LUCAS 23
23
Si Jesus sa Atubangan ni Pilato
(Mat. 27:1-2, 11-14; Mar. 15:1-5; Juan 18:28-38)
1Unya mitindog ang tibuok panon ug ilang gidala si Jesus sa atubangan ni Pilato. 2Sila misugod sa pagsumbong batok kaniya, nga nag-ingon, “Kining tawhana among nakita nga nagpahisalaag sa atong nasod, ug nagdili kanamo sa paghatag ug buhis kang Cesar, ug nag-ingon nga siya si Cristo, usa ka hari.” 3Unya si Pilato nangutana kaniya, “Ikaw ba ang Hari sa mga Judio?” Siya mitubag kaniya, “Ikaw ang nag-ingon.” 4Ug si Pilato miingon sa mga pangulong pari ug sa pundok sa katawhan, “Wala akoy nakitang sala niining tawhana.” 5Apan namugos sila nga nag-ingon, “Iyang gigubot ang mga tawo sa iyang pagtudlo kanila sa tibuok Judea, gikan sa Galilea hangtod pa gani dinhing dapita.”
Si Jesus sa Atubangan ni Herodes
6Sa pagkadungog ni Pilato niini, siya nangutana kon ang tawo Galileanhon ba. 7Ug sa pagkahibalo ni Pilato nga si Jesus nasakop sa kagahom ni Herodes, gipadala niya siya ngadto kang Herodes nga diha ra usab sa Jerusalem niadtong panahona. 8Sa pagkakita ni Herodes kang Jesus, siya nalipay kay dugay na man siyang nagtinguha sa pagpakigkita kaniya, kay nakadungog man siya mahitungod kaniya. Ug naglaom siya nga makakita ug mga milagro nga buhaton ni Jesus. 9Busa iyang gipangutana si Jesus sulod sa taas nga panahon, apan wala siyay gitubag kaniya. 10Unya ang mga pangulong pari ug ang mga eskriba mitindog, mainitong mihimo ug sumbong batok kaniya. 11Ug si Herodes, uban sa iyang mga sundalo, mitamay ug mibiaybiay kaniya, ug sa nasul-oban na siya ug mahalon nga bisti, gipadala siya ni Herodes balik kang Pilato. 12Ug niadtong adlawa si Herodes ug si Pilato nagkauli sa ilang paghigalaay, kay sa wala pa kini, nagkaaway man sila.
Si Jesus Gihukman nga Patyon
(Mat. 27:15-26; Mar. 15:6-15; Juan 18:38–19:16)
13Unya gipatigom ni Pilato ang mga pangulong pari ug ang mga pangulo ug ang katawhan, 14ug miingon siya kanila, “Gidad-an ninyo ako niining tawhana sa sumbong nga siya nagpahisalaag sa mga tawo. Ug human nako siya masukitsukit sa inyong atubangan, wala nako makita nga siya sad-an sa inyong mga gisumbong batok kaniya. 15Wala usab si Herodes, kay iya mang giuli siya kanato. Tan-awa, walay bisan unsa nga nabuhat niya nga angay sa kamatayon; 16busa akong ipakastigo siya ug unya buhian.”#23:16 Ang ubang karaang sinulat nagdugang ug bersikulo 17, Ug sa matag kasaulogan, kinahanglan nga iyang buhian ngadto kanila ang usa ka binilanggo. Ang uban human sa bersikulo 19.
18Apan silang tanan nagdungan sa pagsinggit nga nag-ingon, “Kuhaa kining tawhana, ug buhii ngari kanamo si Barabas.” 19Kini si Barabas usa ka tawo nga gibilanggo tungod sa iyang pagpanggubot sa siyudad, ug tungod sa pagpamatay. 20Ug si Pilato misulti kanila pag-usab, nga nagtinguha sa pagbuhi kang Jesus, 21apan sila misinggit nga nag-ingon, “Ilansang siya, ilansang siya sa krus!” 22Ug siya miingon kanila sa ikatulong higayon, “Kay ngano man, unsa bay iyang nabuhat nga daotan? Wala akoy nakitang sala kaniya nga angay sa kamatayon, busa ipakastigo nako siya ug buhian.” 23Apan mapugsanon silang nangayo uban ang kusog nga singgit nga kinahanglang ilansang siya sa krus. Ug ang ilang mga tingog natuman. 24Busa si Pilato mipakanaog sa iyang hukom nga itugot ang ilang gipangayo. 25Ug iyang gibuhian ang tawo nga gibilanggo tungod sa pagpanggubot ug sa pagpamatay, apan si Jesus iyang gitugyan ngadto sa ilang pagbuot.
