Genesis 2
2
1Ta, naꞌman nay langit baw banwa baw muꞌsang magkaltegan nga mga betang nira. 2Iyan ikapitu nang aldaw, ega nay binwat it Ampuꞌang Diyus nga mga kugunaen ya ka nakumplitu ya nay muꞌsa, aypaꞌ nagpapaꞌna na kanya. 3Ipiyabetang it Ampuꞌang Diyus i ikapitu ngayting aldaw nga maꞌal baw mataꞌas pat beken nga mga aldaw, sabap it pagkaꞌbut it ikapitung aldaw, nakumplitu ya nay muꞌsang mga kugunaen ya.
Puꞌun-puꞌun it taw baw piyataꞌidan it kanira nga rugar
4Ta, ituy kamatuudan pasar it langit baw banwa, iyan baꞌgu sirang giyuna it AMPUꞌANG DIYUS. Tagna-tagnaꞌ paꞌ, iyan giyuna it AMPUꞌANG DIYUS i langit baw banwa, 5ega pay magpanubuꞌ nga maski unu nga luwak, sabap ega paꞌ piyaꞌuran it AMPUꞌANG DIYUS i banwa baw ega paꞌ gasiꞌ i taw nga manluwa-luwak situt banwa. 6Takaꞌ may subuk gabun nga maggaring duꞌun it lugtaꞌ, magpatibung, nga yanay magmaregmeg it lugtaꞌ.
7Bawnga garing kat lugtaꞌ binwat it AMPUꞌANG DIYUS i bilug it taw. Pagkaꞌman ya, inyepan yay mga lamun it urung ka binggayan ya it ginawa baw kaꞌgenan. Iyan i puꞌun it ginawa it taw.
8Bawnga gimnuna i AMPUꞌANG DIYUS it kalulwakan duꞌut esang rugar nga magayen baw patag, duꞌun it pagpangaranat Eden, nga ayun kat lebatan. Bawnga duꞌun nay tiyabanan yat taw ngayting binwat ya, ka duꞌun nay piyataꞌidan ya. 9Garing siꞌ sikayti, piyatubuꞌ it AMPUꞌANG DIYUS sikayting rugar i muꞌsang kalasit kayu nga, buwaꞌ nira, magayen nga pagletganan baw magayen gasing pagkaꞌnen. May ipiyatubuꞌ ya gasiꞌ duꞌun it tengaꞌ it kalulwakan ngayti nga esang kayu nga pagpangaranan it Kayu nga Magpaꞌabwatay it Kaꞌgenan baw sang puꞌun nga kayu, Kayu nga Ipagkakilala it Magayen baw Maraꞌe-raꞌet.
10Baw may esa gasing danum nga magburus duꞌut Eden ngayti, nga iyan i magpakseg it mga luwak ngayti duꞌun. Garing duꞌut Eden, nga duꞌun i puꞌun ya, nabagiꞌ nat epat nga kadanuman. 11Pangaran it uꞌnang bagiꞌ, Pison, nga iyan i magpanliyang-liyang i burus ya kat rugar nga pagpangaranat Havila, nga may bulawan duꞌun. 12Talagang bulawan duꞌut iting rugar, piyakamagayen. Ega lamang desang bulawan i duꞌun. May duꞌun gasiꞌ nga magkapisiꞌan it magkabwat nga pirmirang babangluun, baw marga nga batu nga pagpangaranat onice. 13Ngaran gasit ikadwang bagiꞌ it danum ngayti, Gihon, nga magpanliyang-liyang i burus ya kat rugar nga pagpangaranat Etiopia. 14Ngaran gasiꞌ it ikatlu nga bagiꞌ it danum ngayti, Tigris, nga duꞌun i burus ya it Asiria nga ayun kat lebatan. Ngaran it ikaꞌpat nga bagiꞌ ya, Eufrates.
15Ta duꞌun nat kalulwakan ngayti i piyataꞌidan it AMPUꞌANG DIYUS it taw ngayti nga lalaki nga binwat ya, ka yanayti i marigra. 16Iyan duꞌun nay lalaki ngayti, inaat it AMPUꞌANG DIYUS, nga maat ya, “Mapakay mu nga kaꞌnen i buwaꞌ it mga kayu situ. 17Temed iyan sang puꞌun nga kayu nga magkapisiꞌan ngaytut ipagkakilala it magayen baw maraꞌe-raꞌet, ega salyaen mut kumaꞌen. Sabap kat aldaw nga kumaꞌen ka it iyan ngayan, egay pagduwa-duwa nga kamataynen i panriga it imu.”
