Luka 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Mi khempeuh a kibaptaiz khit uh a ciangin, Zeisu in zong kibaptaiz a, thu a nget lai takin van kihong a, Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Isaiah gelhna in: “Gampa lakah kikopa’ aw in, ‘Topa paina lam na sial un. Ama lampi na tangsak un. Mualkuam thuk khempeuh kivuk dim ding a, Mual lian leh mual neu khempeuh kito niam ding a, Lam kawi khempeuh kitangsak ding hi, Lei hamte a kinelsak ding hi;’ Mi khempeuh in Pasian’ gupna thu a thei ding uh hi,” ci-in a gelh hi.