Mateu 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Maꞌato aipyꞌa pywiat aiwẽ puo tuwẽtem miꞌi wyti topyhuꞌat miitꞌin mohun hamo e. Kat pote ti aipyꞌa pyi tuwẽtem wanetup saꞌag hap kaipyi. Miit auka hap iꞌewyte yt weꞌeg i hap hawyi yt naku i eiminug eipiit iraniaꞌin wywuat hap etiat rakat. Iꞌewyte sereꞌokꞌe hat Iꞌewyte heso rakaria iꞌewyte ihay tupap kahato rakaria.

Pyno ti mekewat eiwẽ pywiat eimiꞌu wyti yt eimohun kuap i maꞌato mekewat eiwẽ pywiat sehay yt naku i hap wyti topyhuꞌat eimohun hap.

Miꞌiria pe Tupana toꞌe -Meimewuaria miitꞌin wyti taꞌatuwẽ pyi neꞌi uimotypot maꞌato iꞌatupyꞌa wyti pya kahato uikai toineꞌen. Pyno iꞌatunapin hap koꞌi yt putꞌok e hin i uimotypot hamo katupono miꞌiria woꞌonapin hap wyti mesuwat miitꞌin wanetup hap koꞌi kaipyi maꞌato Tupana woꞌonapin hap eweiꞌe. E ti Tupana ehepiat pe Isaia miwan 29.13 pe e Iesui apo e haria pe.

Miꞌi hawyi Iesui toꞌe -Taꞌi uimohey kahato hat en haryporia. Pyno mio waku raꞌyn atunug kat som emikyꞌesat ewy. Mio tã e turan imepyt waku iraꞌyn.

Maꞌato mio tã e Iesui pykai tokosap haryporia hawyi tuwepỹꞌãtutuk ipy ywytpe hawyi toꞌe -Uikaꞌiwat uipowyro ro en. Maꞌato mio tã e Iesui iwesat -Yt naku i ti watum aimepytꞌin miꞌu wuat awareria miꞌu wo neꞌi e. Maꞌato mio tã e pote haryporia tiwesat -Pywo kahato mimi maꞌato kue awareria tuꞌu tokaꞌiwat miꞌu koꞌi hewo rakat yparakai ywytꞌokpypiat an e haryporia.