لُکَ نَسْتُکِ
نَسْتُکِ
لِنْجِيلَ ڢٛدّٜ لُکَ طٛنْ لِمْتَ کُبَرُوجِ عِيسَى دِغَ دَࢩٜىٰکِ مَاکٛ حَا يٛتِّ عُمِّتِنٜىٰکِ مَاکٛ؞ طُوطْࢡٜ تَبِتِنِ طُمْ لُکَ، دٛکْتَاجٛ، غٛندُنٛوطٛ بٜى ݠٛلْ وِنْدِ کَ (کٛلٛسِّعٜنْ 4:14)، حَا سٛوبَاجٛ مُوطُمْ تٜيٛڢِلُسْ؞ لِنْجِيلَ کَعَ طٛنْ عَنْدِنَ عٜنْ اَللَّه عٛ عٜنْطٛووٛ مٜىٰرِطِنَاࢡٜ (4:18-19)، بَنَ سَمَرِيَعٜنْ (10:30-37؛ 17:11-19) عٜ لَاڢُࢡٜ (16:19-31)؞ رٜوْࢡٜ بٛو نغٛودِ بَبَلْ تِلِمْنغَلْ ندٜرْ دٜڢْتٜرٜ ندٜعٜ (8:2؛ 10:38؛ 23:27)؞
ࢡُرْنَ حَالَ لُکَ طٛنْ تَوٜ حَا دٜڢْتٜ لِنْجِيلَ غٛطّٜ، عَمَّا عٛࢡٜسْدِ ڢَامْتِنْغٛ عٜنْ دٛوْ دَࢩٜىٰکِ يُحَنَّ بَطٛووٛ بَݠْتِسْمَ؞ لُکَ ڢٜىٰرٜ مُمْ وِنْدِ يِمْرٜ مَلَاعِکَعٜنْ عٜ غَرْکِ وَيْنَاࢡٜ حَا بَيْتِلَامَ، نغٜىٰوْتَ عِيسَى بٜى مَوْࢡٜ حَا حَيْکَلِيرُ يَاکٜ عٛ دٜرْکٜىٰجٛ عٜ بَلْندِ ڢٜىٰرٜ ڢٜىٰرٜ بَنَ سَمَرِيَاجٛ بٛوطّٛ عٜ ࢡِطّٛ مَجُّطٛ؞ لُکَ وِنْدِ بٛو کُبَرُوجِ طُوطِّ طِ عِيسَى وٛلْوِ يَاکٜ عٛطٛنْ يَحَ عُرُسَلِيمَ (9:51–19:27)؞
تٛکِّنْدِرْکِ حَالَاجِ:
ڢُطّٛودٜ 1:1-4
دَࢩٜىٰکِ عٜ مَوْنُکِ يُحَنَّ عٜ عِيسَى 1:5–2:52
وَازُ يُحَنَّ بَطٛووٛ بَݠْتِسْمَ 3:1-20
بَݠْتِسْمَ عِيسَى عٜ جَرِّبٜىٰکِ مُمْ 3:21–4:13
کُوطٜ عٜ وَازُ عِيسَى حَا غَلِيلِ 4:14–9:50
جَحَانغَلْ دِغَ غَلِيلِ حَا عُرُسَلِيمَ 9:51–19:27
عَسَوٜىٰرٜ عِيسَى رَغَرٜىٰرٜ 19:28–22:46
نَنغٜىٰکِ، مَايْدٜ عٜ عُوٜىٰکِ عِيسَى اَلْمَسِيحُ 22:47–23:56
عُمِّتِنٜىٰکِ، بَنغُکِ عٜ عٜىٰنغِنٜىٰکِ عِيسَى 24
လက္ရွိေရြးခ်ယ္ထားမွု
لُکَ نَسْتُکِ: داَ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Fulfulde Bible Ajamiya © Bible Society of Cameroon, 2016.