Гелип чыкыш 30
30
30-нҗы бап
1Рахел Якуба чага догруп бермәндигини гөренде, ол өз аял доганына гөриплик этди. Ол Якуба: «Маңа-да чага бер, ёгсам, мен өлерин» дийди. 2Якубың муңа гахары гелип: «Худай сени чагадан махрум эдйәр. Мен Худаймы нәме?!» дийди. 3Рахел оңа: «Гырнагым Билха билен ят. Гой, ол маңа сенден огул догруп берсин. Шейдип, Билханың үсти билен мен хем чагалы болайын» дийди. 4Ол өз гырнагы Билханы Якуба аяллыга берди; Якуп онуң билен ятды. 5Билха гөврели болуп, Якуба бир огул догруп берди. 6Онсоң Рахел: «Худай мени аклады, Ол, хакыкатданам, мениң дилегими эшидип, маңа бир огул берди» дийип, огланың адына Дан#30:6 Еврейче Дан ве аклавчы сөзлериниң айдылышы меңзешдир. дакды. 7Рахелиң гырнагы Билха ене-де гөврели болуп, Якуба икинҗи огул догруп берди. 8Рахел: «Доганым билен җуда чынлакай гөрешдим ве еңдим» дийип, оглуның адына Нафталы#30:8 Еврейче Нафталы ве мен гөрешдим диен сөзлеминиң айдылышы меңзешдир. дакды.
9Лея өзүниң догурмакдан галандыгына гөз етирип, өз гырнагы Зилпаны Якуба аяллыга берди. 10Леяның гырнагы Зилпа Якуба бир огул догруп берди. 11Лея: «Мениңки шовуна болды» дийип, оглуның адына Гат#30:11 Гат – бу сөз шовлулык диймеги аңладяр. дакды. 12Леяның гырнагы Зилпа Якуба икинҗи огул догруп берди. 13Лея: «Мен багтлыдырын! Гызлар маңа багтлы диерлер» дийип, икинҗи оглуның адына Ашер#30:13 Ашер – бу сөз багтлы диймеги аңладяр. дакды.
14Бугдай орагы дөврүнде бир гүн Рубен экин мейданына гитди ве ол ерден селмелек көклерини#30:14 Селмелек көклери – сөйги хыҗувыны артдырян өсүмликлер. тапды. Рубен оны эҗеси Лея гетирип берди. Рахел Леяның янына гелип, оңа: «Оглуңың гетирен селмелек көклеринден маңа-да бер» дийди. 15Лея оңа: «Әрими элимден аланыңы аз гөрүп, инди оглумың гетирен селмелек көклерини-де алсам диййәрмиң?» дийди. Рахел оңа: «Боляр, селмелек көклериниң дерегине Якуп шу гиҗе сениң билен ятайсын» дийди. 16Агшамара Якуп мейдандан гайдып гелйәркә, Лея онуң өңүнден чыкып: «Сен бу гиҗе мениң яныма гир. Оглумың гетирен селмелек көклери билен сениң шу гиҗелик кирейиңи төледим» дийди. Якуп шол гиҗе Лея янашды. 17Худай Леяның дилегини эшитди. Лея гөврели болуп, Якуба бәшинҗи огул догруп берди. 18Лея: «Бу – өз гырнагымы адамыма береним үчин, Худайың маңа берен муздудыр» дийип, огланың адына Ысакар#30:18 Еврейче Ысакар ве музд сөзлериниң айдылышы меңзешдир. дакды. 19Лея ене гөврели болуп, Якуба алтынҗы огул догруп берди. 20Лея: «Худай маңа аҗайып совгат этди. Инди адамым маңа хормат гояр, чүнки мен оңа алты огул догруп бердим» дийип, алтынҗы оглуның адына Зебулун#30:20 Еврейче Зебулун ве хормат сөзлериниң айдылышы меңзешдир. дакды. 21Ол соңра бир гыз догурды ве онуң адына Дина дакды. 22Худай Рахели ятдан чыкарманды. Ол Рахелиң дилегини эшидип, онуң ятгысыны ачды. 23Рахел гөврели болуп, бир огул догурды. Ол: «Худай мениң айыбымы айырды. 24Гой, Реб маңа ене-де огул берсин!» дийип, онуң адына Юсуп#30:24 Еврейче Юсуп ве ене-де берсин диен сөзлериң айдылышы меңзешдир. дакды.
