Yoane 12
12
Malia Asuoa Yesu Malasi
1Kola-eBonɔ edika oko masu masamano pɛ yana amea Yesu a Betania, esika edaka Lazalo oma ngɔjɔ Yesu a bogwa. 2Bakalea mia a mojɔ moYesu a esika emina, na Malata akɔ elomu emesa. Lazalo ko adaka okina obu baya badaka na Yesu a mesa. 3Malia atomba malasi mabobuno bonɛnɛ mɛnɛ, isa litre emɔci. Asuoa bibota biYesu malasi, na ahakoa bibota binde na swe jinde. Ndako esusu mɛnɛ eluma na soo epele emalasi. 4Okma mocingami onde omɔci, oko Yuda Iskalio yona odi bomokaba, abala bo, 5Iyo angɛjɛiti malasi mamina na pata mikama misato mojɔ moye, a bopa bato babokwali? 6Iyo abala boa mojɔ bo adaka mobi. Aidaka nongo na bolɛ a mojɔ mobato babokwali. 7Yesu ko abala bo, Yɛ bomonɔngeja! Abanei eka emina a mojɔ mobusa bobopusea bombi. 8Odini na bato babokwali a tei enu masu masusu. Mbi ko naditi a tei enu na bosusu.
Yesu Akwea a Yelusalema
9Bato bangando banɛnɛ baBaYuda baka mwako bo Yesu adaka oho. Oko boa badoa, te a mojɔ moYesu pɛ; badoa a bonɛ Lazalo pongono oma ngɔjɔ Yesu a bogwa. 10A mojɔ momina, basuku banganga badumba ndungu bo bawoe Lazalo pongono; mojɔ bo BaYuda banɛnɛ badonga, na bajima Yesu oko a mojɔ moLazalo.
12Iyana ahoa busa, bato banɛnɛ baya bama doa a Kola, baka bo Yesu akɛkɛ adoe a Yelusalema. 13Oko boa batomba malalo, na bakɛ bo bamolenoane. Babekoa bo, Osana!
Bojongoa ai yo yona odoaka a kombe eKumu!
Kumu oYisalaele! 14Yesu adaka abaki a mwana-punda oboloja yo, mojɔ bo, mosɔnɔmɔ bo,
15Mwamwali oSiona, yɛ bobanga!
Anja, Kumu owɛ akɛkɛ adoe.
Adi abaki a mwana-punda.
16Bacingami bande baicingea cina ebikenge bimina a ehole emina. Yana ko akumama yo, basalɛjɛ bo bisɔnɔmɔ a mojɔ monde, na bo bingama koko na nde. 17Bato banɛnɛ baya badaka na nde yana abea yo Lazalo bo amane a esɛmɔ yana amongɔjɔ yo a bogwa, batɔndɔ mojɔ momina pongono. 18Oko boa, bato banɛnɛ baya baka mwako momondumba mokɔ yo, bakɛ bo bamolenoane. 19A mojɔ momina, BaPalusi babalana bo, Onɛkɛni bo otahɔnɔkɔni bokɔ mokina mojɔ. Anjani, ngondo esusu ecingi na nde engbanga!
