ᒉᓂᓯᐢ 32
32
1ᒉᑲᑊ ᒫᑲ ᑭ ᐊᑎ ᓯᐯᐧᑌᐤ, ᐊᓂᐦᐃ ᒫᑲ ᐅᑭᓯᑯᒥᔨᐊᐧ ᑭᓭᒪᓂᑐᐊᐧ ᑭ ᓇᑭᐢᑳᐠ. 2ᐃᐢᐱ ᒫᑲ ᒉᑲᑊ ᐃᐧᔮᐸᒫᐟ, ᐅᒥᓯ ᑭ ᐃᑌᐧᐤ, ᐁᐊᐧᑯᓂ ᐅᐦᐃ ᑭᓭᒪᓂᑐ ᐅᐟ ᐃᐦᑕᓯᒪ; ᒣᐦᐋᓀᐃᒼ ᒫᑲ ᑭ ᐃᓯᔨᐦᑳᑕᒼ ᐁᑯᑕ.
3ᒉᑲᑊ ᒫᑲ ᓂᑳᐣ ᑭ ᐃᓯᑎᓴᐦᐊᒪᐁᐤ ᐅᑖᒋᒧᐊᐧ ᐃᓵᐊᐧ ᐅᒋᐋᐧᒪ ᓯᔭᕒ ᐊᐢᑭᕽ ᐃᓯ, ᐊᓂᑕ ᐃᑕᒼ ᐅᐟ ᐊᐢᑭᕽ. 4ᑭ ᐃᑕᓱᐋᑌᐤ ᒫᑲ ᐅᒥᓯ ᐁ ᐃᑖᐟ, ᐁᑯᓯ ᐅᒪ ᑫ ᐃᑕᐟ ᓂᐟ ᐅᑭᒫᒼ ᐃᓵ, ᐅᒥᓯ ᐃᑌᐧᐤ ᑭᐟ ᐊᑐᐢᑫᔮᑲᐣ ᒉᑲᑊ, ᓂ ᑭ ᐃᐧᒋᐊᔮᒪᐤ ᓬᐁᐹᐣ, ᒥᓇ ᐁᑯᑌ ᓂ ᑭ ᐊᔮᐣ ᐱᔨᐢ ᐊᓄᐦᐨ, 5ᓂᐟ ᐊᔮᐋᐧᐊᐧᐠ ᒫᑲ ᒧᐢᑐᓴᐧᐠ, ᓱᓱᒥᐢᑕᑎᒪᐧᐠ, ᒫᔭᑎᐦᑲᐧᐠ, ᓈᐯᐊᐧᑐᐢᑫᔮᑲᓇᐠ ᒥᓇ ᐃᐢᑫᐧᐊᐧᑐᐢᑫᔮᑲᓇᐠ; ᓂᐟ ᐃᓯᑎᓴᐦᐅᐋᐧᐣ ᒫᑲ ᑭᑕ ᐃᐧᐦᑕᒫᐦᐟ ᓂᐟ ᐅᑭᒫᒼ, ᑭᑕ ᐃᐧ ᒥᐢᑲᒫᐣ ᑭ ᒥᔪ ᑭᑖᐸᑫᐃᐧᐣ.
6ᐊᓂᑭ ᒫᑲ ᐅᑖᒋᒧᐊᐧᐠ ᑳᐃᐧ ᑭ ᐯ ᐅᑎᐦᑌᐊᐧᐠ ᒉᑲᐸ, ᐅᒥᓯ ᐁ ᐃᑖᒋᐠ, ᓂ ᑭ ᐅᑎᐦᑖᓈᐣ ᑭᒋᐋᐧᒼ ᐃᓵ, ᐁᑯᓯ ᒫᑲ ᑭ ᐯ ᓇᑕᐃᐧ ᓇᑯᐢᑳᐠ, ᓀᐋᐧᐤ ᒥᑖᐦᑐᒥᑕᓇᐤ ᓈᐯᐊᐧ ᐁ ᐯ ᐃᐧᒉᐋᐧᐟ. 7ᒉᑲᑊ ᒫᑲ ᒥᐢᑕᐦᐃ ᑭ ᓭᑭᓯᐤ ᒥᓇ ᑭ ᒥᑯᐢᑳᑌᔨᑕᒼ, ᑭ ᓂᓴᐧᔭᑭᐦᐁᐤ ᒫᑲ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᒥᓇ ᒫᔭᑎᐦᑲᐧ, ᒥᓇ ᐊᐊᐧᑳᓇ, ᒥᓇ ᐱᐢᑳᐧᐃᐧᑲᓇ, ᓂᓴᐧᔭᐠ ᑭᑕ ᐱᒧᐦᑌᔨᐟ. 8ᐅᒥᓯ ᐁ ᑭ ᐃᑌᐧᐟ, ᑭᐢᐱᐣ ᐃᓵ ᐅᑎᐦᑖᒋ ᐯᔭᑲᐧᔭᐠ ᐁᑯᓯ ᓂᐸᐦᐋᒋ, ᑯᑕᑭᐠ ᑳ ᐃᐢᑯᐃᐦᒋᐠ ᑭᑕ ᐸᐢᐱᐊᐧᐠ.
