ମାଥିଉ 28မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ତ୍‍ବେ, ତୁମିମ୍‍ନ୍ ଜାଇ ସ୍‍ବୁ ଦେଶାର୍ ଆର୍ ସ୍‍ବୁ ଜାତିର୍‌ ଲକ୍‌ମ୍‍ନ୍‌କେ ଉବା ଇଶ୍ୱର୍‌, ତାର୍ ହଇସି ଯୀଶୁ ଖ୍ରୀଷ୍ଟ, ଆର୍ ପବିତର୍ ଆତ୍ମାର୍ ନାମେ ଡୁବେନ୍ ଦିଆସ୍, ମୁଇ ତୁମୁକ୍‌ମ୍‌ନ୍ ଜୁଇସ୍‌ବୁ ଆଦେଶ୍ ଦେଇଆଚି, ସେ ସ୍‍ବୁ ମାନ୍‍ତାର୍ ଗିନେ ଶିକ୍ୟା ଦେଇ ସେମ୍‍ନ୍‍‍କେ ଚେଲା କ୍‍ରା। ଆର୍ ମ୍‌ନେର୍‌କା, ଯୁଗ୍ ଶେସ୍ ହ୍‍ତେକ୍ ସ୍‍ବୁବ୍‍ଳ୍ ମୁଇ ତୁମାର୍‌ମ୍‌ନ୍‌କାର୍ ସ୍‌ଙ୍ଗେ ସ୍‌ଙ୍ଗେ ଆଚି।

ଆରେକ୍‌, ସେ ବିଶ୍‌ବାସ୍‌ ନ୍‌କେଲା ଲକ୍‍ମ୍‍ନ୍‍କର୍ ଲ୍‌ଗେ ଯୀଶୁ ଗ୍‍ଲା ଆର୍ କଇଲା, ସ୍‌ର୍‌ଗ୍‌ ଆର୍ ହୁର୍‌ତିବିର୍ ସ୍‍ବୁ ଅଦିକାର୍ ଇଶ୍ୱର୍‌ ମକେ ଦିଲାଆଚେ।

ମ୍‍ତର୍ ସ୍‌ର୍‌ଗାର୍ ଦୂତ୍ ସେ ମାଇଜି ମ୍‌ନ୍‌କେ କଇଲା, ତୁମିମ୍‍ନ୍ ଡିରାନାଇ, କାଇତାକ୍ ତୁମିମ୍‍ନ୍ କୁର୍‍ଶକାଟେ ମ୍‍ରିରିଲା ଯୀଶୁକେ କଜୁଲାସ୍, ଇକ୍‍ତା ମୁଇ ଜାଣି। ସେ ଇଜାଗାଇ ନାଇ, କାଇତାକ୍ ସେ ଜ୍‌ନ୍‌କ୍‌ରି କଇରିଲା, ସେନ୍‍କ୍‌ରି ଜୀବନ୍ ହାୟ୍‍କ୍‍ରି ଉଟିଆଚେ। ତୁମିମ୍‍ନ୍ ଆଶା, ସେ ଜୁଇ ଲ୍‌ଗେ ସଇରିଲା ସେ ଜାଗାକେ ଦ୍‌କା।

ତ୍‍ବେ ଯୀଶୁ ସେମ୍‍ନ୍‍‍କେ କଇଲା, ଡିରାନାଇ, ତୁମିମ୍‍ନ୍ ଜାହା ଆର୍ ମର୍ ଚେଲାମ୍‍ନ୍‍କେ ଜାଣାଉଆ, ସେମ୍‍ନ୍ ଗାଲିଲୀ ଜିଲାକେ ଜ୍‌ଉତ୍। ସେତି ସେମ୍‍ନ୍ ମକେ ଦ୍‍କ୍‌ତି।

ମୁକିଆ ଜାଜକ୍‍‍ମ୍‌ନ୍ ପାରାଚିନ୍‌ମ୍‌ନ୍‌କାର୍ ସ୍‍ଙ୍ଗ୍‍ ମିସିକ୍‌ରି ବୁଦି ହାଚ୍‍ଲାଇ, ଆର୍ ସେ ଜାଗୁଆଳି ଲକ୍‌ମ୍‍ନ୍‌କେ ମିଚ୍ ସାକି ଦେମ୍‌କେ ବେସି ଟ୍‍କା ଲାଚ୍ ଦେଇ କଇଲାଇ, ତୁମିମ୍‍ନ୍ ଲକ୍‌ମ୍‍ନ୍‌କେ କ୍ଉଆ, ଅମିମ୍‍ନ୍ ରାତି ସଇଲା ବ୍‍ଳ୍ ତାକାର୍ ଚେଲାମ୍‌ନ୍ ଆସିକ୍‍ରି ଯୀଶୁର୍ ମ୍‌ଲା ମ୍‍ଳ୍‍କେ ଚରିକ୍‍ରି ନ୍‌ଇଗ୍‍ଲାଇ। ଆରେକ୍‌, ତୁମି ସଇରିଲା କ୍‌ତା ପିଲାତ ଗବର୍‍ନର୍ ଶୁଣେଦ୍, ତ୍‍ବେ ଅମିମ୍‍ନ୍ ତାକେ ବୁଜାଇ ଦେମ୍‍ନ୍ଦ୍ ଯେ ଇତି ତୁମାର୍ କାଇ ଦସ୍ ନାଇବ୍‍ଲି, ଇ ବିଷୟେ ତୁମିମ୍‍ନ୍ ଚିନ୍‍ତା କ୍‍ରାନାଇ। ସେ ଜାଗୁଆଳିମ୍‌ନ୍ ସେ ଟ୍‌କାକେ ନିଲାଇ ଆର୍ ସେମ୍‍ନ୍‍‍କେ କଇରିଲା ହର୍ ଲକ୍‍ମ୍‌ନ୍‍କେ କଇଲାଇ। ତ୍‍ବେ ଇକ୍‍ତା ଯିହୁଦି ଲକ୍‍ମ୍‌ନ୍‍କାର୍ ବିତ୍‌ରେ ଉବ୍‍ଜ୍‍ଲି ଆର୍ ଆଜିହ୍‌ତେକ୍ ହେଁ ସେ କ୍‌ତା ଆଚେ।