Якуп Лабан билен сөвдалашяр
25Юсуп догландан соң, Якуп Лабана шейле дийди: «Мени гойбер, мен өз меканыма, өз юрдума гидейин. 26Мениң саңа нәхили хызмат эдендигими сениң өзүң билйәнсиң. Мен аялларымдыр чагаларым үчин зәхмет чекдим. Шонуң үчин сен олары маңа бер. Инди мен гидейин». 27Лабан оңа: «Мен саңа бир зат айдайын. Мен Реббиң өзүми сен себәпли берекетли эдендигини пал үсти билен билдим. 28Саңа нәче төлемелидигини айт, мен төләрин» дийди. 29Шонда Якуп оңа шейле дийди: «Мениң саңа нәхили хызмат эдендигими, доварларыңың мениң дөврүмде нәхили көпелендигини сен өзүң билйәнсиң. 30Мениң гелмезимден өң, сениң доварларың саны азды, олар мен геленимден соң көпелди. Мениң аяк басан еримде#30:30 Мениң аяк басан еримде – я-да Мен себәпли., Реб саңа берекет берди. Инди мен өз хоҗалыгым үчин хачан ишләйин?» 31Лабан оңа: «Мен саңа нәме берейин?» дийди. Якуп: «Маңа хич зат герек дәл. Эгер сен мениң шу маслахатымы алсаң, онда мен сениң доварларыңы ене-де бакып, олара гөз-гулак боларын. 32Шу гүн сен әхли сүрүлере айланып, тегмилтли я-да менекли гоюнлары, гечилери, гара гузулары сүрүден айыр. Олар мениң хызмат хакым болар. 33Соң сен шол беренлериңи гөрмәге гелениңде, мениң догручылдыгымы гөрерсиң. Эгер мениң сүримде тегмилтсиз я-да менексиз гечилер ве гара дәл гоюнлар тапылайса, шонда сен олары огурлык хасаплап билерсиң». 34Лабан: «Боляр, гой, сениң дийшиң ялы болсун» дийди. 35Эмма шол гүнүң өзүнде Лабан ала-мула ве менекли эркечлериң, тегмилтли ве менекли, шейле хем ак гатышыгы болан гечилериң әхлисини ве гара гоюнларың барыны сүрүден чыкарып, өз огулларының гөзегчилигине берди. 36Соңра Лабан үч гүнлүк ёла барабарлыкда Якупдан араны ачды. Якуп Лабаның бейлеки галан сүрүсини бакмагыны довам этдирди.
37Якуп дерек, бадам хем-де чынар агачларының өл чыбыкларыны алып, оларың габыгыны ёл-ёл айранда ак золаклар пейда болды. 38-39Ол золаклы чыбыклары доварларың өңүнде сув ичйән новаларына салып гойды. Доварлар новалардан сув ичмәге геленлеринде, чыбыкларың өңүнде гоча гелип, богаз болдулар ве ала-мула, тегмилтли хем-де менекли овлак-гузулары гузладылар. 40Якуп гузуларыны айры саклап, олары Лабаның ала-мула ве гара доварларының гаршысында бакярды. Шейдип, Якуп өзүне сүри эдинди ве оны Лабаның сүрүсине гошмады. 41Сагдын доварлар гоча геленлеринде, чыбыкларың өңүнде гоча гелерлери ялы, Якуп чыбыклары хемише оларың өңүнде новаларда гоярды. 42Хор доварлар гоча геленде болса Якуп оларың өңүнде чыбык гоймаярды. Шунлукда, сагдын доварлар Якубыңкы, хор доварлар Лабаныңкы болярды. 43Шейдип, Якуп җуда баяды. Инди онуң сүри-сүри доварлары, гул-гырнаклары, дүелери хем эшеклери барды.
