लुका 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

तम्हैं बी रहा हर बगत तैर। किल्हैकि ज़हा घल़ी तम्हैं सोठी बी निं सकदै, तेसा घल़ी एछणअ हुंह मणछो शोहरू।”

पर तम्हैं करा आपणैं बाप्पू परमेशरे धर्म और राज़े लोल़-तोप और ईंयां सोभ गल्ला जाणीं तम्हां भेटी।

ईशू बोलअ तेखअ तिन्नां लै, “चतैन रहा, और सोभी रंगे मांण करनै का रहा आप्पू बच़दै। किल्हैकि कोहिए ज़िन्दगी निं तेऊए खास्सी ज़ैदात करै बच़दी।”

किल्हैकि ज़िधी थारअ धन आसा, तिधी रहणअ थारअ मन बी लागी।

“तम्हां मांझ़ै इहअ कुंण आसा ज़ुंण फिकर करी करै आपणीं अमर धख ज़ेही बी सका लाम्मी करी?

तेखअ बोलअ ईशू आपणैं च़ेल्लै लै, “तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि हाम्हां किज़ै खाणअ, किज़ै पिणअ नां आपणीं देही लै फिकर करी कि किज़ै बान्हणअ?

इधी तैणीं कि तेऊ आसा थारै मुंडे शराल़ बी सोभ गिणैं दै। तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।

“तम्हैं आसा भेडे होछ़ै छ़ुंडा ज़िहै ज़हा हुंह सभाल़ा, तम्हैं निं किछ़ी गल्ले फिकर करी। किल्हैकि थारै बाप्पू परमेशरा लागअ इहअ भलअ कि तेऊ दैणअ तम्हां लै राज़।

सरगै डैऊंदै पंछ़ी भाल़ा! ईंयां नां ता बऊंदै और नां ता लऊंदै नां ता तिन्नें खेच खहल़ नां भढार हंदै। तैबी धाचा तिन्नां परमेशर आप्पै। तम्हैं आसा इना का खास्सै किम्मती। (भज़न 147:9)

तम्हैं एसा गल्ला लोल़ै निं रहा लागी कि किज़ै खाणअ और किज़ै पिणअ? नां ता बैहम करा।

ज़ै परमेशर घैहणींए घाहा लै, ज़ुंण आझ़ आसा और काल्ला दहणअ सह आगी जैंदरी, तिन्नां का बी इहै झिकल़ै बन्हैऊंआं। ता हे बैहम करनै आल़ै विश्वासीओ, तम्हां लै कै सह झिकल़ै दैई निं सकदअ?

इहअ बगत बी एछणअ ज़ेभै ढोपी डाही दी हर च़ीज़ शुझणीं सोभी का और गुप्त च़िज़ो लागणअ सोभी का थोघ।