Matthew 2
2
NAKATA 2
Ihumatuyun tikittun
1Jesus inuman Bethlehemi Judeami, Atanek Herod ataniutillugu, talva ihumatuyun kaivlutik kivataanin Jerusalemun tikittun ukakhutik, 2“Tamna anihimayuk ataninguktukhak Jewmiunun nanitpa? uvlugianga kivatiptingni takugaptigu kaiyugut angayyuvigiyumavlugu. 3Atangum Herodim tamna tuhaagamiuk ihumaluktuk Jerusalemiullu ihumalukatauvlutik. 4Tapfuma angayyuvikpagyuakut ataningita inuin tiitigaktingillu kaitkugamigit tapkuninga apekhuiyuk Christim aniniagutaanik. 5Tapkua ukallautiyaat, “Bethlehemiguk Judeam nunaani, nalautaiyikun tiitigakhimangman,
6Ilipfi Bethlehemiuyuhi Judeam nunaani, Judam ataningingnin mikikiyaungitgaluaktuhi ilipfingnin atanekhak kaihunguman atannektukuvlugit inutka Israelmiun.’ ”
7Talva Herodim kihimgiukhuni ihumatuyun kaitkuyain tapkunangalu tuhaayuk uvlugiam nuivikhanga kanuitilanganik. 8Tapfuma Bethlehemun tiliyain ukakhuni, “Aullagitti nutagagmik kenigiaktugluhi akhun, katkakupfiuk utegitti uniutikuvlunga uvangatauk angayyuvigiyumagapku”. 9Tapkua atanek tuhaagamitku aullangmiyun tayyainaktauk uvlugiak kivataani tautukpagaat hivulliumiyain nutkaktinani nutagam iningata kulaanun. 10Tapkualu takukikamitku uvlugiak kuviatakpiaktun, 11iglumunlu itekhutik nutagak angnangalu Mary tautuktain, hitkuvlutiglu angayyuvigiyaat, aahin pikutitik angmagamitigik tapfumunga aituktun Goldmik, Tipigiktumiglu, Nanunmiglu. 12Talva ihumatuyun hinnektunekun pitkuyaugamik Herodmun utekunagit nunamingnun utektun aahiagun.
Josephkut kimayun Egyptmun
13Aullangmatalu Atangum ihalgulingata hagyaegvigiyaa Joseph hinnektunekun ukakhuni, “Makittin nutagak angnangalu aullautilugik Egyptmun: talvani naiyuinakpagluhi tuhaakiktinatin uvamnin, Herodim nutagak kenigiaktugnialegmagu tukutumavlugu.” 14Makiktuglu unuktillugu pigamigik nutagak angnangalu aullaktuk Egyptmun 15talvanitpaktuglu Herold umatillugu. Taimaliyun Atangum ukauhiit ukaktauyun nalautaiyikun ilumukuvlugit, “Engnigaguk Egyptmin kaitkuvaktaga.”
Herodim Bethlehemiun nutagain tukuttain
16Talva Herod ilihimagami ihumatuyun utekfaayunaegmata, mamiatakpiaktuk pitkuivluni angutinuit tamangmik Bethlehemiitun ukiukakhimayun malgunik nukakhillu tukutaukuvlugit kanuitakhaanik tuhaavagami ihumatuyunin. 17Taima nalautaiyim Jeremiam ukauhiit ilumukpaktun ukangman,
18“Ramahmiguk nipi tuhaanakpaktuk kiavakhuni nipikuktuyumik, Rachel kialengman nutakaminun anuahuktitauyumangngitkivluni tapkua tamangmata.”
Egyptmin utektun
19Ilaani Herod tukuman ilaa Atangum ihalgulingata hagyaegvigimiyaa Joseph hinnektugningagun Egyptmiitillugu ukakhuni, 20“Makittinguk nutagak angnangalu pilugik aullagitti nunamun Israelmun tapkua nutagak tukutumainaktagaluangat tukumata.” 21Makiktuglu pigamigik nutagak angnangalu aullaktuk nunamun Israelmun. 22Tuhaagamili Archelaus ataniulegman Judaemi himmautigivagmagu anguni Herod, Joseph talvunga piyumangngituk. Aahin hinnektugnimigunlu pitkuyaugami Galileem nunaanungaktuk. 23Tikinamilu iglukagvingmun Nazarethmun naiyugahualektun nalautaiyit ukauhiit ilumukuvlugit, “Tamnaguk taiyauhunguyuk Nazarethmiutagmik.”
လက္ရွိေရြးခ်ယ္ထားမွု
Matthew 2: Sperry
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©1972 Canadian Bible Society