Si Jesus Gilansang sa Krus
(Mat. 27:32-56; Mar. 15:21-41; Juan 19:17-30)
26Samtang gidala nila siya sa gawas, ilang gidakop si Simon nga taga-Cirene nga miabot gikan sa balangay, ug ilang gibutang kaniya ang krus aron pas-anon sunod kang Jesus. 27Ug misunod kaniya ang usa ka dakong panon sa katawhan ug mga babaye nga nanghilak ug nagminatay tungod kaniya. 28Apan si Jesus sa iyang paglingi miingon kanila, “Mga anak nga babaye sa Jerusalem, ayaw kamo panghilak tungod kanako, hinuon panghilak kamo tungod sa inyong kaugalingon ug tungod sa inyong mga anak. 29Kay tan-awa, ang mga adlaw moabot nga sila moingon, ‘Bulahan ang mga dili manganak, ug ang mga taguangkan nga wala magsamkon, ug ang mga suso nga wala kasusohi!’ 30#Hos. 10:8; Pin. 6:16. Unya mosugod sila sa pag-ingon ngadto sa mga bukid, ‘Tumpagi kami’ ug ngadto sa mga bungtod, ‘Taboni kami.’ 31Kon ila kining buhaton sa diha nga ang kahoy buhi pa, unsa man kahay mahitabo sa diha nga kini laya na?”
32Ug laing duha usab ka mga kriminal gidala aron patyon uban kaniya. 33Ug sa pag-abot nila sa dapit nga ginganlan ug Ang Kalabera, didto ilang gilansang siya sa krus, ug ang mga kriminal, ang usa sa iyang tuo ug ang usa sa iyang wala. 34#Sal. 22:18. Unya si Jesus miingon, “Amahan, pasayloa sila, kay wala sila masayod sa ilang gibuhat.”#23:34 Unya si Jesus…sa ilang gibuhat: Ang ubang karaang sinulat wala niini. Ug ilang giripahan ang iyang mga bisti aron sa pagbahin niini. 35#Sal. 22:7. Ug ang mga tawo nagtindog nga nagtan-aw, apan ang mga pangulo nagbugalbugal kaniya, nga nag-ingon, “Giluwas niya ang uban, ipaluwas niya ang iyang kaugalingon kon siya mao man ang Cristo sa Dios, ang iyang Pinili!” 36#Sal. 69:21. Ug siya gibugalbugalan usab sa mga sundalo nga miduol ug mihatag kaniya ug aslom nga bino, 37ug nag-ingon, “Kon ikaw ang Hari sa mga Judio, luwasa ang imong kaugalingon!” 38Ug sa ibabaw niya may usa ka sinulat: “Kini mao ang Hari sa mga Judio.”
39Unya usa sa mga kriminal nga gibitay mibugalbugal kaniya sa pagsulti nga nag-ingon, “Dili ba ikaw man ang Cristo? Luwasa ang imong kaugalingon ug kami!” 40Apan ang usa mitubag sa pagbadlong kaniya, “Wala ba ikaw mahadlok sa Dios, nga anaa ka man unta sa mao rang silot? 41Kining atong kahimtang makatarunganon gayod kay kita nagdawat man sa angay nga balos sa atong mga binuhatan, apan kining tawhana walay nabuhat nga daotan.” 42Ug siya miingon, “Jesus, hinumdomi ako inig-abot nimo sa imong gingharian.” 43Ug si Jesus mitubag kaniya, “Sa pagkatinuod, sultihan ko ikaw, nga karong adlawa adto ikaw sa Paraiso uban kanako.”
44Hapit na kadto moabot ang udtong tutok,#23:44 UDTONG TUTOK: Sa Grego, ikaunom nga takna. Ang ilang pag-ihap sa takna nagsugod sa pagsilang sa adlaw. unya mingitngit ang tibuok kayutaan hangtod sa ikatulong takna sa hapon,#23:44 ikatulong takna sa hapon: Sa Grego, ikasiyam nga takna. 45#Ex. 26:31-33. kay ang kahayag sa adlaw nawala. Ug ang tabil sa Templo nagisi nga natunga. 46#Sal. 31:5. Unya si Jesus misinggit sa kusog nga tingog nga nag-ingon, “Amahan, nganha sa imong mga kamot itugyan nako ang akong espiritu!” Ug sa nakasulti siya niini, nabugto ang iyang gininhawa. 47Sa nakita sa kapitan ang nahitabo, siya midayeg sa Dios ug miingon, “Tinuod gayod nga kining tawhana dili sad-an!” 48Ug ang panon sa katawhan nga mitapok aron pagtan-aw niini, sa ilang pagkakita sa nahitabo, mipauli nga namukpok sa ilang mga dughan. 49#Luc. 8:2-3. Unya ang tanan niyang mga kaila ug ang mga babaye nga misunod kaniya sukad pa sa Galilea, nagtindog sa layo ug nakakita niining mga butanga.