လက္ရွိေရြးခ်ယ္ထားမွု
Гелип чыкыш 30: TukCyr16
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Мукаддес Китап Терҗиме Институты, 2016
Гелип чыкыш 30
30
30-нҗы бап
1Рахел Якуба чага догруп бермәндигини гөренде, ол өз аял доганына гөриплик этди. Ол Якуба: «Маңа-да чага бер, ёгсам, мен өлерин» дийди. 2Якубың муңа гахары гелип: «Худай сени чагадан махрум эдйәр. Мен Худаймы нәме?!» дийди. 3Рахел оңа: «Гырнагым Билха билен ят. Гой, ол маңа сенден огул догруп берсин. Шейдип, Билханың үсти билен мен хем чагалы болайын» дийди. 4Ол өз гырнагы Билханы Якуба аяллыга берди; Якуп онуң билен ятды. 5Билха гөврели болуп, Якуба бир огул догруп берди. 6Онсоң Рахел: «Худай мени аклады, Ол, хакыкатданам, мениң дилегими эшидип, маңа бир огул берди» дийип, огланың адына Дан#30:6 Еврейче Дан ве аклавчы сөзлериниң айдылышы меңзешдир. дакды. 7Рахелиң гырнагы Билха ене-де гөврели болуп, Якуба икинҗи огул догруп берди. 8Рахел: «Доганым билен җуда чынлакай гөрешдим ве еңдим» дийип, оглуның адына Нафталы#30:8 Еврейче Нафталы ве мен гөрешдим диен сөзлеминиң айдылышы меңзешдир. дакды.
9Лея өзүниң догурмакдан галандыгына гөз етирип, өз гырнагы Зилпаны Якуба аяллыга берди. 10Леяның гырнагы Зилпа Якуба бир огул догруп берди. 11Лея: «Мениңки шовуна болды» дийип, оглуның адына Гат#30:11 Гат – бу сөз шовлулык диймеги аңладяр. дакды. 12Леяның гырнагы Зилпа Якуба икинҗи огул догруп берди. 13Лея: «Мен багтлыдырын! Гызлар маңа багтлы диерлер» дийип, икинҗи оглуның адына Ашер#30:13 Ашер – бу сөз багтлы диймеги аңладяр. дакды.
14Бугдай орагы дөврүнде бир гүн Рубен экин мейданына гитди ве ол ерден селмелек көклерини#30:14 Селмелек көклери – сөйги хыҗувыны артдырян өсүмликлер. тапды. Рубен оны эҗеси Лея гетирип берди. Рахел Леяның янына гелип, оңа: «Оглуңың гетирен селмелек көклеринден маңа-да бер» дийди. 15Лея оңа: «Әрими элимден аланыңы аз гөрүп, инди оглумың гетирен селмелек көклерини-де алсам диййәрмиң?» дийди. Рахел оңа: «Боляр, селмелек көклериниң дерегине Якуп шу гиҗе сениң билен ятайсын» дийди. 16Агшамара Якуп мейдандан гайдып гелйәркә, Лея онуң өңүнден чыкып: «Сен бу гиҗе мениң яныма гир. Оглумың гетирен селмелек көклери билен сениң шу гиҗелик кирейиңи төледим» дийди. Якуп шол гиҗе Лея янашды. 17Худай Леяның дилегини эшитди. Лея гөврели болуп, Якуба бәшинҗи огул догруп берди. 18Лея: «Бу – өз гырнагымы адамыма береним үчин, Худайың маңа берен муздудыр» дийип, огланың адына Ысакар#30:18 Еврейче Ысакар ве музд сөзлериниң айдылышы меңзешдир. дакды. 19Лея ене гөврели болуп, Якуба алтынҗы огул догруп берди. 20Лея: «Худай маңа аҗайып совгат этди. Инди адамым маңа хормат гояр, чүнки мен оңа алты огул догруп бердим» дийип, алтынҗы оглуның адына Зебулун#30:20 Еврейче Зебулун ве хормат сөзлериниң айдылышы меңзешдир. дакды. 21Ол соңра бир гыз догурды ве онуң адына Дина дакды. 22Худай Рахели ятдан чыкарманды. Ол Рахелиң дилегини эшидип, онуң ятгысыны ачды. 23Рахел гөврели болуп, бир огул догурды. Ол: «Худай мениң айыбымы айырды. 24Гой, Реб маңа ене-де огул берсин!» дийип, онуң адына Юсуп#30:24 Еврейче Юсуп ве ене-де берсин диен сөзлериң айдылышы меңзешдир. дакды.
