Lukas 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Uko mepoturuꞌ, notiꞌi hi Yesu pe hi Simo, “Ibohemo duangama nolou pe kokuladuana, hei ipelubaꞌmo jalaꞌma hingkeꞌna pahuakei bouꞌ.”

Mehoniꞌ hi Simo, “Guru, ngkahaminiamoka mojalaꞌ, angkana hawaꞌi uwaꞌ howeꞌ hambaꞌa to noroa jalaꞌki. Angkana kehapoꞌi hatoꞌo, hingkiꞌ kupelubaꞌ mpuꞌu, alaꞌ Ingko to morumbaꞌa.” Katoꞌo, ropelubaꞌmo mpuꞌu jalaꞌre, hei woriꞌ mpololeke bouꞌ to noroa, koꞌukoana jalaꞌre hingkiꞌ morenda.

Kehapoꞌi watoꞌo, hi Yesu poko nolou mekokae hadoduona i peꞌohaꞌa to monondiiꞌ.

KohupaꞌKu hieꞌe hawaꞌA mowowoi toaꞌ to mononto waliara, angkana mowowoiꞌA toaꞌ to madosa hingkeꞌna nohohoꞌhi ka dosara.”

Hokomo hi Simo Peturuꞌ hante awana pangkiꞌ hapo to mewali tiꞌo, alaꞌ nokomi koworiꞌna bouꞌ to rojalaꞌ. Iomo hinaꞌ melingkotuꞌmo hi Peturuꞌ pe hinarona hi Yesu notiꞌi, “Pueꞌ anioꞌa Ikododungkui, alaꞌ aku hieꞌe toaꞌ to madosaꞌa.”

Nohoniꞌ hi Yesu, “Toaꞌ to hawaꞌi mohakiꞌ, hawaꞌi moparaluꞌi sando. Toaꞌ to mohaki'lu to paralu mampaliꞌ sando.

Uko tiꞌo, duangara roruiꞌmo nolou pe lerina hei lekiꞌ-lekiꞌna lumara ropolihi honiꞌhi metuntu pe hi Yesu.

I hampiha, tempona hi Yesu uwaꞌ i haꞌanu kota. Itoꞌo uwaꞌ haduo toaꞌ totungki wotana. Totungki tiꞌo pangkiꞌ hi Yesu, katoꞌo melingkotuꞌmo metoungkaꞌ i hinaroNa, hei noperapiꞌ pe Io notiꞌi, “Pueꞌ, kubahaꞌ koꞌIbiaꞌne mepokoꞌoriꞌ. Ane hiniꞌKo, Ipokoꞌoriꞌa kaiaꞌ!” Noperamamo hi Yesu toaꞌ tiꞌo honiꞌi notiꞌi, “Kupoꞌioꞌ mpololeke, moꞌoriꞌmoko!” Hangkaꞌ-hangkaꞌlu, hakiꞌ to mekododokui tiꞌo moholimo.

Kehapoꞌi niꞌopi mampowute kareba konipokoꞌoriꞌnamo angkana tontona tekareba pe imbo-imbo, alana woriꞌ toaꞌ to mehupaꞌ pe hi Yesu hingkeꞌna mampehoromua lolitaNa hei Nopokoꞌoriꞌhi ka hakiꞌra.