ወንጌል ዘማቴዎስ 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ወዘሰ ተዘርዐ ውስተ ምድር ሠናይት ዝ ውእቱ ዘነገረ ይሰምዕ ወይሌቡ ወይፈሪ ወይገብር ቦ ዘምእት ወቦ ዘስሳ ወቦ ዘሠላሳ።

ወዘሰ ውስተ ሦክ ተዘርዐ ዝ ውእቱ ዘነገረ ይሰምዕ ወትካዘ ዝ ዓለም ወስፍጠተ ብዕል ተኀንቆ ለነገር ወዘእንበለ ፍሬ ይከውን።

ኵሉ ዘይሰምዕ ነገረ መንግሥተ ሰማያት ወኢይሌቡ ይመጽእ እኩይ ወይመሥጥ ቃለ ዘተዘርዐ ውስተ ልቡ ውእቱኬ ዘተዘርዐ ውስተ ፍኖት።

ወዘሰ ውስተ ኰኵሕ ተዘርዐ ውእቱ ዝ ዘነገረ ይሰምዕ ወሶቤሃ በፍሥሓ ይትዌከፎ። ወባሕቱ አልቦ ሥርው ላዕሌሁ ለጊዜሃ ዳእሙ ውእቱ ወከዊኖሰ ምንዳቤ ወስደት በእንተዝ ነገር በጊዜሃ የዐሉ።

ካዕበ ትመስል መንግሥተ ሰማያት መድፍነ ዘኅቡእ ውስተ ገራህት ወረኪቦ ብእሲ ኀብኣ ወእምፍሥሓሁ ሖረ ወሤጠ ኵሎ ዘቦ ወተሣየጣ ለይእቲ ገራህት።

ወቦ ዘወድቀ ውስተ ምድር ሠናይት ወወሀበ ፍሬ ቦ ዘምእት ወቦ ዘስሳ ወቦ ዘሠላሳ።

ኅድግዎሙ ይልሀቁ ኅቡረ እስከ ጊዜ ማእረር ወበጊዜ ማእረር እብሎሙ ለእለ የዐጽዱ እርዩ ቅድመ ክርዳደ ወእስርዎ በበከላስስቲሁ ወአውዕይዎ በእሳት ወሥርናዮሰ አስተጋብኡ ውስተ መዛግብትየ።