Jan 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Wen taim did staat, di Wod did de bout, an di Wod did de de wid Gad. Matarafak, di Wod a did Gad.

Im shain an lait op di daak an di daak kudn tap di lait fram shain!

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Gad kaaz di wan we a di Wod fi mek evriting. Notn no de we im neehn mek. Im a di wan we mek evriting liv, an a im kyari lait kom gi piipl so dem kyan si.

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

A im mek di worl an im kom liv iina it, bot di piipl dem iina di worl neehn nuo a uu im. Im kom tu im uona konchri an im uona piipl dem ton dem bak pan im.

Da lait de a di riil lait an im kom iina di worl an mek evribadi nuo im.

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.