Lúkɩ 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tányɩɛ́ mʋ́ Záan ŋwʋ́ɛ́ wá nyʋa nyú wlú a, Zozíi yi wá sáà ʋ́, lé Záan ŋwʋ́ ɔ́ wá nyú wlú lé ɔ́ bhibhie lé lagɔ̀yɩ̀ɛ̀ kalɔ klʋ́, lé Blɔ̀blɔ̀zùzùò kwlíloó jɩ̀ cémʋ́ kpóòkpú kwlíe lɛ́ a. Lé niwɔlɩ wlʋ́ lagɔɔ́ lé ɩ́ kwlíi, ɩ́mɩ́ ɩ̀ ŋwɔ́ɔ mà: «Mɔ̀ ŋwɔ́ɔ ná Wàwàyʋ, mɔ̀ jɩ̀ ná duo kʋʋ̀.»

Ɩ́ ka ŋnɩ́ lé Záan srʋ á mà: «Mɔ́ɔ, nyú ɩ́ ŋwʋ́ɛ́ amɔ wlú, mà nyɔɔ́ ɔ̀ yie mɔ́ɔ bɩ́ a, ɔ́ ka fɩ́ lé ɔ́ zi mɔ́ɔ kʋ́, nɩ́ ɔ sí a bhlí a tɔ́sɔɛ́ neé bhɩa. Ɛ̀ nɩ̀ ŋwɔ́ɔ ɔ́mɔ́ a, Blɔ̀blɔ̀zùzùò lé kosu, ɩ́mɩ́ mʋ́ ɔ́ na ká amɔ nyú wlú ŋwʋ́.

A nɩnɩgbɩ ka lé ɩ ká nyʋa srʋ mà a ya cɩ́cɩɩ̀! Lé a ná srʋ flɛ́flɛ̀sa a nyoku mà, à tʋ́ʋ̀ ŋwɔ́ɔ Ablaámʋ! Náa srʋɛ amɔ mà, Lagɔ nɩ wà a, ɔ́ yi cɔ́kwɩɛ́ lɩ̀à Ablaámʋ a yúó mʋ́ pláa.

A dʋdʋ̀ʋ̀, dɔ̀mɛ̀ɛ̀ ya yrɩ̀lɩ̀ ɛ ká suó a bhlíkpié dédìè. Suó ʋ̀ nɩ́ trʋ námabhi a, á yi ʋ́ bhla lé á yi ʋ́ kosuú páa.»

Cémʋ́ ɩ́ jɩ́jràlɔ̀ Lagɔ a nékʋ́cinyɔ Ezayíi a bɔ́gʋ̀ɔ̀ a mnɩ́ a, ɩ́mɩ́ ɩ̀ niloò, ɩ́mɩ́ ɩ̀ ŋwɔ́ɔ mà: Nyɔ pá wɔlɩ́ zɩkpɩkɔfʋ́ a mnɩ́, ɔ́ nie: A gɩglà Kanyɔ a nyúzɔ̀ɔ̀ Lé a srí ɔ nyízɛ̀ɛ̀ sá! A sú gbàzrɩ̀ɛ̀ fɩ́ɛ́ né. Kíkíé yà gbʋgbɩ́ɛ́ fɩ́ɛ́ sɔ́, a mímilɩɩ́ kʋ́, lé a kwlélɩɩ́ sá. Nyízɛ̀ɛ̀ ɛ̀ sɔsɩɔ mɔ̀ɔ a, ɛ́ srílo yɩ́ sa Lé nyízɛ̀ɛ̀ ɛ̀ nyù a, ɛ́ yi yɩ́ gɩglàlɔ̀. Lé nyʋa fɩ́ɛ́ ká saá yɩbhlɩ mà Lagɔ yrá lé ɔ ká ʋ́ má neé saà.