Lucas 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Itime ti siupa iyo ti taka'neyasa'n, ijliuyet'iyijpe ja Simón ti iyo'ate: —Joyija'm ni siunie yi'i siunie tojwi jana kasejkana. Sek jane'yi ka atatayijamna'a 'niwa aka 'nijia tio', woye'ni.

Simón iyo'ne 'ate ti isiujlie: —Inka'neyasajnawo, atejwaja'm ki ajnaj ti awokietaj'ni, lajk'iyi pa ka i'wina. 'Esijyi ti a'am ti jijliuyijk'i'm, jatietajam'ne 'niwa ika'nijia tio'. Ijiatjliyi, its'iuyisie sekyi'i ti itietayisiaja'm, yaka jla'm iwo ti i'winat'iyispe puwa si'yus, ti ijiat ti 'lojwe, paj ti je 'esieyi ti ijliena ka inkisatk'i puwa 'naja tio' kajeyepa ti 'loj puwa si'yus.

Jesús yam'ne ti ijioyi siupa ajnat laj i'nioye'e, ti iyo t'ajlayeja'.

Je napok ka iniame siunapo isis, jla'm ijiate siunapo inke' jiliajnis napok aname, ja'nakayeyi ti jawo jlosikis ink'iejyisa'.

Simón Pedro ti i'wi'in ti kia'iyo, t'akosjlete'l itiyet'iyijimpe kiajwe pa Jesús, sekyi'i iyo'ne 'ate: —¡K'iuk'i'm, 'Yaka'niona, sitioniti'n ti ya'am ti je ts'es!

Jesús isiujlie papo ti iyo'ate: —Siunapo yi' ape'e niwa jlo'witis, napok 'yu'we ti isitia'n ni inkakiewo wuj. Jlampet siunapo isis, ti lajk'ipa ka inlate, napok je isitia'n, kajeyepa.

Yamat'iyisijpe jikiusi puwa jika kasejkanayis, jlam sek iliyet'iyisijpe jiwekie'e, siu'neje puwa yiji, yamisk'i'ne pa Jesús.

Po' japa jloma Jesús yit'iyipe japa isi' ijioyi, 'nesat'ipi siupa i'nio' inwatis jitio' yi'i. I'win jiwek pa Jesús, sekyi'i t'akosat'iyijpe kiajwe ti iyo'ate ti inip'elisine: —'Yaka'niona, ka woyi, jikajli ka anetiajnat siuniwa ijio'ni ijyik'i. Jesús isiets'e'ne, sekyi'i iyo'ne 'ate: —¡Awoyi, i'nes! Je yiji puwa ka jlomasa' ti 'esie pi i'nio', ti netianat'ipi puwa inwatis jitio'.

Ijiatat'iyijpe ti tonitie pa Jesús, itijwaja'ni japa ajnat. Je pini' papo i'nio' ijioyi'ni kank'iuyi ti yamtiyi puwa Sinia' jlamtis, siu'neje ka injwajiete siupa jiliaye iyo.