Kabavelamu 13
13
Ebelam wete Lota imiakedi
5No tutuyanina, Lota giladi Ebelam taiauda isasasala. Kadikailuqa disipivo, dibulumakauvo, disusuvo wete ditolituqavo puedi. 6Ebelam wete Lota dikaisaya pueotoqidi wete dikabakani ge bwaigina beqa ge kadisala inavemialuqedi pwayapwaya tamoqana waineye.
8Matautauda Ebelam ivesipupu Lota waineye ivo, “Kunoqai, kida kadakailuqa susu tamoqana, beqa ge kanasala taivekawadibidibi wete datolituqavo ge ediavo taiauda inavetalaqa. 9Beqa taimiakeda tainaqo mali vikaie. Pwayapwaya bwaigiotoqina kukiseni matadeye. Beqa vakai vikai wayaqimu kuvesinueni kinaqo waineye kimia. Kago wayaqimu kadakataqinaeqa kinaqo waineye, Yau ainaqo kadakelie'eqa. We kago wayaqimu kadakelie'eqa kinaqo waineye, Yau ainaqo kadakataqinaeqa.”
10Matautauda Lota ikisabala Bwasi Iolidani kanamatatabu dumiana bwaigina waineye, we ikisanaqo Soweli taoni waineye. Bwasi bouna wete pwayapwaya giamaina ikiseni, gumanina mesaida Iave nabagula#13:10 Tanoqa Ideni, Kabavelamu 2:8. wete mesaida pwayapwaya giamaina Itipita waineye. No tutuyanina waineye, Iave Sodoma wete Gomola vanuqa bwaigidi ge idakavekapoidi. Mulineye ikavekapoidi. 11-12Ebelam Kenani pwayapwayana waineye imiana. Beqa Lota Iolidani dumianina kanamatatabu ivesinuedi taunina paipaina, matautauda natomo'otoqavo taiauda itauya inaqonaqo valavala nakabalagaqeta waineye. Dede mesaida, kadikailuqa imiakedi. Lota inaqo tamo taoni bwaigina Sodoma vivineye na'ukweta iyoqoni waineye imiana. 13Sodoma waineye tomo'otoqa divalabubuna kapoiotoqidi. Ivalabubuna-kapo Iave mataneye.
14Lota imiakeni Ebelam waineye, matautauda Iave Ebelam ivoneni ivo, “Waineye kutovotovoi kukisanaqo kukisalelele vikai tamoqana tamoqana kukisedi. 15#Aposi 7:5Komu wete tubuleleleqimwavo waidie aikalaqeieni pwayapwayanina matatabuna kukiseniqa we inakeno-vaqata paipaimi. 16Tubuleleleqimwavo puedi aivelemu ge tamo aitoi kanasala inawawai. Kaia mesaida magama tubuleleleqimwavo ge tamo aitoi kanasala inawawai. 17Dede pwayapwayanina matatabuna aivelemu beqa kunaqo kusasali we kuvetonova-vekavekaia.”
18Beqa Ebelam itauya inaqo tamo tomoqo kanawavaqa Mamile nawelavi bwaigidi lamudie ivebaekwa Ebiloni taoni vivineye. No waineye didiqa ilauqi Iave waineye inasobwanu.
လက္ရွိေရြးခ်ယ္ထားမွု
Kabavelamu 13: mzz
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.
Kabavelamu 13
13
Ebelam wete Lota imiakedi
5No tutuyanina, Lota giladi Ebelam taiauda isasasala. Kadikailuqa disipivo, dibulumakauvo, disusuvo wete ditolituqavo puedi. 6Ebelam wete Lota dikaisaya pueotoqidi wete dikabakani ge bwaigina beqa ge kadisala inavemialuqedi pwayapwaya tamoqana waineye.
8Matautauda Ebelam ivesipupu Lota waineye ivo, “Kunoqai, kida kadakailuqa susu tamoqana, beqa ge kanasala taivekawadibidibi wete datolituqavo ge ediavo taiauda inavetalaqa. 9Beqa taimiakeda tainaqo mali vikaie. Pwayapwaya bwaigiotoqina kukiseni matadeye. Beqa vakai vikai wayaqimu kuvesinueni kinaqo waineye kimia. Kago wayaqimu kadakataqinaeqa kinaqo waineye, Yau ainaqo kadakelie'eqa. We kago wayaqimu kadakelie'eqa kinaqo waineye, Yau ainaqo kadakataqinaeqa.”
10Matautauda Lota ikisabala Bwasi Iolidani kanamatatabu dumiana bwaigina waineye, we ikisanaqo Soweli taoni waineye. Bwasi bouna wete pwayapwaya giamaina ikiseni, gumanina mesaida Iave nabagula#13:10 Tanoqa Ideni, Kabavelamu 2:8. wete mesaida pwayapwaya giamaina Itipita waineye. No tutuyanina waineye, Iave Sodoma wete Gomola vanuqa bwaigidi ge idakavekapoidi. Mulineye ikavekapoidi. 11-12Ebelam Kenani pwayapwayana waineye imiana. Beqa Lota Iolidani dumianina kanamatatabu ivesinuedi taunina paipaina, matautauda natomo'otoqavo taiauda itauya inaqonaqo valavala nakabalagaqeta waineye. Dede mesaida, kadikailuqa imiakedi. Lota inaqo tamo taoni bwaigina Sodoma vivineye na'ukweta iyoqoni waineye imiana. 13Sodoma waineye tomo'otoqa divalabubuna kapoiotoqidi. Ivalabubuna-kapo Iave mataneye.
14Lota imiakeni Ebelam waineye, matautauda Iave Ebelam ivoneni ivo, “Waineye kutovotovoi kukisanaqo kukisalelele vikai tamoqana tamoqana kukisedi. 15#Aposi 7:5Komu wete tubuleleleqimwavo waidie aikalaqeieni pwayapwayanina matatabuna kukiseniqa we inakeno-vaqata paipaimi. 16Tubuleleleqimwavo puedi aivelemu ge tamo aitoi kanasala inawawai. Kaia mesaida magama tubuleleleqimwavo ge tamo aitoi kanasala inawawai. 17Dede pwayapwayanina matatabuna aivelemu beqa kunaqo kusasali we kuvetonova-vekavekaia.”
18Beqa Ebelam itauya inaqo tamo tomoqo kanawavaqa Mamile nawelavi bwaigidi lamudie ivebaekwa Ebiloni taoni vivineye. No waineye didiqa ilauqi Iave waineye inasobwanu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.