Lucas 11မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Jaꞌ jaex tiꞌ, caxcꞌal pena jex, caw je yotaj che yakꞌ tzetyetal watxꞌ tet je yuninal. Yel cꞌal chi yakꞌ pax cu Mam eyecꞌ bꞌey satcan, chi yakꞌ Santo Espíritu tet ebꞌ chi kꞌanon tet, ẍi Jesús tet ebꞌ.

Yuxan chi wal pax ey jex: Kꞌanwej, oj yakꞌ Dios ey jex. Seywej, oj ilcha je yu. Awanwej octoj stiꞌ puerta, oj jajle ey jex.

Yutol jaꞌ ebꞌ chi kꞌanoni, chi ẍaꞌ ebꞌ. Jaꞌ ebꞌ chi seyoni, chi ilcha yu ebꞌ. Yetoj pax ebꞌ chi awi octoj stiꞌ puerta, chi jajle tet ebꞌ.

Jix yalon Jesús tet ebꞌ jaxca tiꞌ: —Jaꞌ yet chex txali, quey tiꞌ che yute je yalon jaxca tiꞌ: Mamin, /tol ey jaach ecꞌ bꞌey satcan./ Miman ojabꞌ yeloc apnoj ja bꞌi. Titan ja wakꞌ Yaawilal titiꞌ. /Jaxca ojabꞌ yunen tzet cha woche bꞌey satcan tuꞌ, quey ojabꞌ tuꞌ chi yun bꞌey sat txꞌotxꞌ tiꞌ./

Akꞌ mimancꞌulal kibꞌan yu cu penail, jaxca chi kute kakꞌon mimancꞌulal yibꞌan ebꞌ ey tzet chi cu uteni. Manche jon ja wakꞌ akꞌle porobꞌal. /Catuꞌ chon ja colon pax el yul skꞌabꞌ spenail./

Akꞌ cu loꞌbꞌe cu loꞌ yet junjun cꞌu jon.

Jaꞌ sbꞌakꞌ cu sat, laan jaxca junoj tzejtebꞌal yu cu mimanil. Yuxan, ta watxꞌ tzet bꞌey eyoc cu sat, sajkꞌinal jon toni, watxꞌ chi el kunen yetoj cu mimanil. Ta jaex pena bꞌey che yaoc je sat, chex can xol kꞌejkꞌinal yu.

Jaꞌ yet chi kaon oc cu tzejtebꞌal, cꞌam bꞌey chi kaatoj bꞌey man txequeloj. Cꞌam bꞌey chi kaoctoj yalan junoj caanteꞌ. Jaꞌ yibꞌan junoj tzetyetal tol naat eyaoj, jatuꞌ chi kaatoj, yet watxꞌ chi tzejtenele ebꞌ eyoctoj yul na yu.