مَتّی 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ائوینگ ایچینه گئتدیلَر و اوشاقی، آناسی مریم اینن گؤردولَر. اوللار سجده‌یه دؤشدولار و اوشاقی پَرست ائدیلَر. اوندان سورا دا اؤز صندوق‌لارینی آچدیلار و اوشاقا طلا، کُندر و مُر هدیه‌لَری تقدیم ائدیلَر.

هیرودیس پادشاه‌لیگی دورانیندا، عیسا بِیت‌لَحِم شَهرینده کی یهودیه ولایتینده ایدی، آنادان اولدو. اؤنونگ اولماگیندان سورا بیر پارا اولدوز تانیان عالِم کی مُغ‌لاردان ایدیلار، شَرق دیاریندان اورشلیم شَهرینه گلدیلَر و دئدیلَر: «یهودی‌لارینگ پادشاهی کی تازّا دنیایا گلمیش هاردا دیر؟ چونکی اؤنونگ اولدوزو چیخَنده، بیز اولدوزو گؤردوک و گلمیشَک تا اؤنو پَرست ائده‌ک.»

اوللار اولدوزو گؤرَن وخت، چوخ بویوک شادلیگ اینَن، خوشحال اولدولار.

دیشده اوللارا دئییلمیشدی کی هیرودیس پادشاه یانینا بؤکولمه‌یلَّر؛ اوللار دا آیری یولدان اؤز مملکت‌لَرینه ساری یولا دؤشدولار. اولدوز تانیانلارینگ گئدمَکیندَن سورا، رَبّینگ بیر فرشته‌سی اوخودا یوسفه ظاهر اولدو و دئدی: «تور آیاقی، اوشاق و آنایی گؤتور و مِصره قَچ و او زامانانچاز کی سَنه دئیه‌م اؤردا قالینز، بو سَبریه کی هیرودیس پادشاه اوشاق قولونجوندا دیر تا اؤنو اؤلدوره.»