ကမ္ဘာဦးကျမ်း 23:1-20
ကမ္ဘာဦးကျမ်း 23:1-20 MSBZ
စာရာအသက်ရှင်ခဲ့သောနှစ်ကာလမှာ တစ်ရာနှစ်ဆယ့်ခုနစ်နှစ် ဖြစ်၏။ စာရာသည် ခါနာန်ပြည်ရှိ ဟေဗြုန် ခေါ် ကိရယအာဘမြို့၌ သေဆုံး၏။ အာဗြဟံသည် စာရာအတွက် ငိုကြွေးမြည်တမ်းရန် လာလေ၏။ ထို့နောက် အာဗြဟံသည် မိမိမယား၏အလောင်းနားမှထ၍ ဟေသအမျိုးသားတို့အား “အကျွန်ုပ်သည် သင်တို့တွင် တိုင်းတစ်ပါးသားဧည့်သည်ဖြစ်ပါ၏။ အကျွန်ုပ်မယား၏အလောင်းကို ထုတ်သွား၍သင်္ဂြိုဟ်ရန် သင်တို့ပိုင်သောသင်္ချိုင်းမြေကို အကျွန်ုပ်အား ရောင်းပေးပါ”ဟု ဆို၏။ ဟေသအမျိုးသားတို့ကလည်း အာဗြဟံအား “အကျွန်ုပ်တို့သခင်၊ အကျွန်ုပ်တို့စကားကိုနားထောင်ပါ။ သခင်သည် အကျွန်ုပ်တို့တွင် ဘုရားသခင်နှင့်ဆိုင်သောမင်းဖြစ်ပါ၏။ အကျွန်ုပ်တို့၏အကောင်းဆုံးသင်္ချိုင်းမြေတွင် သခင့်မယား၏အလောင်းကိုသင်္ဂြိုဟ်ပါ။ အကျွန်ုပ်တို့၏သင်္ချိုင်းမြေတွင် သခင့်မယား၏အလောင်းသင်္ဂြိုဟ်မည်ကို တားမြစ်မည့်သူတစ်ယောက်မျှမရှိပါ”ဟု ပြန်ပြောကြ၏။ ထိုအခါ အာဗြဟံသည်ထ၍ ထိုပြည်သားများဖြစ်ကြသည့် ဟေသအမျိုးသားတို့ရှေ့တွင် ပျပ်ဝပ်ကာ “အကျွန်ုပ်မယား၏အလောင်းကို အကျွန်ုပ်ထံမှထုတ်သွား၍ သင်္ဂြိုဟ်မည်ကို သင်တို့စိတ်စေတနာရှိလျှင် အကျွန်ုပ်စကားကိုနားထောင်ကြပါ။ ဇောဟာ၏သား ဧဖရုန်နှင့်တွေ့ဆုံ၍ သူ၏လယ်အစွန်ရှိ သူပိုင်ဆိုင်သည့်မပ္ပေလလိုဏ်ဂူကို အကျွန်ုပ်အားရောင်းပေးရန် အကျွန်ုပ်အတွက် ပြောပေးကြပါ။ ၎င်းကို ကိုယ်ပိုင်သင်္ချိုင်းမြေအဖြစ် သင်တို့ရှေ့တွင် တန်ရာတန်ကြေးအပြည့်ဖြင့် အကျွန်ုပ်အားရောင်းပေးစေပါ”ဟု သူတို့အား ပြောလေ၏။ ဧဖရုန်သည် ဟေသအမျိုးသားတို့အလယ်တွင် ထိုင်လျက်ရှိ၏။ သို့ဖြစ်၍ ဟိတ္တိလူမျိုးဧဖရုန်သည် မြို့တံခါးသို့ ရောက်လာသော ဟေသအမျိုးသားအပေါင်းတို့ရှေ့၌ အာဗြဟံအား “ထိုသို့မဟုတ်ပါ။ သခင်၊ အကျွန်ုပ်စကားကိုနားထောင်ပါ။ ထိုလယ်နှင့် ထိုလယ်ထဲရှိလိုဏ်ဂူကို သခင့်အားအကျွန်ုပ်ပေးပါ၏။ အကျွန်ုပ်အမျိုးသားချင်းတို့ရှေ့၌ပင် သခင့်အား အကျွန်ုပ်ပေးပါ၏။ သခင့်မယား၏အလောင်းကို သင်္ဂြိုဟ်ပါ”ဟု ပြန်ပြောလေ၏။ အာဗြဟံသည်လည်း ထိုပြည်သားတို့ရှေ့တွင် ပျပ်ဝပ်ပြီးလျှင် ထိုပြည်သားတို့ရှေ့မှောက်၌ ဧဖရုန်အား “ထိုသို့ဆိုလျှင် အကျွန်ုပ်စကားကိုနားထောင်ပါ။ လယ်၏တန်ဖိုးငွေကို အကျွန်ုပ်ပေးပါမည်။ အကျွန်ုပ်ထံမှလက်ခံပါ။ သို့မှသာ ထိုအရပ်၌ အကျွန်ုပ်မယား၏အလောင်းကို သင်္ဂြိုဟ်ပါမည်”ဟု ဆို၏။ ဧဖရုန်ကလည်း အာဗြဟံအား “အကျွန်ုပ်သခင်၊ အကျွန်ုပ်စကားကိုနားထောင်ပါ။ ငွေလေးရာရှယ်ကယ်တန်ဖိုးရှိသောမြေသည် သခင်နှင့်အကျွန်ုပ်ကြား၌ အဘယ်ဆိုဖွယ်ရှိသနည်း။ သခင့်မယား၏အလောင်းကို သင်္ဂြိုဟ်ပါလော့”ဟု ပြန်ပြောလျှင် အာဗြဟံသည် ဧဖရုန်၏စကားကိုနားထောင်လေ၏။ ထိုသို့ ဟေသအမျိုးသားတို့ရှေ့မှောက်၌ ဧဖရုန်တန်ဖိုးဖြတ်သည့် ငွေအချိန်လေးရာရှယ်ကယ်ကို အာဗြဟံသည် ကုန်သည်တို့၏စံနှုန်းအတိုင်းချိန်တွယ်၍ သူ့အားပေးလေ၏။ ဤသို့ဖြင့် မံရေမြို့အရှေ့၊ မပ္ပေလအရပ်၌ရှိသော ဧဖရုန်၏လယ်၊ ထိုလယ်နှင့်တကွ လယ်ထဲရှိလိုဏ်ဂူနှင့် လယ်၏လယ်စပ်ပတ်လည်ရှိ သစ်ပင်အားလုံးတို့ကို မြို့တံခါးသို့ ရောက်လာသော ဟေသအမျိုးသားအပေါင်းတို့ရှေ့တွင် အာဗြဟံပိုင်သောဥစ္စာအဖြစ် အတည်ပြုကြ၏။ ထို့နောက်တွင် အာဗြဟံသည် ခါနာန်ပြည်၊ ဟေဗြုန် ခေါ် မံရေမြို့အရှေ့၊ မပ္ပေလလယ်၌ရှိသောလိုဏ်ဂူထဲ၌ မိမိမယားစာရာကို သင်္ဂြိုဟ်လေ၏။ ဤသို့ဖြင့် ဟေသအမျိုးသားတို့သည် ထိုလယ်နှင့်တကွ လယ်ထဲရှိလိုဏ်ဂူကို အာဗြဟံ၏ကိုယ်ပိုင်သင်္ချိုင်းမြေအဖြစ် အတည်ပြုကြလေ၏။
သမ္မာကျမ်းစာအက်ပ်
ကလေးများအတွက် သမ္မာကျမ်းစာအက်ပ်
