Jaan 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

'N tɩɛ 'amɩ plɛgälɩflɛrɛkʋ ‑gba, 'n ‑nyɛɛ 'amɩ 'na plɛgälɩflɛrɛkʋ; ‑mää 'sɩrɩ 'plä ‑nyɛɛa' 'imɩ nɩ, ‑mää 'sɩ 'nyɩ ‑nyɩ 'amɩ 'iin. 'Ana plɛ 'nyɩ ‑taaralɩ 'plɔʋ, 'ɛnyɩ ‑gbagbakä bɩa.

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

«'Ana plɛ 'nyɩ ‑taaralɩ; 'ba toro Nyɔsʋa plɛ, ‑bɛ 'ba toro bɩa 'mɩ plɛ.

‑Maa ‑Gbajisusulu, u bäa' 'Nyüna ‑Susu, u Tʋ 'mäa' 'na 'nyrɩklɩ jara nɩ, 'unya 'amɩ diia 'fɩɔ 'kpɩaa, 'kä 'unya 'amɩ wiili 'kä 'fɩɔ 'n ‑gbalaa' 'amɩ plɛpa.

Nyɔɔlɔ poa' 'na 'papawii 'nyakli ‑bɛ ɔ ‑trääräa' 'lɩ 'iin nɩ, 'ɔɔ ‑wa 'mɩ; ‑bɛ nyɔɔlɔ ‑waaa' 'mɩ nɩ, 'na Tʋ nya 'ɔɔn ‑waa, 'na 'mʋgbɛ 'nyaa 'ɔɔn ‑waa, 'kä 'nyaa 'ɔɔn 'na nyufa srara.»

‑bɛ 'mä Tʋ ‑gbala 'ɔmä 'amɩ ‑gbajinyɔɔ ‑moloo ‑nyɩ; 'ɔ nyra 'amɔ 'mä ‑wälɩkʋ 'plɔʋplɔʋ. 'Ɔɔ bä ‑Susulu sraraa' 'cɩcasa. 'Plä 'nyɩ 'lɩ ‑a bɩa 'ü 'nyiere 'uun 'klɩ, 'be 'ünyɩ 'uun jre ‑a jre ‑bɛ 'änyɩ 'jä 'uun 'wʋ ‑a. ‑Maa 'amɔlɔ nɩ, 'a jre 'uun: 'u nyra 'amɩ kʋwälɩ, 'unya 'amɩ 'lɩbäa.

‑bɛ diili kä 'fɩɔ 'amäa' 'na 'nyrɩklɩ 'betre, 'nyaa 'iin nʋa, ‑bɛ nyüü 'mä 'iin 'jä 'sɩrɩ Tʋ 'bʋaa' 'wliklɩ. 'Ama 'bete dɛɛ 'na 'nyrɩklɩ, 'nyaa 'amɩ 'ɛɛn ‑nyɩa.

«'Ama ‑wa 'mɩ nɩ, 'ba ‑träärälɩ 'na 'papawii

Kʋfë ‑sümlö 'na Tʋa nyüköli. Ima 'nyɩ ɩ 'ia 'saa ‑a bä nɩ, 'nyaa kä 'amɩ ‑gbala. 'Ana kʋfa 'n mö 'känyɩgla.

Ama mi, ‑bɛ ama ‑nyɩgla 'ana kʋfa 'kä nɩ, 'nyaa 'ana 'klɛɛ jia, ‑bɛ ‑plɩɩlɩ 'n kʋa' nɩ, 'amä bɩa 'lɩ kʋ.

'Iibäa' Tomaa nɩ: «'Pläkänyɔɔ, ‑plɩɩlɩ ‑möa', anyɩ 'lɩ ‑a jre. ‑Asɩ anya 'ia 'nyʋfɔ jre le?»