โยฮัน 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ซือมียา นู ปือจายา กะ กู เตอ_ บือกะ อาดา ฆาแรฮ ดัฮ_ เดะ ซูรัจ ปือมือเลา นะ ตูฮัด จะ ‘ซูงัย อาดา อาเย นู บรี ฮีโดะ เตอ_ นะ มือนีแลฮ ตรือเบะ เดะ ดาลับ ฮาตี นะ ซือมียา อีตู เลอ.’ ” เยซู ญา จะ.

เดะ ลาฆู บรามัย อารี ปือญูดัฮ_ ฌาดี อารี บือซัยํ เตอ_ เยซู ญา บือดีรี มือญาเระ_ ซือวารา บือซัยํ จะ_ “ดัฮ ซือมียา ดีฮา ดาฆา อาเย_ บรี กะ ซือมียา อีตู มาแรฮ มียา กู_ บีดา นะ โอะ อาเย.

นู เยซู มือเลา เตอ_ ญา ตูโญะ กะ ซือมืองัจ นะ ตูฮัด เลอ_ นู โกะ ซือมียา ปือจายา กะ ญา_ นะ บือเลฮ ซาโมจ ดัฮ. กรานา จะ_ ตูฮัด เตด บือเลฮ บรี ซือมืองัจ นะ ญา ลาฆี_ ซาเบะ เยซู เตด กือนา อาเกะ_ บรี บือซรี บือซายา ลาฆี เลอ.

ฌางัน นะ กรัจ ฮูโกบ ซือมียา_ ตูโรจ บือกะ ลาฆู นู กาเญา ลีฮัจ โซะ ลูวัยํ. ตาปี กือนา กรัจ ฮูโกบ บรี รือมัก บาฌิ เลอ.”

ซือมียา ดีฮา นู มือเลา_ ตูโรจ กะ ฮาตี นะ ตะอาซิก เตอ_ ซือมียา อีตู ญา ซูกา นะ บรี โกะ ซือมียา มือโอจ_ กะ อีซี ญาวา นะ ญา. ตาปี ซือมียา ดีฮา_ นู นะ บรี โกะ ซือมียา มือโอจ_ กะ ตูฮัด นู ซูโรฮ ญา มาแรฮ เตอ_ ซือมียา อีตู เลอ_ ญา ฌาดี ซือมียา รือมัก_ ฮอย ลาฆู มืออูปัย ลาลู เลอ.

กะฆีเตอ เยซู ญา ตีกัฮ กะ กูญา จะ_ “ปือมือเลา อาฌัยํ นะ กู_ บูกัด นะ กู ตะอาซิก เลอ_ ตาปี ฌาดี นะ ตูฮัด นู ซูโรฮ กู มาแรฮ.

ดือนียา นะ บือชี กะ ลูมอฮ กาเญา เตด บือเลฮ เลอ_ ตาปี ดือนียา นะ บือชี กะ กู ดัฮ_ กรานา จะ กู นี เลอ_ ฌาดี ซะซรี จะ_ ลาฆู บือกรือฌา นะ ดือนียา เตอ_ ญา ฌาฮัจ เลอ.