Kabavelamu 18
18
Tomoqovo kadikaitonu Ebelamo iyavusi
1Iave imai Ebelamo waineye Mamile nawelavi bwaigidi lamudie. Vesipusipupuna dede.
Tutuyanina kaiatagamwana waineye yauyauta bwaigina, Ebelamo imiabui imiamia na'ukweta kana'awa waineye. 2Ikisalaga tomoqovo kadikaitonu itovotovoi mataneye ge kanikieotoqa. Tutuyanina ikisedi, ukweta kabalugu waineye'eqa ilaukwavina inaqo ivelavulavudi kaqedie kaqena iveketonokuyedi isobwanu pwayepwayeye.
3Kaqena iveketonokuyedi ivo, “Gu Tomwaya, kago kiyagovi yau kagusala, ge kitauyakilemu. 4Kwaieyawai welavi lamuneye ainaqo bwasi aigoia aimaieni kaqemi kwailegwadi. 5We kanikani aimaiedi kwaikani kwaiveluluna mulineye kwainaqo. Paina komi kwavekimatanegu kwamai gu'ukweteye, beqa Yau mitolituqa aivekisabodebodemi.”
We ivo, “O, giamaina. Kuvalabubuni mesaida kuvesipupuyedi.”
6Matautauda Ebelamo ivedimadimana inaqo ukweta waineye Sela waidie ivesipupu ivo, “Kwavedimadimana, pwalawa giamaiotoqidi kanabou kaitonu kwakewadi kwamaiedi kwatubeabeadi beledi kwavetavoqi.” 7Matautauda Ebelamo ilaukwavina inaqo bulumakau divikaie tamo natudi mwanewauna, nuvanuvana wete yapayapana ikewai ikalaqeieni natolituqa waineye vedimadimanaeqa inigei ivalabubuni.
8Ebelamo miliki, bata wete kaisayanina ikewadi imaiedi manawadie iyatodi, we tutuyanina ikanikani itovotovoi vividie welavi lamuneye iekisabodebodedi.
9We ivelautolieni ivo, “Vakaiebei mwanemu Sela?”
Ibaivila ivo, “Sinoko ukweteye.”
10Ebelamo waineye ivesipupu ivo, “Mwaqitanaotoqa, dede kaiatanina waineye diqaba imaimai aivila aimai mwanemu Sela natudi lamoqina inatubuqa.”
Sela mulidie itovotovoi ukweta kawaneye ievaneneqeni. 11Sela imokai-otoqa paina vevine dikedakeda venatuna paipaina waidie'eqa ivekwada wete Ebelamo itomwaya-otoqa. 12Beqa Sela inamaqa nuapoudie kaisedi ivo, “Aiaa, Yau kamokai-otoqa wete kabwelulu wete mwanema itomwaya-otoqa. Banikodiqa, kainaqiedi mwasana kaibabaneni?”
13We Iave Ebelamo ivelautolieni, “Vakai paipaina Sela inamaqa ivo, ‘Yau kamokai-otoqa—mwaqitana gwamana kaibabaneni?’ 14Ge tamo mwauna Yau waigue. Mesaida aivesipupuyedi, dede kaiatanina waineye diqaba imaimai aivila aimai komu waimue mwanemu Sela gwamana lamoqina inavenatuneni.”
15Sela igololo ivekewa ivo, “Gebuka, yau ge kadanamaqa.”
We ibaivila ivo, “Gebuka, kwanamaqa.”
Sodoma vesipusipupuna
16Tomoqovo kadikaitonu itovoi Ebelamo taiauda inaqo kedeye iveqalovedi. No waineye ikisaobu Sodoma vanuqa ikiseni.
17-19We Iave na'anelosevo kadikailuqa waidie ivesipupu ivo, “Ebelamo tubuleleleqinavo kamukabeida imaimai tamo kabaloina bwaigina wete veluvelulunina. Gumanina waineye'eqa kabaloina matatabuna pwayepwayeye giamaina inababaneni. Ebelamo avesinueni beqa natunavo wete tubuleleleqinavo inavonedi kiavegu inalaukiaveneni beqa Yau inavekimatanegu divalabubuna tonotonovidi wete maqemaqetadi beqa. Matautauda Yau vakai guvonadabadaba Ebelamo waineye aivalabubuni. Beqa deqoina vakai wayaqigu aivalabubuni ge aivaigavuyeni waineye.”
20Matautauda Iave Ebelamo ivoneni ivo, “Anoqai Sodoma wete Gomola vanuqa bwaigidi dikapoina bwaigiotoqina. 21Kaiobu vanuqanidiavo waidie kaikisedi vakai ivalabubuni wete kaiyagovi divalabubuna kapo kanabwaiga.”