Якуп Лабан билен сөвдалашяр
25Юсуп догландан соң, Якуп Лабана шейле дийди: «Мени гойбер, мен өз меканыма, өз юрдума гидейин. 26Мениң саңа нәхили хызмат эдендигими сениң өзүң билйәнсиң. Мен аялларымдыр чагаларым үчин зәхмет чекдим. Шонуң үчин сен олары маңа бер. Инди мен гидейин». 27Лабан оңа: «Мен саңа бир зат айдайын. Мен Реббиң өзүми сен себәпли берекетли эдендигини пал үсти билен билдим. 28Саңа нәче төлемелидигини айт, мен төләрин» дийди. 29Шонда Якуп оңа шейле дийди: «Мениң саңа нәхили хызмат эдендигими, доварларыңың мениң дөврүмде нәхили көпелендигини сен өзүң билйәнсиң. 30Мениң гелмезимден өң, сениң доварларың саны азды, олар мен геленимден соң көпелди. Мениң аяк басан еримде#30:30 Мениң аяк басан еримде – я-да Мен себәпли., Реб саңа берекет берди. Инди мен өз хоҗалыгым үчин хачан ишләйин?» 31Лабан оңа: «Мен саңа нәме берейин?» дийди. Якуп: «Маңа хич зат герек дәл. Эгер сен мениң шу маслахатымы алсаң, онда мен сениң доварларыңы ене-де бакып, олара гөз-гулак боларын. 32Шу гүн сен әхли сүрүлере айланып, тегмилтли я-да менекли гоюнлары, гечилери, гара гузулары сүрүден айыр. Олар мениң хызмат хакым болар. 33Соң сен шол беренлериңи гөрмәге гелениңде, мениң догручылдыгымы гөрерсиң. Эгер мениң сүримде тегмилтсиз я-да менексиз гечилер ве гара дәл гоюнлар тапылайса, шонда сен олары огурлык хасаплап билерсиң». 34Лабан: «Боляр, гой, сениң дийшиң ялы болсун» дийди. 35Эмма шол гүнүң өзүнде Лабан ала-мула ве менекли эркечлериң, тегмилтли ве менекли, шейле хем ак гатышыгы болан гечилериң әхлисини ве гара гоюнларың барыны сүрүден чыкарып, өз огулларының гөзегчилигине берди. 36Соңра Лабан үч гүнлүк ёла барабарлыкда Якупдан араны ачды. Якуп Лабаның бейлеки галан сүрүсини бакмагыны довам этдирди.
37Якуп дерек, бадам хем-де чынар агачларының өл чыбыкларыны алып, оларың габыгыны ёл-ёл айранда ак золаклар пейда болды. 38-39Ол золаклы чыбыклары доварларың өңүнде сув ичйән новаларына салып гойды. Доварлар новалардан сув ичмәге геленлеринде, чыбыкларың өңүнде гоча гелип, богаз болдулар ве ала-мула, тегмилтли хем-де менекли овлак-гузулары гузладылар. 40Якуп гузуларыны айры саклап, олары Лабаның ала-мула ве гара доварларының гаршысында бакярды. Шейдип, Якуп өзүне сүри эдинди ве оны Лабаның сүрүсине гошмады. 41Сагдын доварлар гоча геленлеринде, чыбыкларың өңүнде гоча гелерлери ялы, Якуп чыбыклары хемише оларың өңүнде новаларда гоярды. 42Хор доварлар гоча геленде болса Якуп оларың өңүнде чыбык гоймаярды. Шунлукда, сагдын доварлар Якубыңкы, хор доварлар Лабаныңкы болярды. 43Шейдип, Якуп җуда баяды. Инди онуң сүри-сүри доварлары, гул-гырнаклары, дүелери хем эшеклери барды.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Мукаддес Китап Терҗиме Институты, 2016