BaEla Baduka Yesu
20Bakina BaEla badaka bacingi na bato baya badoa a mojɔ mobosakoa a Kola. 21Ibo badoa ai Pilipo, moto oBetesaida, ngando eGalile. Bamo’nga bo, Kumu, iso bodi na posa bo bonɛe Yesu. 22Pilipo akɛ atɔndɔe Andalea. Andalea akɛ na Pilipo, na batɔndɔ Yesu. 23Yesu abasɔmbeja bo, Ehole emei bo Mwana ’Moto akume. 24Soti mɛnɛ, mbi nabalaka na nu bo, Ngua endongo emiti kwa a tei ekpɔtɔ bo egwɛ, edi bodika oko ngasa. Ekagwa ko, edi bobota libota linɛnɛ. 25Iyona opalaka mohelo monde mɛnɛ âmobungeja. Iyona ko olonaka mohelo monde mɛnɛ a ngondo ye, âmobanea a mojɔ mobomɔ bua bodi na bosusu. 26Isa moto akɔmɛkɛ mbi, yɛ asuse mbi. Mokɔmɛli ombi abwani boda oko a esika edi mbi. Sangwa’mbi âkumeja moto na moto yona okɔmɛkɛ mbi. 27Edɛye ko, molema mombi modi na monɔngɔ. Nadi bobala bo? Sesa, belejani a ehole ye? Pɛpɛ; mbi namei a ehole ye oko a mojɔ momina. Sesa, kumeja kombe ewɛ. 28Kɔpi esi ko edongi oho Diko bo, Mbi naekumejai, na nâekumeja koko. 29Emumu ebato baya badaka ba’mi ena baka kɔpi emina, na babala bo, Bɛi agami! Batongo babala bo, Obwɛnji oDiko abali na nde. 30Yesu abasɔmbeja bo, Kɔpi emina edoi a mojɔ monu, te a mojɔ mombi. 31Ngondo edi bosamba edɛye. Kumu ongondo ye âdumbama bokpa. 32Mbi ko nakangɔjɔmɔ a diko dingondo, nâbilea bato basusu ai mbi. 33Iyo abala boa a boneja tungu ebogwa bokɛkɛ yo agwɛ. 34Bato bamosɔmbeja bo, Iso bokaka a Mibeko bo Masiya adi boyeyoa na bosusu. Oko boa wɛ obalaka bo Mwana’Moto ângɔjɔmɔ diko mojɔ moye? Iyo Mwai na ’Moto adi nda? 35Yesu abala na bu bo, Bohu bodi boyeyoa na nu oko ehole ekue pɛ. Dalani yana adi no na bohu, bo modidi motadipa no njea. Mojɔ bo, yona odalaka a modidi atajebaka nongo njea ekɛkɛ yo. 36Adi no na bohu, jimani bohu bomina, bo odaeni bana babohu. Asieja yo bobala mijɔ mi, Yesu adonga na asabomba ai bo.
Bohu Bongondo
37Nongo akɔkɔ yo bimbete binɛnɛ a boso bobu, baimojimea. 38Oko boa ekenge ebala motɔndɔi Yisaya engama bo,
Kumu, ojimi mwako mosu nda?
Ebɔ eKumu eboloi ai nda?
39A mojɔ momina, baihɔnɔ bojima; mojɔ bo Yisaya abala koko bo,
40Iyo adimei miso mabu, na apingejai milema mibu,
Bo batanɛ na miso, batacingea na milema,
Basaka hekoa ai mbi bo nabahelejae.
41Yisaya abala boa mojɔ bo yo anɛ ekumu ende, na abala mojɔ monde. 42Endele ko, basuku bangando banɛnɛ bamojimea. Ibo ko badaka na bɔ a mojɔ moBaPalusi, na baitɔndɔ mojɔ momina a bohu, bo batabameja a sinagoge. 43Na esako ebato, na ekumu eNjambe, bapala gbo oko esako ebato.
44Yesu abekoa bo, Moto yona ojimeaka mbi ajimeaka yona olomani, te mbi mɛnɛ. 45Iyona onɛkɛ mbi, anɛkɛ koko yona olomani. 46Mbi nadoi o bohu a ngondo, bo yona ojimeaka mbi atayeyoa koko a modidi. 47Moto aka’ka bikenge bimbi, pɛ ko bosuma bikenge bimina, mbi nitamosambejaka. Mojɔ bo, mbi nadoiti a bosambeja ngondo. Nadoi oko a boheleja ngondo. 48Moto akalona mbi, pɛ bojima bikenge bimbi, adi na juji onde. Ekenge ebali mbi emosambejabí a busa bosuka. 49Mojɔ bo mbi nabaliti na kpaci embi mɛnɛ. Sango yona olomani abekeani bikenge bibobala na botɔndɔ. 50Mbi najebaka bo mobeko monde modi oko bomɔ bua bodi na bosusu. Oko boa, mbi nakabala, nabalaka oko mijɔ mipakani Sango.
