Yohanes 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Akumola hieꞌe hangkaru anggoroꞌ, hei ingkeimo daꞌane. Toaꞌ to mohaꞌanu nturusi hante Aku, Aku woꞌo mohaꞌanu nturusi hante io, hei hingkiꞌ woriꞌ powuaꞌne. Angkana ane mekohelaꞌkei ka Aku, hawaꞌkei hohumbo mowali hapo-hapo.

Mohaꞌanumokei nturusi hante Aku. Ane iwalikei hatoꞌo, Aku woꞌo hingkiꞌ mohaꞌanu hante ingkei. Daꞌa to hawaꞌi medokiꞌ i karuna anggoroꞌ, hawaꞌi hohumbo mowuaꞌ. Bateꞌnalu daꞌa to medokiꞌ i karuna to hingkiꞌ mowuaꞌ. Hatoꞌo woꞌo ingkei: hawaꞌkei hohumbo mowali hapo-hapo ane hawaꞌkei mohaꞌanu hante Aku.

Ane mohaꞌanukei nturusi hante Aku, hei lolitangKu lebaꞌ i lalimi, wadi iperapiꞌkei pe Pueꞌ Ala hapo peleimi, hei bateꞌna hingkiꞌ itorimokei.

Handoꞌio ingkei to moꞌuwiꞌA, angkana Aku to moꞌuwiꞌkei, hei Kupokonontomo hingkeꞌna akokei mampopatengkaꞌ jamangKu: hei wuaꞌ pajamami tiꞌo hingkiꞌ modumbuꞌ wute nantolou-louna. Hingkeꞌna hapo to iperapiꞌkei pe UmoꞌKu i lali konaꞌKu, bateꞌna mpuꞌu hingkiꞌ Nopaꞌanikikei.

Hawaꞌi uwaꞌ rima to meliu kokodeꞌne ka rimana haduo toaꞌ to mampewei tuwuꞌna hingkeꞌna mohompoꞌ awanahi.

Lekiꞌ-lekiꞌna daꞌangKu to hawaꞌi mowuaꞌ, Nopopolai, hei lekiꞌ-lekiꞌna daꞌangKu to mowuaꞌ, Noburehi hei Norewahi, hingkeꞌna tetambai powuaꞌne.

Hieꞌemo hawaꞌKa: momepokarimamokei, hibali woꞌo Aku mampokarimakei.

Ane woriꞌ powuaꞌmi, UmoꞌKu nipokodeꞌmo hei mombahamo topeguruKukei mpuꞌu.

Kolentuꞌara matengkaꞌ, hi Yesu mampololiu womo lolitaNa, Notiꞌi, “Akumo hieꞌe hangkaru anggoroꞌ to tuꞌu, hei UmoꞌKu to morewahi.

Himo to hawaꞌi mohaꞌanu hante Aku bateꞌna nitube, hibali konitubena daꞌa to nipopolai wute mobani. Daꞌana tiꞌo nirampu hei nitube pe lali api.

Lekiꞌ-lekiꞌna hieꞌe Kutiꞌikikei, hingkeꞌna komotanaꞌKu uwaꞌ i lalimi, hei hingkiꞌ buhaꞌ komotanaꞌmi.

Kupetuntui hawaꞌne UmoꞌKu hei tuwuꞌA i lali komarimaNa. Hatoꞌo woꞌo, ane ipetuntuikei lekiꞌ-lekiꞌne hawaꞌKu, hingkiꞌ tuwuꞌkei woꞌo i lali komarimangKu.

Hampiha tene Kutiꞌikikei: Momepokarimamokei!”

Ane rapaꞌna mampoꞌawakei toaꞌ to hawaꞌi mepoꞌohi, bateꞌna ropokarimakei, alaꞌ awarakei. Angkana Kuꞌuwiꞌmokei hei Kupohohidamokei ka lumbura, hingkeꞌna hamboaꞌmokei ropoꞌawa, iomo horiana rokabiriꞌkei.