Ma-thi-ơ 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Dôh noor leq, phrui wơng joi nggoor [Brah Ưn] u baak sêch song Pang ri, nei Pang a kươi ươn bơl 'bei jôm ntil nei dơq.

Nei, khơơm a gênh ơơn aan nar ôi; đươm nar ôi a kươi ginh tơt aan nar ôi. Baak bool lgenh nar êch nei sơp aan nar nei.”

Đươm bei nei, Hei lah n'hai bơl 'bei: Khơơm đươm baak rêh baah gênh phrui sa ơơn, ôn ơơn; kot khơơm đươm chhak jan baah gênh dook ơơn. Baak rêh 'bưn thlay huôih griêng sa laang, chhak jan 'bưn thlay huôih khôw ao laang?

Dôh tơt koon r'bon dan, phrui mưt pơrniat êêng, kơldơp lpôông, kươi nei koon r'bon dan n'hai Bươp koon ri, Yaang gôq pôl sau knông ktôk kơndap; u bươp koon ri, Yaang sau knông ktôk kơndap, a kươi ươn tkôm aan koon.

Bei nei, bơl 'bei phrui r'bon dan bei au: ‘Smbah Bươp bơl koon a lơ trôôk; Saak Bươp kươt lư klanh; Nggoor Bươp kươt lôh, Rnđêch Bươp kươt but, a teh bei a trôôk!

Dan aan bơl koon nar au griêng sơp sa

Dan krôih dôih aan bơl koon, Bei bơl koon ja krôih pal bah geh dôih teq n'hai bơl koon

Dan khơơm jah bơl koon dol lêch lung, Dôh đoh bơl koon rlach ntil ap! [Đươm nggoor, dang kmheng, chring chraang kot pơơn teq u Bươp yoot yôw. A-men.]’

Mơq bơl 'bei ta krôih pal lơh tih aan bu nday, nei Bươp bơl 'bei lơ trôôk a kươi kot ta krôih aan bơl 'bei.

Phrui mơq pai chum trôôk: 'bưn siêm, 'bưn kach, 'bưn dơơm teq u nơm, dôh Bươp bơl 'bei lơ trôôk nha siêm bu. Bơl 'bei leet 'bưn thlay huôih pai chum laang?

“Bơl 'bei khơơm dơơm ttêm griêng grau a teh, laa ktôk geh tiêr reh, chreh sa lơh khuich, u bơl ttung kôi trôôm, waak pinir baah pơih. Dôh phrui dơơm ttêm griêng grau a lơ trôôk, laa ktôk 'bưn geh tiêr reh, chreh sa lơh khuich, kot 'bưn geh bnih ttung kôi trôôm, waak pinir baah pơih. Đươm griêng grau bơl 'bei a êch, nei chưt bơl 'bei kot a nei.”

“'Bưn geh 'bơơn awap lơh kaar baar nnơơm; đươm a kươi skiêr nnơơm au baah srlanh nnơơm tôw, paich đing nnơơm au baah jam joot nnơơm tôw. Bơl 'bei 'bưn geh đah jraih kaar Brah Ưn, đah jraih kaar prak kơrđaih nha.

Bei nei, ơi bơl bah ndêq chưt jơrnơ, mơq kao deh a a srei, au nha rêh, nar ôi dol jang teq u gưndrung ôinh, pa Brah Ưn nha aan bu dook klanh bei nei, huôih ơơn laa bơl 'bei?

Dôh tơt koon lơh kaar klanh, khơơm aan ti giêu gưt ti ma lơh ơơn Jah kaar klanh koon ri kươt kơndap; u Bươp koon, Yaang sau knông ktôk kơndap, a kươi ươn tkôm aan koon.

“Phrui njrang, tơt lơh kaar l'ưt khơơm pn'hơơr di mat jôm bnih. Mơq 'bưn, bơl 'bei 'bưn geh kươt tkôm ơơn a Bươp bơl 'bei a lơ trôôk.

Tơt bơl 'bei ơt jrơng, khơơm tak lơh chhong rmlơng bei bnih pưl baar taap, đươm bu lơh ji rngiêl jah jôm bnih gưt bu ơt jrơng. A ngan, Hei pn'ak bơl 'bei, pal bnih nei ja pơih kươt tkôm nơơm ri hôm. Dôh tơt koon ơt jrơng, phrui lơơm pring lơ bôôk, u rao mat, jah bu nday 'bưn gưt koon plah ơt jrơng, dôh geh Bươp koon gưt, laa Yaang tơrsot a ktôk kơndap gưt kươt nei ei, u Bươp koon, Yaang sau knông ktôk kơndap a kươi tkôm aan koon.”