22Anelosevo kadikailuqa itauya iobu koya waineye'eqa inaqo Sodoma waineye, we Ebelamo giladi itovotovoi Iave taiauda. 23Ebelamo imai vivineye ivelautolieni ivo, “Mwaqitana, komu tomo'otoqa giamaidi wete kapoidi taiauda kikavekapoidi? 24Kago noko 50 tomo'otoqanidiavo tonotonovidi taoni bwaigina waineye, we kaia kikavekapoidi ge kinuataqonidi 50 tomo'otoqanidiavo tonotonovidi imiamia naqeneye? 25We ge komu munuanua mesaida kivalabubunedi. Komu ge kanasala tomo'otoqa tonotonovidi kiluvewapadi kapoidi taiauda. Gebuka. Komu Toloina tomiapwayapwaya matatabuna waidie—mwaqitana, komu kiloina-vekavekai!”
26We ivo, “Sodoma taoni bwaigina waineye kago 50 tomo'otoqanidiavo tonotonovidi aibabanediqa, taoni puepuena aivenua'ina'inaqeyedi paina no tomo'otoqanidiavo imiamia.”
27Ibaivila ivo, “Gu Tomwaya, yau kaia tomoqomaimaiqa mesaida kaupuala wete kaupapa. Deqoina gunabeida avelamu aesipupu waimue, beqa avelaukui-vaituqanemu. 28Kago 5 gebuka inamiamiaqa 50 tonotonovidi naqedie. Banikodiqa, taoni kiluvelakovi?”
We ivo, “Kago 45 aibabanedi no waineye, ge taoninina ailuvelakovi.”
29Ivo, “Oge kadiyoko 40 tomo'otoqa mesaida no waineye. Banikodiqa, kiluvelakovi?”
“Kago tomo'otoqa 40 no waineye, ge aivalabubuni.”
30We ivo, “Gu Tomwaya, ge kamukapoka inaoqala waigue, kubailegu aivesipupu. Oge 30 no waineye kibabanedi. Banikodiqa, vanuqa kiluvelakovi?”
We Iave ivo, “Kago 30 aibabanedi, ge aivalabubuni.”
31“Deqoina gunabeida aesipupu Tomwaya waimue, oge 20 no waineye kibabanedi?”
Ibaivila ivo, “Kago 20 aibabanedi no waineye, ge ailuvelakovi.”
32Ebelamo ivo, “Gu Tomwaya, ge kamukapoka inaoqala waigue, kubailegu guvona tamoqana aivekakavai. Oge kago 10 kibabanedi no waineye. Banikodiqa, wete vanuqanina kiluvelakovi?”
We Iave ivo, “Kago 10 aibabanedi no waineye, ge ailuvelakovi.”
33Tutuyanina waineye Iave Ebelamo waineye iesipupu ikakava itauya, wete Ebelamo ivila inaqo navikaie.
လက္ရွိေရြးခ်ယ္ထားမွု
Kabavelamu 18: mzz
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.
Kabavelamu 18
18
Tomoqovo kadikaitonu Ebelamo iyavusi
1Iave imai Ebelamo waineye Mamile nawelavi bwaigidi lamudie. Vesipusipupuna dede.
Tutuyanina kaiatagamwana waineye yauyauta bwaigina, Ebelamo imiabui imiamia na'ukweta kana'awa waineye. 2Ikisalaga tomoqovo kadikaitonu itovotovoi mataneye ge kanikieotoqa. Tutuyanina ikisedi, ukweta kabalugu waineye'eqa ilaukwavina inaqo ivelavulavudi kaqedie kaqena iveketonokuyedi isobwanu pwayepwayeye.
3Kaqena iveketonokuyedi ivo, “Gu Tomwaya, kago kiyagovi yau kagusala, ge kitauyakilemu. 4Kwaieyawai welavi lamuneye ainaqo bwasi aigoia aimaieni kaqemi kwailegwadi. 5We kanikani aimaiedi kwaikani kwaiveluluna mulineye kwainaqo. Paina komi kwavekimatanegu kwamai gu'ukweteye, beqa Yau mitolituqa aivekisabodebodemi.”
We ivo, “O, giamaina. Kuvalabubuni mesaida kuvesipupuyedi.”
6Matautauda Ebelamo ivedimadimana inaqo ukweta waineye Sela waidie ivesipupu ivo, “Kwavedimadimana, pwalawa giamaiotoqidi kanabou kaitonu kwakewadi kwamaiedi kwatubeabeadi beledi kwavetavoqi.” 7Matautauda Ebelamo ilaukwavina inaqo bulumakau divikaie tamo natudi mwanewauna, nuvanuvana wete yapayapana ikewai ikalaqeieni natolituqa waineye vedimadimanaeqa inigei ivalabubuni.
8Ebelamo miliki, bata wete kaisayanina ikewadi imaiedi manawadie iyatodi, we tutuyanina ikanikani itovotovoi vividie welavi lamuneye iekisabodebodedi.
9We ivelautolieni ivo, “Vakaiebei mwanemu Sela?”
Ibaivila ivo, “Sinoko ukweteye.”
10Ebelamo waineye ivesipupu ivo, “Mwaqitanaotoqa, dede kaiatanina waineye diqaba imaimai aivila aimai mwanemu Sela natudi lamoqina inatubuqa.”