လက္ရွိေရြးခ်ယ္ထားမွု
Yoane 12: NTNG61
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Alliance Biblique de la R. D. Congo
Yoane 12
12
Malia Asuoa Yesu Malasi
1Kola-eBonɔ edika oko masu masamano pɛ yana amea Yesu a Betania, esika edaka Lazalo oma ngɔjɔ Yesu a bogwa. 2Bakalea mia a mojɔ moYesu a esika emina, na Malata akɔ elomu emesa. Lazalo ko adaka okina obu baya badaka na Yesu a mesa. 3Malia atomba malasi mabobuno bonɛnɛ mɛnɛ, isa litre emɔci. Asuoa bibota biYesu malasi, na ahakoa bibota binde na swe jinde. Ndako esusu mɛnɛ eluma na soo epele emalasi. 4Okma mocingami onde omɔci, oko Yuda Iskalio yona odi bomokaba, abala bo, 5Iyo angɛjɛiti malasi mamina na pata mikama misato mojɔ moye, a bopa bato babokwali? 6Iyo abala boa mojɔ bo adaka mobi. Aidaka nongo na bolɛ a mojɔ mobato babokwali. 7Yesu ko abala bo, Yɛ bomonɔngeja! Abanei eka emina a mojɔ mobusa bobopusea bombi. 8Odini na bato babokwali a tei enu masu masusu. Mbi ko naditi a tei enu na bosusu.
Yesu Akwea a Yelusalema
9Bato bangando banɛnɛ baBaYuda baka mwako bo Yesu adaka oho. Oko boa badoa, te a mojɔ moYesu pɛ; badoa a bonɛ Lazalo pongono oma ngɔjɔ Yesu a bogwa. 10A mojɔ momina, basuku banganga badumba ndungu bo bawoe Lazalo pongono; mojɔ bo BaYuda banɛnɛ badonga, na bajima Yesu oko a mojɔ moLazalo.
12Iyana ahoa busa, bato banɛnɛ baya bama doa a Kola, baka bo Yesu akɛkɛ adoe a Yelusalema. 13Oko boa batomba malalo, na bakɛ bo bamolenoane. Babekoa bo, Osana!
Bojongoa ai yo yona odoaka a kombe eKumu!
Kumu oYisalaele! 14Yesu adaka abaki a mwana-punda oboloja yo, mojɔ bo, mosɔnɔmɔ bo,
15Mwamwali oSiona, yɛ bobanga!
Anja, Kumu owɛ akɛkɛ adoe.
Adi abaki a mwana-punda.
16Bacingami bande baicingea cina ebikenge bimina a ehole emina. Yana ko akumama yo, basalɛjɛ bo bisɔnɔmɔ a mojɔ monde, na bo bingama koko na nde. 17Bato banɛnɛ baya badaka na nde yana abea yo Lazalo bo amane a esɛmɔ yana amongɔjɔ yo a bogwa, batɔndɔ mojɔ momina pongono. 18Oko boa, bato banɛnɛ baya baka mwako momondumba mokɔ yo, bakɛ bo bamolenoane. 19A mojɔ momina, BaPalusi babalana bo, Onɛkɛni bo otahɔnɔkɔni bokɔ mokina mojɔ. Anjani, ngondo esusu ecingi na nde engbanga!
