انجیلِ مَتی 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

هیشکَه چراغِ نِه روشِه نِمی‌کَه كِه وَه نِه زیرِ سَرپوشی بَنِئَه، بلكِم وَه نِه دِ ری چراغدُونی می‌نِئَه تا نیرِش وِ گِردِ وِنُو کِه هان دِ حُونَه، بَزِنَه. پس بِئیلیت نیرِ شِما بِفتَه وِ مردِم تا کاریاتُو نِه بِئینَن وَ بُوَه شِما نِه که ها دِ آسمُو، جِلال بِئَن.

«شِما نیرِ جاهانیت. شهری نِه کِه ری كُوئی بِنا بی‌یَه، نِموئَه قائِم كِرد.

«خُشالِ پاکدِل‌یا، سی یَکِه وِنُو خدا نِه مِئی‌نَن.

«خُشالِ وِنُو کِه چی گُسنَه‌یا وُ تِشنَه‌یا هان دِ دُمِ صالح بی‌یِه سی یَکِه وِنُو سیر موئَن.

اما مِه وِ شِما مُوئِم دُشمِه‌نیا خُوتُو نِه محبت بَکیت وَ سی وِنُو کِه شِما نِه آزار مِی‌ئَن، دعا بَکیت،

«خُشالِ وِنُو کِه دِ روح، ژار اَن، سی یَکِه پاتشائی آسمُو هینِ وِنُونَه.

«خُشالِ صُول‌کِه‌نیا، سی یَکِه وِنُو بَچُونِ خدا حَنَه موئَن.

«خُشالِ وِنُو کِه عازیَت‌دارَن، سی یَکِه وِنُو دِل‌گُوَه مِئی‌رَن.

«خُشالِ وِنُو کِه وِ سُنَه صالح بی‌یِه، آزار مِئی‌نَن، سی یَکِه پاتشائی آسمُو هینِ وِنُونَه.

«خُشالِ وِنُو کِه رَحم می‌کَن، سی یَکِه وِشُو رَحم موئَه.

«خُشالِ شِما زِمُونی کِه مردِم وِ سُنَه مِه وِ شِما گَن‌ِفاش بَکَن وَ آزار بَرَسنَن وَ وِ تیشکِتُو تهمتِ دِرو بَزِنَن. خُشال بایت وَ شایی بَکیت، سی یَکِه پاداشِتُو دِ آسمُو خیلی گَپ اَ. سی یَه هِه وِ ایی صورت وِ انبیائی کِه وِرَز شِما بییِن، آزار رَسَنِن.

«خُشالِ وِنُو کِه حلیم اَن، سی یَکِه وِنُو وارثِ زِمی موئَن.

«شِما نِمَکِ جاهانیت. اما اَر نِمَک خاصیتِشِه دِ دَس بِئَه، چطور موئَه او نِه دِ سَر نِمَكدار کِرد؟ دَ وِ کاری نِمیا مَر یَکِه پِرت بوئَه وِ دَر وَ زیرِ پا مردِم دِ بین رُوئَه.

پس شِما کامل بوئیت، هِه چِنُو کِه بُوَه آسمُونی شِما کامل اَ.

پس ”بله“ شِما هِه او ”بله“بوئَه وَ ”نَه“ شِما ”نَه“، سی یَکِه هَر چی بیشتِر دِ یَه، نِشُو مِی‌ئَه مَری چی گَنی ها پُشتِش.

«هَم اِشنَفتیتَه كِه گُتِسَه، ”چَش وِ عِوَضِ چَش وَ دِنُو وِ عِوَضِ دِنُو.“ اما مِه وِ شِما مُوئِم، دِ بِرُووَرِ آیِمِ شَرور نِسیت، اَر یَکی وِ لا راسِ ریت چَپِلاقی زَه، اولانِ ریتِه هَم وِرگَردُو والاش.

اَر چَشِ راسِت، تو نِه وِ گُنَه مُونَه، وَه نِه دِرار وَ بُن وِ دیر، سی یَکِه سی تو بیتِر اَ كِه عُضوی دِ بدنِت نابود بوئَه تا یَکِه تمُومِ بدنِت وِ جَهنِم وَنَه با. وَ اَر دَسِ راسِت، تو نِه وِ گُنَه مُونَه، وَه نِه قطع کُو وَ بُونِش دیر، سی یَکِه سی تو بیتِر اَ کِه عُضوی دِ بدنِت نابود بُوئَه تا یَکِه تمُومِ بدنِت وِ جَهنِم وَنَه با.