ဓမ္မရာဇဝင်ဒုတိယစောင် 12:19-25

မိမိ​အမှုထမ်း​တို့ တီးတိုးပြောဆို​နေ​ကြ​သည်​ကို ဒါဝိဒ်​မင်းကြီး​မြင်​လျှင် သူငယ်​သေဆုံး​ကြောင်း​ကို ရိပ်မိ​သဖြင့် ဒါဝိဒ်​မင်းကြီး​က အမှုထမ်း​တို့​အား “​သူငယ်​ဆုံး​သွား​ပြီ​လော​”​ဟု မေးလိုက်​ရာ သူ​တို့​က “​သူငယ်​ဆုံး​သွား​ပါ​ပြီ​”​ဟု ပြန်လျှောက်​ကြ​၏​။ ထိုအခါ ဒါဝိဒ်​မင်းကြီး​သည် မြေ​မှ​ထ​၍ ရေချိုး​ဆီလိမ်း အဝတ်အစား​လဲ​ပြီးလျှင် ထာဝရဘုရား​၏​အိမ်​တော်​သို့​သွား​၍ ဝတ်ပြုကိုးကွယ်​လေ​၏​။ ထို့နောက် နန်းတော်​သို့​ပြန်လာ​၍ အစားအစာ​ပြင်ဆင်​ခိုင်း​ပြီး စားတော်ခေါ်​လေ​၏​။ ထိုအခါ သူ​၏​အမှုထမ်း​တို့​က သူ့​အား “​မင်းကြီး​သည် သူငယ်​အသက်ရှင်​သေး​စဉ်က အစာရှောင်​လျက်​၊ ငိုကြွေး​လျက်​နေ​၏​။ သူငယ်​ဆုံး​သွား​သောအခါ​မူကား ထ​၍​စားသောက်​၏​။ မင်းကြီး ဤသို့ ပြု​သည်​မှာ အဘယ်​အကြောင်း​ကြောင့်​နည်း​”​ဟု မေးလျှောက်​ကြ​၏​။ ဒါဝိဒ်​မင်းကြီး​က “​သူငယ်​အသက်ရှင်​သေး​စဉ်က အစာရှောင်​ငိုကြွေး​သည်​မှာ ‘​ထာဝရဘုရား​သည် ငါ့​ကို သနား​သော​အားဖြင့် သူငယ်​ကို အသက်ရှင်​ခွင့်​ပေး​မည် မ​ပေး​မည်​ကို မည်သူ​သိ​နိုင်​မည်နည်း​’​ဟု ငါ​တွေးမိ​သဖြင့် ဤသို့​ပြု​ခြင်း ဖြစ်​၏​။ သို့သော် ယခုမှာ သူငယ် သေ​ပြီ​ဖြစ်၍ ငါ အဘယ်ကြောင့် အစာရှောင်​ရ​တော့​မည်နည်း​။ သူ့​ကို ငါ​ပြန်ခေါ်လာ​နိုင်​သလော​။ သူ​ရှိ​ရာ​သို့ ငါ​သွား​ရ​မည်​။ ငါ့​ဆီ သူ​ပြန်လာ​နိုင်​တော့​မည်​မ​ဟုတ်​”​ဟု မိန့်ဆို​၏​။ ထို့နောက် ဒါဝိဒ်​မင်းကြီး​သည် မိဖုရား​ဗာသရှေဘ​အား နှစ်သိမ့်​ပေး​၍ သူ့​ထံသို့​ဝင်​ပြီး သူ​နှင့်​အိပ်​လေ​၏​။ သူ​သည်​လည်း သား​ကို မွေးဖွား​ပြီး ရှောလမုန် ဟု​အမည်​မှည့်ခေါ်​၏​။ ထာဝရဘုရား​သည် ရှောလမုန်​ကို ချစ်​တော်မူ​၏​။ ထို့ကြောင့် ပရောဖက်​နာသန်​ကို စေလွှတ်​တော်မူ​၍ ထာဝရဘုရား​ကို အစွဲပြု​ပြီး သူ့​ကို ယေဒိဒိ ဟု​အမည်​မှည့်ခေါ်​စေ​၏​။