9ᒉᑲᑊ ᒫᑲ ᑭ ᐃᑌᐧᐤ, ᑭᔭ ᐅ ᑭᓭᒪᓂᑐᒪ ᓄᑖᐃᐧ ᐁᑊᕒᐁᐋᒼ, ᒥᓇ ᐅ ᑭᓭᒪᓂᑐᒪ ᓄᑖᐃᐧ ᐋᐃᓴᐠ, ᑌᐯᔨᐦᒋᑫᔭᐣ, ᑳ ᑭ ᐃᓯᔭᐣ ᑭᐁᐧ ᑭᐟ ᐊᐢᑭᕽ ᒥᓇ ᓇᑕᐋᐧᐹᒥᐠ ᑭ ᐋᐧᑯᒫᑲᓇᐠ, ᑲᐧᔭᐢᐠ ᒫᑲ ᑭ ᑲ ᑐᑖᑎᐣ. 10ᓇᒪᐋᐧᐨ ᓂ ᑌᐱᑲᐢᑭᑕᒫᓱᐣ ᑳ ᒫᐊᐧᒋ ᐊᐱᐢᑌᔨᑖᑲᐧᕽ ᑭᓭᐋᐧᑎᓯᐃᐧᐣ, ᒥᓇ ᑲᐦᑭᔭᐤ ᑖᐯᐧᐃᐧᐣ ᑳ ᑭ ᐃᓯ ᐋᐧᐸᐦᑕᐊᐟ ᑭᐟ ᐊᑐᐢᑫᔮᑲᐣ; ᒋᑫᒫ ᓂᓴᐢᑲᐅᐣ ᐱᑯ ᐁ ᑕᐦᑯᓇᒫᐣ ᓂ ᑭ ᐊᓱᐊᐧᐁᐣ ᐅᒪ ᒑᕒᑕᐣ, ᐁᑲᐧ ᒫᑲ ᓂᓴᐧᔭᐠ ᓂ ᐱᒥ ᒥᐦᒉᑎᐣ. 11ᐸᐢᐯᐃᐣ ᑭ ᐸᑯᓭᔨᒥᑎᐣ ᐅᒋᐦᒋᕽ ᓂᒋᐋᐧᒼ, ᐅᒋᐦᒋᕽ ᐅᐦᒋ ᐃᓵ; ᒋᑫᒫ ᓂ ᑯᐢᑖᐤ, ᓂᐟ ᐊᐢᑖᓯᐣ ᑭᑕ ᐯ ᓂᐸᐃᐟ, ᒥᓇ ᐅᐦᐃ ᐅᑳᐃᐧᒫᐊᐧ ᐊᓯᒋ ᐊᐋᐧᓯᓴ. 12#ᒉᓂᓯᐢ 22:17ᒥᓇ ᑭ ᑭ ᐃᑖᐧᐣ, ᑫᐦᒋᓈ ᑭ ᑲ ᒥᔪᑐᑖᑎᐣ, ᒥᓇ ᓂ ᑲ ᐃᓯᐦᐋᐊᐧᐠ ᑭᐟ ᐊᐋᐧᓯᒥᓴᐠ ᑖᐱᐢᑯᐨ ᔦᑲᐤ ᑭᐦᒋᑲᒥᕽ, ᐁᑳ ᑭᑕ ᑭ ᐊᑭᒥᐦᒋᐠ ᑫ ᐃᐢᐱᐦᒋ ᐅᓵᒣᔭᑎᒋᐠ.