BaEla Baduka Yesu
20Bakina BaEla badaka bacingi na bato baya badoa a mojɔ mobosakoa a Kola. 21Ibo badoa ai Pilipo, moto oBetesaida, ngando eGalile. Bamo’nga bo, Kumu, iso bodi na posa bo bonɛe Yesu. 22Pilipo akɛ atɔndɔe Andalea. Andalea akɛ na Pilipo, na batɔndɔ Yesu. 23Yesu abasɔmbeja bo, Ehole emei bo Mwana ’Moto akume. 24Soti mɛnɛ, mbi nabalaka na nu bo, Ngua endongo emiti kwa a tei ekpɔtɔ bo egwɛ, edi bodika oko ngasa. Ekagwa ko, edi bobota libota linɛnɛ. 25Iyona opalaka mohelo monde mɛnɛ âmobungeja. Iyona ko olonaka mohelo monde mɛnɛ a ngondo ye, âmobanea a mojɔ mobomɔ bua bodi na bosusu. 26Isa moto akɔmɛkɛ mbi, yɛ asuse mbi. Mokɔmɛli ombi abwani boda oko a esika edi mbi. Sangwa’mbi âkumeja moto na moto yona okɔmɛkɛ mbi. 27Edɛye ko, molema mombi modi na monɔngɔ. Nadi bobala bo? Sesa, belejani a ehole ye? Pɛpɛ; mbi namei a ehole ye oko a mojɔ momina. Sesa, kumeja kombe ewɛ. 28Kɔpi esi ko edongi oho Diko bo, Mbi naekumejai, na nâekumeja koko. 29Emumu ebato baya badaka ba’mi ena baka kɔpi emina, na babala bo, Bɛi agami! Batongo babala bo, Obwɛnji oDiko abali na nde. 30Yesu abasɔmbeja bo, Kɔpi emina edoi a mojɔ monu, te a mojɔ mombi. 31Ngondo edi bosamba edɛye. Kumu ongondo ye âdumbama bokpa. 32Mbi ko nakangɔjɔmɔ a diko dingondo, nâbilea bato basusu ai mbi. 33Iyo abala boa a boneja tungu ebogwa bokɛkɛ yo agwɛ. 34Bato bamosɔmbeja bo, Iso bokaka a Mibeko bo Masiya adi boyeyoa na bosusu. Oko boa wɛ obalaka bo Mwana’Moto ângɔjɔmɔ diko mojɔ moye? Iyo Mwai na ’Moto adi nda? 35Yesu abala na bu bo, Bohu bodi boyeyoa na nu oko ehole ekue pɛ. Dalani yana adi no na bohu, bo modidi motadipa no njea. Mojɔ bo, yona odalaka a modidi atajebaka nongo njea ekɛkɛ yo. 36Adi no na bohu, jimani bohu bomina, bo odaeni bana babohu. Asieja yo bobala mijɔ mi, Yesu adonga na asabomba ai bo.
Bohu Bongondo
37Nongo akɔkɔ yo bimbete binɛnɛ a boso bobu, baimojimea. 38Oko boa ekenge ebala motɔndɔi Yisaya engama bo,
Kumu, ojimi mwako mosu nda?
Ebɔ eKumu eboloi ai nda?
39A mojɔ momina, baihɔnɔ bojima; mojɔ bo Yisaya abala koko bo,
40Iyo adimei miso mabu, na apingejai milema mibu,
Bo batanɛ na miso, batacingea na milema,
Basaka hekoa ai mbi bo nabahelejae.
41Yisaya abala boa mojɔ bo yo anɛ ekumu ende, na abala mojɔ monde. 42Endele ko, basuku bangando banɛnɛ bamojimea. Ibo ko badaka na bɔ a mojɔ moBaPalusi, na baitɔndɔ mojɔ momina a bohu, bo batabameja a sinagoge. 43Na esako ebato, na ekumu eNjambe, bapala gbo oko esako ebato.
44Yesu abekoa bo, Moto yona ojimeaka mbi ajimeaka yona olomani, te mbi mɛnɛ. 45Iyona onɛkɛ mbi, anɛkɛ koko yona olomani. 46Mbi nadoi o bohu a ngondo, bo yona ojimeaka mbi atayeyoa koko a modidi. 47Moto aka’ka bikenge bimbi, pɛ ko bosuma bikenge bimina, mbi nitamosambejaka. Mojɔ bo, mbi nadoiti a bosambeja ngondo. Nadoi oko a boheleja ngondo. 48Moto akalona mbi, pɛ bojima bikenge bimbi, adi na juji onde. Ekenge ebali mbi emosambejabí a busa bosuka. 49Mojɔ bo mbi nabaliti na kpaci embi mɛnɛ. Sango yona olomani abekeani bikenge bibobala na botɔndɔ. 50Mbi najebaka bo mobeko monde modi oko bomɔ bua bodi na bosusu. Oko boa, mbi nakabala, nabalaka oko mijɔ mipakani Sango.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Alliance Biblique de la R. D. Congo