18Pagkapatakenaꞌ yat lalaki ngayti, maat siꞌ it AMPUꞌANG DIYUS, “Ega magayen i esa-esat lalaki ngaytu nga egay iba ya. Magayen muwat aku nagat iba ya, isaꞌun may katabyang ya baw maꞌiba-iba ya nga bagay talagat kanya.” 19Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk. 20Piyangaranan nga muꞌsa it lalaki ngayti i mga ramu-ramu baw mga manu-manuk, temed egay mapakay nga katabyang baw maꞌiba-iba ya.
21Aypaꞌ piyaꞌigaꞌ it AMPUꞌANG DIYUS i lalaki ngayti it maꞌlek. Bawnga inabat it Ampuꞌang Diyus i esang takgang it lalaki ngayti. Pagkaꞌabat ya, ipiyagꞌarut ya siꞌ i inabatan ya ngayti. 22Iti, takgang ngayting inabat it AMPUꞌANG DIYUS duꞌut lalaki ngayti, binwat ya nga esang babay. Pagkabwat ya, tiyaban ya na duꞌut lalaki ngayti. 23Pagꞌabut duꞌun, siyagyaan talaga it lalaki ngayti, nga maat ya, “Ta, in iyan, may iba ku na! Ka tuꞌlang, isi, subung talagat aken nga pamilug i pamilug ya. Babay i panaꞌwag it kanya sabap pinsiꞌ kanya kat bilug it lalaki.” 24Aypaꞌ ka buwat nat mga taw, tananan it lalaki i amaꞌ baw inaꞌ ya ka magsagpun na sira magꞌasawa. Ta egay beken, subung na sirat sang kabilu-bilugan.
25Purus sira paꞌ maglelbas, babay baw lalaki ngayti, baw ega pay eꞌyaꞌ nira.
လက္ရွိေရြးခ်ယ္ထားမွု
Genesis 2: TBWONT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1992, Wycliffe Bible Translators, Inc. All rights reserved.
Genesis 2
2
1Ta, naꞌman nay langit baw banwa baw muꞌsang magkaltegan nga mga betang nira. 2Iyan ikapitu nang aldaw, ega nay binwat it Ampuꞌang Diyus nga mga kugunaen ya ka nakumplitu ya nay muꞌsa, aypaꞌ nagpapaꞌna na kanya. 3Ipiyabetang it Ampuꞌang Diyus i ikapitu ngayting aldaw nga maꞌal baw mataꞌas pat beken nga mga aldaw, sabap it pagkaꞌbut it ikapitung aldaw, nakumplitu ya nay muꞌsang mga kugunaen ya.
Puꞌun-puꞌun it taw baw piyataꞌidan it kanira nga rugar
4Ta, ituy kamatuudan pasar it langit baw banwa, iyan baꞌgu sirang giyuna it AMPUꞌANG DIYUS. Tagna-tagnaꞌ paꞌ, iyan giyuna it AMPUꞌANG DIYUS i langit baw banwa, 5ega pay magpanubuꞌ nga maski unu nga luwak, sabap ega paꞌ piyaꞌuran it AMPUꞌANG DIYUS i banwa baw ega paꞌ gasiꞌ i taw nga manluwa-luwak situt banwa. 6Takaꞌ may subuk gabun nga maggaring duꞌun it lugtaꞌ, magpatibung, nga yanay magmaregmeg it lugtaꞌ.
7Bawnga garing kat lugtaꞌ binwat it AMPUꞌANG DIYUS i bilug it taw. Pagkaꞌman ya, inyepan yay mga lamun it urung ka binggayan ya it ginawa baw kaꞌgenan. Iyan i puꞌun it ginawa it taw.
8Bawnga gimnuna i AMPUꞌANG DIYUS it kalulwakan duꞌut esang rugar nga magayen baw patag, duꞌun it pagpangaranat Eden, nga ayun kat lebatan. Bawnga duꞌun nay tiyabanan yat taw ngayting binwat ya, ka duꞌun nay piyataꞌidan ya. 9Garing siꞌ sikayti, piyatubuꞌ it AMPUꞌANG DIYUS sikayting rugar i muꞌsang kalasit kayu nga, buwaꞌ nira, magayen nga pagletganan baw magayen gasing pagkaꞌnen. May ipiyatubuꞌ ya gasiꞌ duꞌun it tengaꞌ it kalulwakan ngayti nga esang kayu nga pagpangaranan it Kayu nga Magpaꞌabwatay it Kaꞌgenan baw sang puꞌun nga kayu, Kayu nga Ipagkakilala it Magayen baw Maraꞌe-raꞌet.