13ᐁᑯᑕ ᒫᑲ ᑭ ᑲᐯᓯᐤ ᐁᐊᐧᑯ ᐁ ᑎᐱᐢᑳᔨᐠ; ᐁ ᑭ ᐅᑎᓈᐟ ᒫᑲ ᐊᓂᐦᐃ ᐁ ᐯᐱᒥ ᐊᔮᔨᐟ ᑭᑕ ᒥᔮᐟ ᐅᒋᐋᐧᒪ ᐃᓵᐊᐧ. 14ᓂᓵᐧᐤ ᒥᑖᐦᑐᒥᑕᓇᐤ ᐅᓂᒑᓂ ᐋᐧᐸᑎᑲᐧ, ᓂᓯᑕᓇᐤ ᔮᐯ ᐋᐧᐸᑎᑲᐧ, ᓂᓵᐧᐤ ᒥᑖᐦᑐᒥᑕᓇᐤ ᐅᓂᒑᓂ ᒫᔭᑎᐦᑲᐧ, ᒥᓇ ᓂᓯᑕᓇᐤ ᔮᐯᒫᔭᑎᑲᐧ. 15ᓂᐢᑐᒥᑕᓇᐤ ᔨᑭᓂᑲᓂ ᐱᐢᑳᐧᐃᐧᑲᓇ, ᐊᓯᒋ ᐅᐟ ᐊᐋᐧᓯᒥᓯᔨᐊᐧ, ᓀᒥᑕᓇᐤ ᐅᓂᒑᓂ ᒧᐢᑐᓴᐧ, ᒥᑖᑕᐦᐟ ᑕᑳᐧᓈᐊᐧ, ᓂᓯᑕᓇᐤ ᓄᓭ ᓱᓱᒥᐢᑕᑎᒪᐧ, ᒥᑖᑕᐦᐟ ᓱᓱᒥᐢᑕᑎᒧᓯᓴ. 16ᑭ ᐸᑭᑎᓀᐤ ᒫᑲ ᐅᒋᐦᒋᔨᕽ ᐅᐟ ᐊᑐᐢᑫᔮᑲᓇ, ᐹᐸᑳᐣ ᑭᑕ ᐊᑎ ᐊᐢᑳᐧᑐᔨᐟ, ᐅᒥᓯ ᒫᑲ ᐁ ᑭ ᐃᑖᐟ ᐅᐟ ᐊᑐᐢᑫᔮᑲᓇ, ᐊᑎ ᓂᑳᓄᑕᐃᐧᐠ, ᐋᔮᐢᐱᐢ ᒫᑲ ᑭᑕ ᐊᑎ ᐋᔭᐢᑳᐧᑐᔦᐠ, 17ᑭ ᐃᑕᓱᐋᐧᑌᐤ ᒫᑲ ᑳ ᓂᑳᓄᑌᔨᐟ, ᐅᒥᓯ ᐁ ᐃᑖᐟ, ᐃᐢᐱ ᓂᒋᐋᐧᒼ ᐃᓵ ᓇᑭᐢᑳᐢᑭ, ᒥᓇ ᑲᑫᐧᒋᒥᐢᑭ ᐅᒥᓯ ᐃᑌᐧᒋ, ᐊᐁᐧᓇ ᑌᐯᔨᒥᐢᐠ, ᒥᓇ ᑖᓂᑌ ᐁᑐᐦᑌᔭᐣ? ᒥᓇ ᐊᐁᐧᓇ ᐅᐟ ᐊᔮᓇ ᐅᐦᐃ ᑳ ᔭᑭᑎᓴᐅᒪᐠ? 