Lukas 17မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Katoꞌo notiꞌi womo hi Yesu pe toaꞌ tiꞌo, “Metotiꞌimoko, hei nolouko. Alaꞌ pepoꞌohimu pe Aku, io hinaꞌ moꞌoriꞌko.”

Ane halalimu mowali salaꞌ pe ingko, kehapomo pitu mpihana i lalina haꞌando, hante pitu mpihana woꞌo humei mopangakuꞌ salaꞌna pe ingko, hangangaa iꞌampuni.”

Haduo ka lumbura toaꞌ to hampuluꞌ nobahaꞌ komoꞌoriꞌnamo, katoꞌo mahuliꞌmo nolou pe hi Yesu, hei mantiꞌi pepokodeꞌna, “Tepokodeꞌmo Pueꞌ Ala. Moꞌoriꞌmoꞌa!” Io melingkotuꞌ metoungkaꞌ pe hinarona hi Yesu hante mantiꞌi woriꞌ komoromiꞌna pe Io. Toaꞌ tiꞌo iomo haduo toSamaria.

Iomo horiana hangangaa majaga-jagakei! Ane halalimu mowali salaꞌ, hangangaa nikamoroki. Hei ane nohohoꞌmoꞌi laline, hangangaa niꞌampuni.

Uko tiꞌo, notiꞌi hi Yesu pe lekiꞌ-lekiꞌna toaꞌ to metuntu pe Io, “Hawaꞌhireꞌi hampuluꞌ duo to Kupokoꞌoriꞌmo? Imbomohi awama to hio duo?

Mehoniꞌ hi Yesu, “Ane uwaꞌmo pepoꞌohimi kehapoꞌi kokiuꞌlu hibali wuaꞌ nunuꞌ, wadi itiꞌikikei loti to kodeꞌ hieꞌe, ‘Mowukomoko kaseꞌe, hei melimbako pe tahiꞌ!’ Loti tiꞌo bateꞌna hingkiꞌ motuntuni hawaꞌmu.”

Himo to motuntuni peleihana hadoduona, hawaꞌi pahua kotuwuꞌ to wolaꞌ. Angkana hihimo to mampohinte peleihana hei metuntu pe Aku kehapoꞌi nirokoꞌ, iomo to pahua kotuwuꞌ to wolaꞌ.

Uko tiꞌo, notiꞌi hi Yesu pe topeguruNa, “Bateꞌna uwaꞌ toaꞌ to mampokonawuꞌ toaꞌ ntaniꞌ i lali dosa. Angkana horewuꞌ mpuꞌu toaꞌ to mepomonawuꞌ tiꞌo! Himo to mampokonawuꞌ haduo toaꞌ to handoaꞌi tene maroho pepoꞌohine alana mowali dosa, aginamo haꞌanu watu to kodeꞌ nihiluꞌ i dokoꞌna hei nipelubaꞌ pe lumbu tahiꞌ.

Hapo to mewali i tempona nabi Nohoꞌ hampiha, hingkiꞌ mewali woꞌo i ando kohupaꞌna Anaꞌ Manusiaꞌ. I tempona nabi Nohoꞌ hampiha, hawaꞌi robahaꞌ hapo to hingkiꞌ morumpahi. Mangka hante maꞌinuhi woꞌo, hamokohi hei nipahamokohi. Tiꞌo to niwali woꞌo wute nabi Nohoꞌ mekahi i lali duanga to kodeꞌ. Hangkaꞌ-hangkaꞌ romohi noliuꞌ uwai, hei mahihi lekiꞌ-lekiꞌra.