Гелип чыкыш 36
36
36-нҗы бап
Ысавың несиллери
1Ысавың, ягны Эдомың несиллери шулардыр. 2-3Ысав Кенган гызларына өйленди. Ол хет Эйлоның гызы Ада, хиви Сибгоның оглы Ананың гызы Охолыбама хем-де Ысмайылың гызы, Небаётың аял доганы Босмата өйленди. 4Ада Ысава Элипазы, Босмат Регувалы, 5Охолыбама болса Егушы, Ягламы ве Кораны догруп берди. Ине, шулар Ысавың Кенган юрдундака доглан огулларыдыр.
6Ысав аялларыны, огул-гызларыны, хоҗалыгындакыларың әхлисини, малларыны хем-де Кенганда газанан әхли эмләгини алып, доганы Якубың янындан айрылып, башга ере гитди. 7Оларың малы җуда көпди. Шейле болансоң, олар бир ерде яшап билҗек дәлдилер, оларың доварларына өри дарлык эдйәрди. 8Ысав, ягны Эдом Сегир даглыгында яшады. 9Сегир даглыгындакы эдомларың атасы болан Ысавың несиллери шулардыр. 10Оларың атлары шейледир: Ысавың аялы Ададан болан оглы Элипаз, Ысавың аялы Босматдан болан оглы Регувал. 11Элипазың огуллары: Тейман, Омар, Сепо, Гатам ве Кеназ. 12Тимна Ысавың оглы Элипазың гырнак аялыды. Ол Элипаза Амалеги догруп берди. Булар Ысавың аялы Ададан болан несиллеридир. 13Регувалың огуллары: Нахат, Зера, Шамма ве Миза. Булар Ысавың аялы Босматдан болан несиллеридир. 14Ысавың аялы Охолыбама Сибгоның агтыгы, Ананың гызыды. Охолыбама Ысава шу огуллары: Егушы, Ягламы ве Кораны догруп берди.
15-16Ысавың несиллеринден дөрән уругбашылар шулардыр: Ысавың новбахар оглы Элипазың огуллары: Тейман, Омар, Сепо, Кеназ, Кора, Гатам ве Амалек. Шулар Элипазың Эдом юрдундакы огулларыдыр; олар Ысавың Ададан болан огулларыдыр. 17Ысавың оглы Регувалың огуллары шулардыр: уругбашылар Нахат, Зера, Шамма, Миза. Булар Регувалың Эдом юрдундакы огулларыдыр. Олар Ысавың аялы Босматдан болан огулларыдыр. 18Ысавың аялы Охолыбамадан болан огуллары: Егуш, Яглам, Кора. Булар Ысавың Ананың гызы Охолыбамадан болан огулларыдыр. 19Буларың хеммеси Ысавың, ягны Эдомың огулларыдыр. Олар уругбашылардыр.
20-21Хоры тиресинден Сегириң огуллары шулардыр: Лотан, Шобал, Сибгон, Ана, Дишон, Эсер ве Дишан. Олар юрдуң яшайҗыларыдыр ве хорыларың уругбашыларыдыр. Булар Сегириң Эдом юрдундакы огулларыдыр. 22Лотаның огуллары шулардыр: Хоры, Хомам. Тимна Лотаның аял доганыды. 23Шобалың огуллары: Алван, Манахат, Эйбал, Шепо, Онам. 24Сибгоның огуллары: Ая, Ана (ол какасының эшеклерини бакып йөркә, чөлде гызгын сувлы чешмелери тапды). 25Ананың чагалары: Дишон ве гызы Охолыбама. 26Дишоның огуллары: Хемдан, Эшбан, Йытран, Керан. 27Эсериң огуллары: Билхан, Загаван, Акан. 28Дишаның огуллары: Ус, Аран. 29-30Сегир юрдундакы уругларына гөрә хоры уругбашылары шулардыр: Лотан, Шобал, Сибгон, Ана, Дишон, Эсер, Дишан.
Эдом патышалары
31Ысрайыллара хич бир патыша шалык этмезден өң Эдом юрдунда хөкүм сүрен патышалар шу ашакдакылардыр. 32Бегорың оглы Бала Эдомда патышалык этди. Онуң пайтагт галасының ады Динхабады. 33Бала дүнйәден өтүп, онуң ерине Босра галасындан болан Зераның оглы Ёбап патыша болды. 34Ёбап дүнйәден өтүп, онуң ерине тейманлы Хушам патыша болды. 35Хушам дүнйәден өтүп, онуң ерине Мовап топрагында мидянлары еңен, Бедатың оглы Хадат патыша болды. Онуң пайтагт галасының ады Авытды. 36Хадат дүнйәден өтүп, онуң ерине масрекалы Самла патыша болды. 37Самла дүнйәден өтүп, онуң ерине Евфрат дерясының боюндакы Рехоботдан болан Шавул патыша болды. 38Шавул дүнйәден өтүп, онуң ерине Акборың оглы Багалханан патыша болды. 39Акборың оглы Багалханан дүнйәден өтенден соң онуң ерине Хадар патыша болды. Ол Пагу галасынданды. Хадарың аялының ады Мехейтабелди. Ол Матредиң гызы, Мейзахабың агтыгыды.
40-43Уруглары, юртда месген тутян ерлери хем атлары боюнча Ысавдан дөрән эдом уругбашылары шулардыр: Тимна, Алва, Етет, Охолыбама, Эла, Пинон, Кеназ, Тейман, Мибсар, Магдыел, Ирам. Бу уругларың хеммеси Ысавдан дөредилер.
လက္ရွိေရြးခ်ယ္ထားမွု
Гелип чыкыш 36: TukCyr16
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Мукаддес Китап Терҗиме Институты, 2016