Ira Riva 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Pita neke ungene tughuri, “Ghau haroharo o toraina taghuru kairi ira sasakemu nia o seselebeana ka ia babaolona Zisas Kraes mala kai hazadira ira muko ka ghau, e ghua. Ianimu tuna ghe go hioi nga ghau mu ia Tarunga Ta Maduana, ia kaikadolo sipana ka God.

Maneri dike nonomoho nia leghuri ma dike au ghu, ira vari va kakahei ka ira mane nonomoho, dike kaike ngangana tudu ma ghu taremehadira ira keha noni ta va hohoghona ta vari tokai maneri. Nia maneri dike holara haro molamo ka ia Mahai Varighara Va Sasaighona ngana leghuna ia Lod, nia taremehana tarai e ghua.

Maneri haroharo dike auro aianimu, dike fouduri ia Tarunga Ta Maduana dike tatanigai ngengene ghu ka ira sopai kokolodi ngengene, leghuina ia babatu ka ia Tarunga Ta Maduana.

Heve ba ne ghua ma, taghe kurumuna dafe ta toraina gigima, neto la ghua meha ghu ka kolangana fate, toraina kigilina ka ia giliona suga kamoto ka dike nohero maneri. Ianimu tuna ghe dike finiri nga maneri taghe helupudi totoi dike ghuaro, ta fota ta la auna ghu ka ira sopai paudi ira noni aianimu. Maneri haroharo dike auro aianimu, dike fouduri ia Tarunga Ta Maduana dike tatanigai ngengene ghu ka ira sopai kokolodi ngengene, leghuina ia babatu ka ia Tarunga Ta Maduana.

Leleghu ravata maneri edi la varighara ka ira galahedi ka giliona ia Sugana God nia edi mahai varighara ka ira sugadi, mahaina ka ira hihingo ta va manemane nia unuhu, helahela ghini ma ta auna ghu God nia va ghazaghaza ghinina ia ngangana ta veha ka ira keha nonidi Zerusalemu, e ghua. Leleghu ravata, ia Lod neke hio va doliri ira noni ka ira sasake maneri, va tehi laoinani ia pukuna ka maneri.

“‘Iahi mu ta age riva ghinina ara ghatu ka ira va nonoghadi ravata, ne ghua God: ara a ghasolo vanadi lao ghatu ira noni haroharo ia nogu Tarunga. Ira tuumu mane nia ira tuumu ghase, edi age tuturi ghini kave ghatu ia nogu nonomoho, ira mane foforu ka ghau edi age fini hahaima ghatu, ira mane kusu ka ghau edi age fini epu baghunai ghatu.

Ira noni haroharo ta va hohoghona, dike vari dudufu tudu ma, vari tufa ghidira ira vahina nodi leghutau ta taghori nga. Maneri dike tatabara ghidi haro molamo ira nodi kava nia ira keha leghutau dike taghoriro e ghua, dike tufari ghu ira rongodi ka heiri ira ta malanga.

Heiri haroharo ta kudo lao ka ia Lod mala hio va dolirira, Ia Lod e age hio va doliri ghatu ka ia va kilasa ta maladi ira sasakedi.’

Vununa ka ia gufu, e age fifini nagoromona ghu ka ira noni ia taunu, nia ia hihile tuna taghe busakana kuburu ge ghua ghu ka maneri, e ghua. Leghutau iranimu edi age dufu ghatu, ghe ge dufu nga ia tongovona ravata ta namanama, ka ta la mehao ghatu ia Lod God, mala faterira ira noni haroharo.