Joni 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ndime musaansa, nywebo ndinywe mitabi. Ooyo uukkalilila mulindime ambebo mulinguwe, nguutikonzye kuzyala micelo minji-minji, nkaambo kuti kamwaandeene andime tamukwe ncimukonzya kucita pe.

Amukkalilile mulindime, ambebo mulindinywe. Mbubonya mbuunga mutabi tuukonzyi kuzyala micelo wanooli ulikke, kuutajisilizi kucinyina, anywebo mbubonya, tamukonzyi kuzyala micelo ccita kamukkalilide mulindime.

Aboobo kuti naa mwakkalilila mulindime, aalo majwi aangu akkalilila mulindinywe, mulakonzya kukumbila kufumbwa ncomuyanda, eelyo mulapegwa.

Tamuli ndinywe mwakandisala, ndime ndakamusala. Ndakamusalila kuti muzyale micelo, eyi kamwiizyala lyoonse, eelyo Taata uyoomupa kufumbwa ncomuyoomukumbila muzina lyangu.

Taakwe muntu uujisi luyando lupati lwiinda loolu lwakuti atuule buumi bwakwe akaambo kabeenzinyina.

Lino kufumbwa mutabi uutazyali micelo uluukwezula, pele mutabi uuzyala micelo uluukokweda kutegwa usalale uzyalisye micelo kwiindilila.

Mulawo wangu ngooyu, ngwakuti muyandane mbubonya mbuli mbwemuyanda mebo.

Kuti kamuzyalisya micelo, eeco inga cacita kuti Taata alemezegwe, nkabela anywebo nomuyoolizibya ncobeni kuti muli basikwiiya bangu.

“Ndime musaansa nkabela Taata ngomukamwini muunda.

Kuti naa muntu katakkalilili mulindime ulasoogwa mbubonya mbuli mutabi wagonkwa, eelyo ulayuma. Mitabi iili boobo bantu baliibungika akwiitenta mumulilo.

Ndamwaambila zintu eezi kuti mutangale mbubonya mbuli mbwetangede, akwalo kutangala kwanu kwiindilile.

Kuti mwalondola milawo yangu, muyooyandana mbuli mbwemuyanda, mbubonya ambebo mbwebamba milawo ya Taata akuyanda mbuli mbwandiyanda.

Nkaako ndamupa mulawo ooyu wakuti muyandane.

Kuti nimwali mbuli bamunyika, nibali kumuyanda nkaambo nimwali bamwi babo. Lino akaambo kakuti tamuli banjiyo, nikuba kuti ndakamusala kuzwa kuli bamunyika, ncencico eeco ncobamusulaikila.