18ᐅᒥᓯ ᑭ ᑲ ᐃᑖᐧᐣ, ᑭᐟ ᐊᑐᐢᑫᔮᑲᐣ ᒉᑲᑊ ᐅᐦᐃ ᐅᐟ ᐊᔮᓇ; ᒣᑭᐃᐧᐣ ᒫᑲ ᐁ ᐯ ᐃᓯᑎᓴᐦᐊᒫᐦᐟ ᓂᐟ ᐅᑭᒫᒼ ᐃᓵ; ᒋᐢᐟ ᒫᑲ ᐃᐧᐢᑕ ᐅᑖᕽ ᐯ ᐊᔮᐤ. 19ᐁᑯᓯ ᒫᑲ ᑳ ᐃᑕᓱᐋᐧᑖᐟ ᑳ ᐊᐢᑯᐋᐧᔨᐟ, ᒥᓇ ᐊᓂᐦᐃ ᐊᑎ ᐋᐊᐢᑯᐦᐨ, ᒥᓇ ᑲᐦᑭᔭᐤ ᐊᓂᐦᐃ ᑳ ᔭᑭᑎᓴᐋᐧᔨᐠ, ᐅᒥᓯ ᐁ ᑭ ᐃᑖᐟ, ᐁᑯᓯ ᐅᒪ ᑫ ᐃᑖᔦᐠ ᐃᓵ ᐃᐢᐱ ᓇᑭᐢᑲᐊᐧᔦᑯ. 20ᒥᓇ ᒫᑲ ᐊᑎ ᐃᑌᐧᑫᐠ, ᒫᑎᑲ ᑭᐟ ᐊᑐᐢᑫᔮᑲᐣ ᒉᑲᑊ ᐅᑖᕽ ᐯ ᐊᔮᐤ. ᒋᑫᒫ ᑭ ᐃᑌᐧᐤ, ᓂ ᑲ ᒥᔪᔭᐁᐧᐋᐤ ᐊᓂᐦᐃ ᒣᑭᐃᐧᓇ ᐅᐦᒋ ᑳ ᓂᑳᓄᑖᑯᐊᐧᐠ, ᒣᐧᐢᑕᐢ ᐃᔨᑯᕽ ᒫᑲ ᐁᑲᐧ ᑫ ᐋᐧᐸᒪᐠ, ᒫᐢᑯᐨ ᐁᑐᑫ ᓂ ᑲ ᒥᔪ ᑲᓇᐋᐧᐸᒥᐠ. 21ᐁᑯᓯ ᑳ ᐃᓯ ᓂᑳᓄᑖᑯᐟ ᐅ ᒣᑭᐃᐧᐣ; ᐃᐧᔭ ᒫᑲ ᑲᐯᑎᐱᐢᐠ ᑭ ᐊᔮᐤ ᐃᑕ ᐁ ᐊᔮᔨᐟ ᑳ ᒥᐦᒉᑎᔨᐟ.
22ᑭ ᐊᐧᓂᐢᑳᐤ ᒫᑲ ᐁᑯᐢᐱ ᐁ ᑎᐱᐢᑳᔨᐠ, ᐁ ᑭ ᐅᑎ ᐅᑎᓈᐟ ᑳ ᓂᓯᔨᐟ ᐃᐧᐊᐧ ᒥᓇ ᑳ ᓂᓯᔨᐟ ᐅᐟ ᐊᑐᐢᑫᔮᑲᓂᐢᑫᐧᒪ, ᒥᓇ ᒥᑖᑕᐦᐟ ᐯᔭᑯᓵᑊ ᑳ ᐃᐦᑕᓯᔨᐟ ᐅᑯᓯᓴ, ᐁᑯᓯ ᐁ ᑭ ᐋᓱᐊᐧᑳᓯᐟ ᐊᓂᒪ ᒑᐸᐠ ᐋᓱᐊᐧᑳᓯᐃᐧᐣ. 23ᑭ ᐅᑎᓀᐤ ᒫᑲ ᐁ ᑭ ᐊᓱᐊᐧᑳᒣᑎᓴᐋᐧᐟ ᓯᐱᓯᓯᕽ, ᒥᓇ ᐁ ᑭ ᐋᓱᐊᐧᑳᒣᑎᓴᐊᕽ ᑲᐦᑭᔭᐤ ᑫᑲᐧᐩ ᑳ ᐊᔮᐟ.
