توریت شریف: پَیدایش 32မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

فِر اُس بندے آخیا، ”اج تُوں بعد تُہاڑا ناں یعقُوب ناں ہوسی، بلکہ ”اسرائیل“ ہوسی، کِیئانکہ تُوں خُدا تے بندیاں نال زور آزمائی کیتی تے توں ڈاڈھا ہوئی گیا ایں۔“ (”اسرائیل“ نا مطلب اے ’او خُدا نال کُلݨا‘.)

فِر بندے آخیا، ”مِکی جاݨ دے، کِیئانکہ پَو پھُٹی گئی اَے.“ پر حضرت یعقُوب آخیا، ”جس ویلے تک تُساں مِکی برکت ناں دیسو، میں تُساں کی جاݨ نی دیݨا۔“

پر او آپوں کہلے رِہی گئے. اُس ویلے ایک بندہ ایا، تے پَو پھُٹݨے تک اُنہاں نال کُشتی کرنا رہیا۔

حضرت یعقُوب آخیا، ”میں اللّٰہ تعالیٰ کی روبرو تکیا اے، تاں وی مہاڑی جان بچی رہی اے۔“ اِس واسطے اُنہاں اُس جغہ نا ناں ”فنی ایل“ یعنی ”دِیدارِ اِلٰہی“ رخیا.

جدُوں اُس بندے تکیا کہ او حضرت یعقُوب کولوں جِتݨا نی پیا، تے اُس اُنہاں نی سونجھے کی ہتھ لایا، تے اُنہاں نا جوڑ نکلی گیا۔

تاں فِر اُس بندے پُچھیا، ”تُہاڑا کَے ناں اے؟“ اُنہاں جواب دِتا، ”یعقُوب ۔“

حضرت یعقُوب اُس کی آخیا، ”میں تُساں نی منت کرنا آں کہ تُساں مِکی اپݨا ناں دسی شوڑو۔“ پر اُس آخیا، ”توں مہاڑا ناں کِیئاں پُچھݨا ایں؟“ فِر اُس اُنہاں کی برکت دِتی۔

میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

اِیئے وجہ ہے کہ آج وی بنی اسرائیل سونجھے نے جوڑے نی رگ کی نی کھاݨے، کِیئانکہ حضرت یعقُوب نی اِسے رگے کی اُس بندے ہتھ لایا سی.

فِر حضرت یعقُوب دعا کیتی، ”اے مہاڑے دادا ابراہیم اور مہاڑے باپ اسحاق نے خدا، مہاڑی دعا سݨ! اے رب، تُوں آپوں مِکی دسیا، ’اپݨے ملک تے رشتے داراں کول واپس جا، تے میں تُکی کامیابی دیساں۔‘

ہُݨ مہاڑی عرض سُݨی کِہن، تے مہاڑے پہراؤ اِیسَو کولوں مِکی بچائی کہن. میں اُس کولوں ڈرنا آں کہ او اچھی کے مِکی تے مہاڑیاں بچّیاں کی ماواں سمیت ماری ناں سٹے۔