꞌ. Ina mobábehiheꞌ tandaꞌ kuasaꞌ hai tandaꞌ to metingkáráki, bona mopakanawoꞌheꞌ handaꞌ tauna. Mogalo riꞌi tauna to napileꞌi Pueꞌ Ala, ina rapehukáꞌ rapakanawoꞌ.

Apa to mewaliꞌ hangkoia i tempóna nabiꞌ Noho tueꞌ mani, ina mewaliꞌ woꞌo i alo kahaweꞌána huleꞌ Ánáꞌ Mánusiá. I tempóna nabiꞌ Noho hangko tiꞌara mani duniáꞌ nalábóꞌ uwai, tauna mampomaleꞌaheꞌ, tiꞌara raisá apa to ina merampe. Mandeꞌ hai mainuheꞌ oaꞌ, mosambokoheꞌ hai mosusaheꞌ. Noꞌonoꞌ katueꞌraꞌ duuꞌna haweꞌ tempóna nabiꞌ Noho mesuaꞌ i lalu duanga to mahile. Nalábóꞌmoheꞌ uwai hangko raisá riꞌi apa to mewaliꞌ. Noꞌonoꞌ woꞌo kamampomaleꞌaraꞌ tauna i tempóna Ánáꞌ Mánusiá ina haweꞌ huleꞌ i duniáꞌ.