SAN JUAN 4မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Nguetho hin di nɛqui Oją. Janangue'a hønt'a go to'o da dąnde Oją, jatho da dąnde nangue rá mbʉi nɛ nangue i tɛn'na ram hma majuąni, bi 'yɛ̨n'a ra Jesús.

Pɛ bi zän Oją n'da ra xɛqui bʉ din thąnde, guepʉ ja ní mbʉi n'da. Nɛ mi ts'ʉtho da zøn ra ora, pɛ ya bi zøni, ngue da dąnde Oją nangue yʉ́ mbʉi ʉ to majuąni da dąnde, nɛ hin nangue yʉn t'øt'e ua ja ra ximhäi. Nguetho nu'a Oją i honi to'o da dąnde nangue yʉ́ mbʉi.

Pɛ hønt'a go to'o da zi ra dehe dadí ungä, njąm'bʉ din tuthe mahøn'a, pɛ din ja tengu n'da ra mbøthe bʉ mbo rá mbʉi njąm'bʉ din thegue, nɛ gue'a nám 'bʉh maząi n'da a, bi 'yɛ̨na.

Nu ra Jesús bi 'yɛ̨mbi: ―Nu'bʉ xquí pą a rá mate Oją in nde di 'da'i, nɛ'bʉ xquí pąqui to'ogui gue dí ä'a ra dehe, xquí 'yäc ra dehe di un ra te, nɛ nugä xcá 'da'a 'bʉ, bi 'yɛ̨na.

Nu'a ra Jesús bi 'yɛ̨nje: ―Tengu'bʉ man ts'ihmɛgä a ngue ga øt'ä rá pähä a bá pɛngä nɛ ga juacä rá 'bɛfi a. Nɛ gue'a man'da ní niyą ma mbʉigä a.

Nɛ nu ra xisu bi 'yɛ̨na: ―Nu'i grán 'yohʉ, hin'yʉ nin jʉxthe, nɛ xʉn hɛ̨ ua po na ra dehe. Hapʉ ja a ra dehe di un ra te guím ma.

Nu'a ra xisu bʉya bi 'yɛ̨mbi: ―Dí pącä ba ɛ̨ a rá Thahni Oją ngue ra Cristo a. Nɛ nu'bʉ bá ɛ̨hɛ da xängahʉ xʉn ho gätho. Nu'a ra Jesús bi 'yɛ̨mbi: ―Guecä drá Cristogä dín zo'a i ya, bi 'yɛ̨mbi.

―Mbähä nɛ gua nuhʉ n'da ran 'yohʉ bi xicä gätho 'bɛ'a xtá øt'ä. Ha hinga gue'a ra Cristo 'bʉ, bi 'yɛ̨mp'ʉ.