Sela mulidie itovotovoi ukweta kawaneye ievaneneqeni. 11Sela imokai-otoqa paina vevine dikedakeda venatuna paipaina waidie'eqa ivekwada wete Ebelamo itomwaya-otoqa. 12Beqa Sela inamaqa nuapoudie kaisedi ivo, “Aiaa, Yau kamokai-otoqa wete kabwelulu wete mwanema itomwaya-otoqa. Banikodiqa, kainaqiedi mwasana kaibabaneni?”
13We Iave Ebelamo ivelautolieni, “Vakai paipaina Sela inamaqa ivo, ‘Yau kamokai-otoqa—mwaqitana gwamana kaibabaneni?’ 14Ge tamo mwauna Yau waigue. Mesaida aivesipupuyedi, dede kaiatanina waineye diqaba imaimai aivila aimai komu waimue mwanemu Sela gwamana lamoqina inavenatuneni.”
15Sela igololo ivekewa ivo, “Gebuka, yau ge kadanamaqa.”
We ibaivila ivo, “Gebuka, kwanamaqa.”
Sodoma vesipusipupuna
16Tomoqovo kadikaitonu itovoi Ebelamo taiauda inaqo kedeye iveqalovedi. No waineye ikisaobu Sodoma vanuqa ikiseni.
17-19We Iave na'anelosevo kadikailuqa waidie ivesipupu ivo, “Ebelamo tubuleleleqinavo kamukabeida imaimai tamo kabaloina bwaigina wete veluvelulunina. Gumanina waineye'eqa kabaloina matatabuna pwayepwayeye giamaina inababaneni. Ebelamo avesinueni beqa natunavo wete tubuleleleqinavo inavonedi kiavegu inalaukiaveneni beqa Yau inavekimatanegu divalabubuna tonotonovidi wete maqemaqetadi beqa. Matautauda Yau vakai guvonadabadaba Ebelamo waineye aivalabubuni. Beqa deqoina vakai wayaqigu aivalabubuni ge aivaigavuyeni waineye.”
20Matautauda Iave Ebelamo ivoneni ivo, “Anoqai Sodoma wete Gomola vanuqa bwaigidi dikapoina bwaigiotoqina. 21Kaiobu vanuqanidiavo waidie kaikisedi vakai ivalabubuni wete kaiyagovi divalabubuna kapo kanabwaiga.”
22Anelosevo kadikailuqa itauya iobu koya waineye'eqa inaqo Sodoma waineye, we Ebelamo giladi itovotovoi Iave taiauda. 23Ebelamo imai vivineye ivelautolieni ivo, “Mwaqitana, komu tomo'otoqa giamaidi wete kapoidi taiauda kikavekapoidi? 24Kago noko 50 tomo'otoqanidiavo tonotonovidi taoni bwaigina waineye, we kaia kikavekapoidi ge kinuataqonidi 50 tomo'otoqanidiavo tonotonovidi imiamia naqeneye? 25We ge komu munuanua mesaida kivalabubunedi. Komu ge kanasala tomo'otoqa tonotonovidi kiluvewapadi kapoidi taiauda. Gebuka. Komu Toloina tomiapwayapwaya matatabuna waidie—mwaqitana, komu kiloina-vekavekai!”
26We ivo, “Sodoma taoni bwaigina waineye kago 50 tomo'otoqanidiavo tonotonovidi aibabanediqa, taoni puepuena aivenua'ina'inaqeyedi paina no tomo'otoqanidiavo imiamia.”
27Ibaivila ivo, “Gu Tomwaya, yau kaia tomoqomaimaiqa mesaida kaupuala wete kaupapa. Deqoina gunabeida avelamu aesipupu waimue, beqa avelaukui-vaituqanemu. 28Kago 5 gebuka inamiamiaqa 50 tonotonovidi naqedie. Banikodiqa, taoni kiluvelakovi?”
We ivo, “Kago 45 aibabanedi no waineye, ge taoninina ailuvelakovi.”
29Ivo, “Oge kadiyoko 40 tomo'otoqa mesaida no waineye. Banikodiqa, kiluvelakovi?”
“Kago tomo'otoqa 40 no waineye, ge aivalabubuni.”
30We ivo, “Gu Tomwaya, ge kamukapoka inaoqala waigue, kubailegu aivesipupu. Oge 30 no waineye kibabanedi. Banikodiqa, vanuqa kiluvelakovi?”
We Iave ivo, “Kago 30 aibabanedi, ge aivalabubuni.”
31“Deqoina gunabeida aesipupu Tomwaya waimue, oge 20 no waineye kibabanedi?”
Ibaivila ivo, “Kago 20 aibabanedi no waineye, ge ailuvelakovi.”
32Ebelamo ivo, “Gu Tomwaya, ge kamukapoka inaoqala waigue, kubailegu guvona tamoqana aivekakavai. Oge kago 10 kibabanedi no waineye. Banikodiqa, wete vanuqanina kiluvelakovi?”
We Iave ivo, “Kago 10 aibabanedi no waineye, ge ailuvelakovi.”
33Tutuyanina waineye Iave Ebelamo waineye iesipupu ikakava itauya, wete Ebelamo ivila inaqo navikaie.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.