Yohanes 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Himo-himo to mepoꞌohi pe Aku, hibali to teꞌukiꞌ i lali Suraꞌ Mangkolehi to mantiꞌi: ka lalina hingkiꞌ mampopoꞌili uwai to mepaꞌani kotuwuꞌ.”

Ando koꞌukoana Posusaꞌ Bambaruꞌ taweꞌ tiꞌo, iomo ando to meloliu konipokodeꞌne, metotiꞌimo hi Yesu i lali Tambina Pueꞌ Ala notiꞌikihi Nopokobue, “Himo-himo to mangkumaro, humeimokei pe Aku, hingkiꞌ Kupaꞌanikei maꞌinu!

To notungkai lolitana hi Yesu iomo Inohaꞌ Mangkolehi to hingkiꞌ rotorimo i lalira toaꞌ to mepoꞌohi pe Io. I tempona hi Yesu mololita hatoꞌo, Inohaꞌ Mangkolehi handoaꞌi tene mengkohou pe topetuntuNa, alaꞌ hi Yesu handoaꞌi nipokodeꞌ.

Inioꞌkei mobutusi awami motuntunilu hapo to iꞌokiꞌkei, angkana hangangaa mobutusikei hante ikototuꞌuana.”

Himolu to mololita i lali kuasaꞌna hadoduona, io mampaliꞌlu hingkeꞌna niperenakiꞌi. Angkana, Aku, Kukodokoꞌi hingkeꞌna UmoꞌKu to morumbaꞌA humei ropokodeꞌ, alaꞌ Aku to mononto, hawaꞌA mowuti.

Mehoniꞌ hi Yesu, “To Kupoturuꞌkikei, iomo poturuꞌ ka Pueꞌ Ala to morumbaꞌA, handoꞌio poturuꞌKu hadoduongKu.

alaꞌ hawaꞌi uwaꞌ toaꞌ to mampokoiꞌkei. Angkana Aku, ropokoiꞌA toaꞌ to kodake i duniaꞌ hieꞌe, alaꞌ Kupokonontokihi kokodakene waliara.