Ima̍aki 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Iji̍sɔ̄ɔsi da ɔnyā ɔla̍ā bɛ̍ɛ̄nɛ̄ hīka, “Ɔyi̍ yī u, ɔtū ode chōche yī wɔ ya̍ nīi a de lɛ cha̍cha̍ mɛ̍. Hɔ̄lɛhi gɛ! Iyē ɔla̍ā ge̍ de hīya kpɛɛ bɛ̍ɛ̄nɛ̄.”

Ɔnyā ɔha̍ nīi kwi̍īyē yī yeyī ohōhu lɛ̍yi̍ igwo̍lɛpa ke̍e̍ ma̍ yɛ abɔ̍ɔ. Ɔnyā ɔla̍ā tū obo̍chi̍ la ɛbɛ yɛ̄mɛ̄mɛ̄ mɛ̍, o̍ i̍ ngmɛ̍rɛ̍ ni̍. Ɔjā nīi o̍ lɛ wa̍a̍ ma̍, o̍ de kpo̍ ba̍ iyī nū cha̍cha̍, o̍ i̍ lɛhu̍ ni̍. Ɔla̍ā kpɛ̍ɛ nīi o̍ to̍ōtu̍ hɛ̍ wɔ̍bi̍ dɛ̄ a̍nɛ.

O̍ de abɔ̄ gwō Iji̍sɔ̄ɔsi la ɔjā otūlibi̍īyē ma̍, yeyī ohōhu ɔla̍ā hɛ̍ kra̍ ɔpɔ̄ɔpɛ̄. O̍ de jo̍ōkū abɔ̍ɔ lipu̍ yī ibi̍īyē yī nū ɔpɔ̄ɔpɛ̄ ka anɔ̍lɔ de lɛ cha̍cha̍ mɛ.

O̍ nāa ɔyi̍ ɔla̍ā abɔ̄ bī la abɔ̄, ka tāa anu̍ hīka, “Tali̍ta kūum.” Ochi̍chi̍ yī ɔla̍ā re̍ka, “Ɔɔ̍pɛ̄ ɔnɔ̄nyā, n koko̍o de wɔ, nīichō!”

Igbo̍ nīi Iji̍sɔ̄ɔsi rɛ ma̍ ē kɛlā nūma̍ ma̍, āchɛ ɛha̍ bū la wɔlɛ̍ yī Ija̍yi̍rɔ̄ɔsi wā abɔ̍ɔ ge̍ ka de Ija̍yi̍rɔ̄ɔsi hīka, “Ādā, ɔyi̍ yī wɔ pīyaku̍ mɛ̍. A gba̍a ē ya̍ Ɔngūlɛ̄lā ichi̍ ge̍ē ya̍ oji̍?” Iji̍sɔ̄ɔsi plɛ̍ɛ̄lā ɔla̍ā nīi e̍ yɛ ē kɔ̄ka ma̍ wa̍a̍. O̍ koko̍o de Ija̍yi̍rɔ̄ɔsi hīka ɔ̍lɔ ge̍ e̍e tūuhwi ni̍. Ɔ̍lɔ ge̍ de ɔtū che kpɔ̍ɔ̍ ji.

Wu̍chē lɔkɔ nīi Iji̍sɔ̄ɔsi yɛ ē ka hīka yapri̍ija ɔdwɔ̄bi̍ ɔ̍lɔ ge̍ bīyɛchɛ hī ɔ̍lɔ ma̍, anu̍ - ohu̍ nīi o̍ ka i̍ngɔ̍ɔ a̍nɛ. Iji̍sɔ̄ɔsi che ɔ̍ ikpo̍ hīka riyī yī ɔ̍lɔ re̍ kana̍? O̍ koko̍o de Iji̍sɔ̄ɔsi hīka, “Riyī yī u re̍ka ‘Yɛ̄mɛ̄.’ Wu̍chē oji̍ nɛ, alɔ lyɛ̄mɛ̄mɛ̄.”