24 #
ᐦᐋᓯᔭ 12:3,4 ᑭ ᐯᔭᑯᐢᑲᑖᐤ ᒫᑲ ᒉᑲᑊ; ᐁᑯᑕ ᒫᑲ ᑭ ᒫᓯᐃᐠ ᓈᐯᐊᐧ ᐱᔨᐢ ᐁ ᐯᑖᐸᓂᔨᐠ. 25ᐃᐢᐱ ᒫᑲ ᐃᐧᔮᐸᐦᑕᒥᔨᐟ ᐁᑳ ᐁ ᑭ ᓵᑯᐦᐃᑯᐟ, ᑭ ᓵᒥᓇᒥᔨᐊᐧ ᐅᑐᑲᐣ; ᒉᑲᑊ ᒫᑲ ᑭ ᑯᑎᑯᐸᔨᔨᐤ ᐅᑐᑲᐣ ᒣᑳᐧᐨ ᐁ ᒫᓯᐋᐟ. 26ᑭ ᐃᑎᐠ ᒫᑲ, ᐸᑭᑎᓂᐣ ᑭᑕ ᓯᐯᐧᑌᔮᐣ, ᒋᑫᒫ ᓵᓴᐩ ᐯᑖᐸᐣ. ᑭ ᐃᑌᐤ ᒫᑲ, ᓇᒪᐃᐧᔭ ᑭ ᑲ ᐸᑭᑎᓂᑎᐣ ᐹᑎᒫ ᐱᑯ ᓴᐁᐧᔨᒥᔭᓂ. 27ᐅᒥᓯ ᒫᑲ ᑭ ᐃᑎᐠ, ᑖᓂᓯ ᐁᓯᔨᑳᓱᔭᐣ? ᑭ ᐃᑌᐧᐤ ᒫᑲ, ᒉᑲᑊ. 28#ᒉᓂᓯᐢ 35:10ᐁᑯᓯ ᑭ ᐃᑎᐠ, ᓇᒪᐃᐧᔭ ᐁᑲᐧ ᒉᑲᑊ ᑭ ᑲ ᐃᓯᔨᐦᑳᓱᐣ, ᒫᑲ ᐃᐢᕒᐁᐃᓬ; ᒋᑫᒫ ᑖᐱᐢᑯᐨ ᑭᐦᒋ ᐅᑭᒫᐤ ᑭᐟ ᐃᓯ ᑲᐢᑭᐦᐁᐃᐧᓯᐢᑕᐋᐧᐤ ᑭᓭᒪᓂᑐ ᒥᓇ ᐊᔨᓯᔨᓂᐊᐧᐠ ᒥᓇ ᐁ ᑭ ᓵᑯᑖᐧᔭᐣ. 29#ᐅᔭᓱᐁᐧᐊᐧᐠ 13:17,18ᒉᑲᑊ ᒫᑲ ᑭ ᑲᑫᐧᒋᒣᐤ ᐅᒥᓯ ᐁ ᑭ ᐃᑖᐟ, ᐃᐧᐦᑕᒪᐃᐧᐣ ᑭ ᐸᑯᓭᔨᒥᑎᐣ ᐁᓯᔨᑳᓱᔮᐣ. ᑭ ᐃᑎᐠ ᒫᑲ, ᑫᑲᐧᐩ ᐅᐦᒋ ᑳ ᑲᑭᐧᒋᒥᔭᐣ ᐁᓯᔨᑳᓱᔮᐣ? ᐁᑯᑕ ᒫᑲ ᑭ ᓴᐁᐧᔨᒥᐠ. 30ᒉᑲᑊ ᒫᑲ ᐱᓈᔭᓬ ᑭ ᐃᓯᔨᐦᑳᑕᒼ ᐁᑯᑕ; ᒋᑫᒫ, ᑭ ᐃᑌᐧᐤ, ᒧᓯᐢ ᐅᑳᐧᑲᓂᕽ ᓂ ᑭ ᐋᐧᐸᒫᐤ ᑭᓭᒪᓂᑐ ᐁᑯᓯ ᐁᔨᐁᐧᕽ ᐁ ᐱᒫᑎᓯᔮᐣ. 31ᐁ ᐊᑎ ᓇᑲᑕᕽ ᒫᑲ ᐯᓄᐃᓬ ᑭ ᐊᑎ ᓵᑳᐢᑌᐢᑳᐠ ᐱᓯᒪᐧ, ᑭ ᒫᐢᑭᐸᔨᐤ ᒫᑲ ᐅᑐᑲᓂᕽ. 32ᐁᐊᐧᑯ ᒫᑲ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐃᐧᔭ ᒥᒋᐊᐧᐠ ᐅᒉᐢᑕᑖᐩ ᑳ ᐅᒋᐸᔨᐠ, ᐊᓂᑕ ᐅᐸᐧᒣᐊᐧᑯᕽ, ᐱᔨᐢ ᐊᓄᐦᐨ ᑳ ᑭᓯᑳᐠ; ᒋᑫᒫ ᑭ ᓵᒥᓇᒣᐧᐤ ᒉᑲᐸ ᐅᑐᑲᓂᔨᐤ ᐁ ᐅᒉᐢᑕᑖᐊᐧᓂᔨᐟ ᑳ ᐅᒋᐸᔨᔨᐠ.
လက္ရွိေရြးခ်ယ္ထားမွု
ᒉᓂᓯᐢ 32: KKMs
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.