10Baw may esa gasing danum nga magburus duꞌut Eden ngayti, nga iyan i magpakseg it mga luwak ngayti duꞌun. Garing duꞌut Eden, nga duꞌun i puꞌun ya, nabagiꞌ nat epat nga kadanuman. 11Pangaran it uꞌnang bagiꞌ, Pison, nga iyan i magpanliyang-liyang i burus ya kat rugar nga pagpangaranat Havila, nga may bulawan duꞌun. 12Talagang bulawan duꞌut iting rugar, piyakamagayen. Ega lamang desang bulawan i duꞌun. May duꞌun gasiꞌ nga magkapisiꞌan it magkabwat nga pirmirang babangluun, baw marga nga batu nga pagpangaranat onice. 13Ngaran gasit ikadwang bagiꞌ it danum ngayti, Gihon, nga magpanliyang-liyang i burus ya kat rugar nga pagpangaranat Etiopia. 14Ngaran gasiꞌ it ikatlu nga bagiꞌ it danum ngayti, Tigris, nga duꞌun i burus ya it Asiria nga ayun kat lebatan. Ngaran it ikaꞌpat nga bagiꞌ ya, Eufrates.
15Ta duꞌun nat kalulwakan ngayti i piyataꞌidan it AMPUꞌANG DIYUS it taw ngayti nga lalaki nga binwat ya, ka yanayti i marigra. 16Iyan duꞌun nay lalaki ngayti, inaat it AMPUꞌANG DIYUS, nga maat ya, “Mapakay mu nga kaꞌnen i buwaꞌ it mga kayu situ. 17Temed iyan sang puꞌun nga kayu nga magkapisiꞌan ngaytut ipagkakilala it magayen baw maraꞌe-raꞌet, ega salyaen mut kumaꞌen. Sabap kat aldaw nga kumaꞌen ka it iyan ngayan, egay pagduwa-duwa nga kamataynen i panriga it imu.”
18Pagkapatakenaꞌ yat lalaki ngayti, maat siꞌ it AMPUꞌANG DIYUS, “Ega magayen i esa-esat lalaki ngaytu nga egay iba ya. Magayen muwat aku nagat iba ya, isaꞌun may katabyang ya baw maꞌiba-iba ya nga bagay talagat kanya.” 19Ta, mga giyuna ngaytit AMPUꞌANG DIYUS nga muꞌsang mga ramu-ramu baw muꞌsang mga manu-manuk, tiniꞌmes ya nga muꞌsa duꞌun it lalaki ngayti ka papangaranan it kanya. Aypaꞌ kada ipangaran it lalaki ngayti, yanay naneꞌteꞌ nga ngaran it ramu-ramu baw manu-manuk. 20Piyangaranan nga muꞌsa it lalaki ngayti i mga ramu-ramu baw mga manu-manuk, temed egay mapakay nga katabyang baw maꞌiba-iba ya.
21Aypaꞌ piyaꞌigaꞌ it AMPUꞌANG DIYUS i lalaki ngayti it maꞌlek. Bawnga inabat it Ampuꞌang Diyus i esang takgang it lalaki ngayti. Pagkaꞌabat ya, ipiyagꞌarut ya siꞌ i inabatan ya ngayti. 22Iti, takgang ngayting inabat it AMPUꞌANG DIYUS duꞌut lalaki ngayti, binwat ya nga esang babay. Pagkabwat ya, tiyaban ya na duꞌut lalaki ngayti. 23Pagꞌabut duꞌun, siyagyaan talaga it lalaki ngayti, nga maat ya, “Ta, in iyan, may iba ku na! Ka tuꞌlang, isi, subung talagat aken nga pamilug i pamilug ya. Babay i panaꞌwag it kanya sabap pinsiꞌ kanya kat bilug it lalaki.” 24Aypaꞌ ka buwat nat mga taw, tananan it lalaki i amaꞌ baw inaꞌ ya ka magsagpun na sira magꞌasawa. Ta egay beken, subung na sirat sang kabilu-bilugan.
25Purus sira paꞌ maglelbas, babay baw lalaki ngayti, baw ega pay eꞌyaꞌ nira.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 1992, Wycliffe Bible Translators, Inc. All rights reserved.