JOHANA 3

Isua leh Nikodema

1Mi pakhat, a hming Nikodema a awm a, Juda-te hotu, Farisai pâwla mi a ni. #Jn. 7:50. 2Zân khat chu Isua hnênah a lo kal a, a hnênah, “Rabi, Pathian tirh zirtîrtu i ni tih kan hria, Pathian an hnêna a awm loh chuan tu man chhinchhiahna thil mak i tih ang hi an ti thei lo vang,” a ti a.#Tirh. 10:28. 3Isuan a chhâng a, “Thu dik tak ka hrilh ang che, mi tu mah, piangthar#3:3 ‘Chung lam aṭanga piang’ tih theih a ni bawk. lo chuan Pathian ram an hmu thei lo vang,” a ti a.#1 Pet. 1:23; Jak. 1:18. 4Nikodema chuan, “Putar pui tawh engtin nge a pianthar theih ang? A nu pumah lûtin a piang nawn leh thei awm si lo va?” a ti a.

5Isuan, “Thu dik tak ka hrilh ang che, tuiah leh thlarauva piang lo chu tu mah Pathian ramah#3:5 Mss ṭhenkhatah ‘vânram’ tih a ni. an lût thei lo vang. #Ezek. 36:25-27; Efe. 5:26; Tit. 3:5. 6Tisa chuan tisa a hring a, thlarau chuan thlarau a hring a ni. 7‘I piangthar tûr a ni,’ ka tih hi mak ti suh. 8Thli khawiah pawh a duh duhin a tleh ṭhîn, a ri i hria e; nimahsela, khawi aṭanga lo kal nge tih leh, khawiah nge a kal dâwn tih i hre si lo. Tu pawh Thlarauva piang chu chutiang chu an ni,” a ti a. #Ezek. 37:9. 9Nikodeman, “Chu chu engtin nge a nih theih?” a ti a. 10Isuan, “Nang, Israel-te zirtîrtu i ni a, chu chu i hre lo maw? 11Thu dik tak ka hrilh ang che; kan hriat chu kan sawi a, kan hmuh chu kan hriattîr ṭhîn, tu man kan thu hriattîr in pawm duh chuang si lo. #Jn. 8:26. 12Khawvêl thil ka hrilh che u mah in awih si lo va, vân thil lek phei chu hrilh che u ila engtin nge in awih ang? 13Tu mah vânah an lâwn ngai lo, Mihring Fapa, vân aṭanga lo chhuka chauh lo hi chu,” a ti a. #Rom. 10:6; Efe. 4:9.

14Mosian thlalêra rûl a khai kân ang khân Mihring Fapa hi khai kânin a awm bawk tûr a ni,#Num. 21:8; Jn. 8:28; 12:34. 15amah ring apiangin chatuan nun an neih nân. 16Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân. 17Pathian chuan khawvêl thiam loh chantîr tûrin a Fapa khawvêlah a tîr si lo, amah azâra khawvêl chhandama an awm theih nân a tîr a ni zâwk.#Rom. 5:8; 8:32; Efe. 2:4; 1 Jn. 4:9,10.

18Tu pawh Pathian Fapa ring chu thiam lohvin an awm lo va, tu pawh ring lo chu thiam lohvin an awm tawh reng a ni; Pathian Fapa mal chu an rin loh avângin. 19Thiam loh an chan dân chu hetiang hi a ni: êng chu khawvêlah a lo kal a; nimahsela, miten êng ai chuan thim an duh zâwk, thil sual an tih avângin. 20Thil sual ti apiangin êng an haw ṭhîn a, êngah pawh an lo kal lo, an thiltihte a lan loh nân. 21Thil dik ti apiang êngah an lo kal ṭhîn, an thiltihte chu Pathian thu zâwma ti an nih a lan nân.

Isua leh Baptistu Johana

22Chumi hnu chuan Isua leh a zirtîrte chu Judai ramah an kal a. Chutah chuan eng emaw chen a châm a, baptisma a chantîr a.#Jn. 4:1. 23Johana pawhin Salim bula Ainon hmunah a baptis a, chutah chuan tui a tam avângin. Mi an lo kal ṭhîn a, a lo baptis zêl a. 24Johana chu tân ina khung a la ni si lo va. #Mt. 14:3; Mk. 6:17; Lk. 3:19,20.

25Johana zirtîr ṭhenkhatte leh Juda#3:25 Mss ṭhenkhatah ‘Juda-te’ tih a ni. pakhat sil fai thu-ah an lo inhnial ta a. 26Johana hnênah an kal a, “Zirtîrtu, Jordan râla i hnêna awm, a chanchin i sawi khân tûnah hian a baptis ve a, mipuiin an pan ruih ruih mai,” an ti a. 27Johanan a chhâng a, “Pathianin a pêk loh chuan tu man eng mah an dawng thei lo.#1 Kor. 4:7. 28‘Kei chu Krista ka ni lo va, a hmaa kal tûra tirh ka ni,’ ka tih kha nangmahni ngei ka thuhretute in ni alâwm. #Jn. 1:20. 29Mo pasal chu moneitu chu a ni, mo neitu ṭhian, a thu lo ngaichâng rengtu chuan moneitu aw a hriatin a hlim ṭhîn. Chutiang chuan kei pawh ka lâwm a kim ta a ni. 30Ani chu ropui tial tial tûr a ni a, kei erawh chu tê tial tial tûr ka ni,” a ti a.

Vân aṭanga lo chhuk

31Chung lam aṭanga lo chhuka chu mi zawng zawng aia ropui a ni. Lei aṭanga lo chhuaka chu lei mi a ni a, lei thil a sawi ṭhîn; vân aṭanga lo chhuk chu engkim chunga mi a ni. Vân aṭanga lo chhuk chuan, 32thil a hmuh leh a hriatte chu a sawi a; nimahsela, tu man a thuhriattîr chu an pawm si lo. 33Tu pawh a thu hriattîr pawm chuan Pathian chu a dik tih an tilang chiang ṭhîn a ni. 34Pathian tirha chuan Pathian thu a sawi ṭhîn a, Pathianin Thlarau chu teh kherin a pe si lo va.#3:34 ‘Thlarau chu an hnênah chin tâwk neiin a pe si lo,’ tih theih a ni. 35Pain Fapa a hmangaih a, a kutah engkim a dah tawh. #Mt. 11:27; Lk. 10:22. 36Tu pawh Fapa ring chuan chatuan nun an nei tawh; Fapa thu awih lo chuan nun an nei lo vang a, an chungah Pathian thinur chu a awm reng zâwk a ni.

လက္ရွိေရြးခ်ယ္ထားမွု

JOHANA 3: MIZCLBSI

အေရာင္မွတ္ခ်က္

မၽွေဝရန္

ကူးယူ