SAN MATEO 20:26-28

Mʉja maca atiere ca-baiquetiparã mʉja ãa. Nii mʉja yaʉ ca-ani majuʉ anigʉ ca-paa cotei cʉ̃ anicõato. Ca-jʉgo ãcʉ̃ anigʉ cʉ̃ quena aperãre ca-paabojaʉ cʉ̃ anicõato. To bairona yʉ ãa camaja tʉpʉ Dio cʉ̃ ca-jooricʉ anibacʉ quena. Aperãre, “Yʉre ca-paa coteri maja ãña,” ca-ĩi mee yʉ ãa. Yʉ majuuna aperãre átinemoʉ acʉ́ yʉ cá-apʉ́. To bairi camaja capaarã majuu caroorije na cá-átajere bai yaji wapayebojaʉ acʉ́ yʉ cá-apʉ́ ati yepapʉ, jã ca-ĩiwĩ Jesú.