Marcos 8မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Porque tin e c'ani ucorpes ucuxtar c'ani asatpa, pero tin e usati ucuxtar tamaren y tamar uyojroner e Dios c'ani acorpesna.

¿Y tuc'a uc'ampib'ir tut inte' winic jay axin uch'ami tunor lo que ayan tara tor e rum jay tamar era axin usati uyalma?

Entonces e Jesús cay upejca uyajcanuarob' y e gente xe' turob' tuyejtz'er y che: —Tin e c'ani axin tanipat uc'ani tua' unajpes ub'a y axin tanipat ejc'ar ejc'ar motor que axin ani achamesna tamaren.

¿Y cob'a nic tumin tua' utoyi inte' winic tua' ucorpes ani uyalma? Y jay ayan tin e axin asub'ajra tamaren y tamar niwojroner tut e gente tara tor e rum xe' machi war ac'upseyanob' tamaren y xe' mab'amb'an uwirnarob', entonces nen xe' Uyunenen e winic c'ani insub'ajra tamarob' ub'an conda insutpa waten taca tunor utawarer Nitata y taca tunor e angelob' xe' erach, che e Jesús.

Entonces e Jesús uyub'i tuob' y che: —Y nox, ¿tuc'a iware tamaren? che e Jesús. Entonces ojron e Pedro y che: —Net jax e Cristoet, che e Pedro.