Ruth 4
4
Nakata
Boas Nulianiktuk Ruthmik
1Boaslu Bethlehemiun katimaviaanungagami ingituk. Talva Elimelekim ilaguhinga kanikiyauyugaluak, Boasim ukakhimayaa kailengman Boasim kaitkuyaa ingikataukuvlugu. Inuglu tamna taimaliuktuk. 2-3Talva Boasim Bethlehemiun ataningita ilait kulit kaitkuyain tapkuatauk ingikataukuvlugit taikani. Tamangmik inginmata Boasim ilaguhini ukautiyaa, “Naomi ilaa Moabmiun nunangaanin utekhimagami ilaguhipta Elimelekim nautivia nanminigihimayaa niuvgutigiyumalektagaluangaguk. 4Taimaitumik Naomi piyumalengman ihumahakhiuktukhaugaluaktutin tapfuminga tayya. Takki tamna nauttivik piyumagungni niuvegiaktugung ukua angutit ikhivayun takuangni. Piyumangitgungnilunin ukagin pitkuhiptigun hivulliuktukhaugaluakutin niuvegiangnik ilaguhegigangni Elimelek uvanmnin. Piyumangitgungnili ilaa piniagiga uvanga.”
Inugli kiuyuk, “Niuvegumayagaluaga tamna.”
5Talva Boas ukangmiyuk inungmun, “Nautivik tamna niuvegungni Naomimin atautikun nuliagiyakhagiyan Ruth Moabmiutak nautivik nanminigiyauhimakuvlugu Elimelekim kingullianun.”
6Inugli kiungmiyuk ukakhuni, “Taimaliuktukhauguma niuveglimaitaga nauttivik kitungama nanminima kinguvakhagiyunaimayyuk. Takki Boas niuvegiagun piyumanginapku.”
7Tapfumani Israelmiun pitkuhikakpaktun imaitumik, Inuit niuvegagamik humillika niuvgutigivlugitlu pikutini niuvegiamingnik naunaekhimakatakpaktun naamayumik. Taimaliugamik inuk niuvgutiugumi humillika kamiegluni aipanik kamiminik tunivaga niuvektuk naunaikutagivlugu angektuni.
8Talva inuk pikuigami niuvekuvlugu nautivik tamna niuvektaukuvlugu Boasmun kamiektuk tunivlugu kamini tapfumunga. 9Taimaliungman Boasim atanengit katimayunlu allat ukautiyain, “Uvlumi tamapfi ilihimalektuhi Naomium Elimelekim, engningatalu, Kilion Maklonlu, pikutainik niuvektainagama. 10Aahin Ruth Moabmiutak uikhakhimayugaluak Maklonmik tukutinagu nuliaginiaktaga. Taimaliungniagama nautiak tamna nanminigiyauhimangniaktuk Elimelekim kingullianun. Talvuna kingullingit nungutitauyunaektun nunamini. Uminga ilihimalekaluaktuhi uvlumi.”
11Atanitlu allatlu angekhutik ukaktun, “Ilihimalektugut ilumun. Ataneglu pipkaili nulian Racheltun Leahtunlu nutagahakpangmanik amihumik Jacobtun. Aahin ikayuktauguvin Godmin Efrathkuni Bethlehemitumi naamakpayyavutin manigiekhutinlu nagugiyaulutillu inungni. 12Aahin nuliaginiaktan nutagakakli amihunik, kingullin Pereskutun-iliyyavan, tapfuma angayukaak nutagakangmatik malgiangnik.”
Boas Kingullingitlu
13Talva Boasim Ruth aivaktaa nuliagivlugulu. Godimlu kuviahutigimani angnak nutaginikpaktuk angutinuamik. 14Angnaitlu allat Naomimun ukallaktun, Atanek kuyagilugu, tapfuma tunimatin ingutamik ikayuktikhanik. Inuhuktunuak inengningugumi nagunahugiyauli Israelmiuni. 15Engnikaguvinlunin 7-nik tapkunanga ikayuktaukiyaulimaigaluakkutin Ruthmin tamna ikayukatauvangman ilingnik nagugihimavlutin akhunlu. Talva ukuavit ingutangniktitpagaatin inuyyutikhakakuvlutin akuakpallaaniaguvin. 16Talva Naomi nutagamik tiguhiyuk ekittugu munagivlugulu talvangaanin.
17Angnaitlu nuakatigit attekpagaat inuhuktunuak Obedmik, uniuyyivlutik inungnik, “Naomi ingutangniktainaktuk.”
Obedim Jesse engnigiyaa, Jessemlu David engnigiyaa.
18-22Persim kingullingit ilangat David tikittugu atikakpaktun imaitumik, Peres, Hesronlu, Ramlu, Amminadablu, Nahshonlu, Salmonlu, Boaslu, Obedlu, Jesselu, Davidlutauk.
လက္ရွိေရြးခ်ယ္ထားမွု
Ruth 4: Sperry
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©1972 Canadian Bible Society