Ang Paglubong kang Jesus
(Mat. 27:57-61; Mar. 15:42-47; Juan 19:38-42)
50Ug dihay usa ka tawo nga ginganlan ug Jose nga taga-Arimatea, usa ka lungsod sa mga Judio. Siya sakop sa Sanhedrin, maayo ug matarong nga tawo. 51Siya wala mouyon sa ilang katuyoan ug binuhatan, ug siya nagpaabot sa gingharian sa Dios. 52Kining tawhana miadto kang Pilato ug gipangayo niya ang lawas ni Jesus. 53Ug kini iyang gikuha ug giputos niya ug panapton nga lino, ug gibutang sa usa ka lubnganan nga gilungag diha sa bato nga wala pa gayod kalubngi. 54Adlaw kadto sa Pagpangandam ug hapit na gayod magsugod ang Adlaw nga Igpapahulay. 55Ug misunod ang mga babaye nga mikuyog kaniya sukad pa sa Galilea, ug ilang nakita ang lubnganan, ug kon giunsa sa pagpahiluna ang iyang lawas. 56#Ex. 20:10; Deut. 5:14. Unya mipauli sila ug nag-andam ug mga pahumot ug mga haplas.
Sa adlaw nga igpapahulay, mipahulay sila sumala sa kasugoan.
လက္ရွိေရြးခ်ယ္ထားမွု
LUCAS 23: ABCEB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Philippine Bible Society, 2011
LUCAS 23
23
Si Jesus sa Atubangan ni Pilato
(Mat. 27:1-2, 11-14; Mar. 15:1-5; Juan 18:28-38)
1Unya mitindog ang tibuok panon ug ilang gidala si Jesus sa atubangan ni Pilato. 2Sila misugod sa pagsumbong batok kaniya, nga nag-ingon, “Kining tawhana among nakita nga nagpahisalaag sa atong nasod, ug nagdili kanamo sa paghatag ug buhis kang Cesar, ug nag-ingon nga siya si Cristo, usa ka hari.” 3Unya si Pilato nangutana kaniya, “Ikaw ba ang Hari sa mga Judio?” Siya mitubag kaniya, “Ikaw ang nag-ingon.” 4Ug si Pilato miingon sa mga pangulong pari ug sa pundok sa katawhan, “Wala akoy nakitang sala niining tawhana.” 5Apan namugos sila nga nag-ingon, “Iyang gigubot ang mga tawo sa iyang pagtudlo kanila sa tibuok Judea, gikan sa Galilea hangtod pa gani dinhing dapita.”
Si Jesus sa Atubangan ni Herodes
6Sa pagkadungog ni Pilato niini, siya nangutana kon ang tawo Galileanhon ba. 7Ug sa pagkahibalo ni Pilato nga si Jesus nasakop sa kagahom ni Herodes, gipadala niya siya ngadto kang Herodes nga diha ra usab sa Jerusalem niadtong panahona. 8Sa pagkakita ni Herodes kang Jesus, siya nalipay kay dugay na man siyang nagtinguha sa pagpakigkita kaniya, kay nakadungog man siya mahitungod kaniya. Ug naglaom siya nga makakita ug mga milagro nga buhaton ni Jesus. 9Busa iyang gipangutana si Jesus sulod sa taas nga panahon, apan wala siyay gitubag kaniya. 10Unya ang mga pangulong pari ug ang mga eskriba mitindog, mainitong mihimo ug sumbong batok kaniya. 11Ug si Herodes, uban sa iyang mga sundalo, mitamay ug mibiaybiay kaniya, ug sa nasul-oban na siya ug mahalon nga bisti, gipadala siya ni Herodes balik kang Pilato. 12Ug niadtong adlawa si Herodes ug si Pilato nagkauli sa ilang paghigalaay, kay sa wala pa kini, nagkaaway man sila.
Si Jesus Gihukman nga Patyon
(Mat. 27:15-26; Mar. 15:6-15; Juan 18:38–19:16)
13Unya gipatigom ni Pilato ang mga pangulong pari ug ang mga pangulo ug ang katawhan, 14ug miingon siya kanila, “Gidad-an ninyo ako niining tawhana sa sumbong nga siya nagpahisalaag sa mga tawo. Ug human nako siya masukitsukit sa inyong atubangan, wala nako makita nga siya sad-an sa inyong mga gisumbong batok kaniya. 15Wala usab si Herodes, kay iya mang giuli siya kanato. Tan-awa, walay bisan unsa nga nabuhat niya nga angay sa kamatayon; 16busa akong ipakastigo siya ug unya buhian.”#23:16 Ang ubang karaang sinulat nagdugang ug bersikulo 17, Ug sa matag kasaulogan, kinahanglan nga iyang buhian ngadto kanila ang usa ka binilanggo. Ang uban human sa bersikulo 19.
18Apan silang tanan nagdungan sa pagsinggit nga nag-ingon, “Kuhaa kining tawhana, ug buhii ngari kanamo si Barabas.” 19Kini si Barabas usa ka tawo nga gibilanggo tungod sa iyang pagpanggubot sa siyudad, ug tungod sa pagpamatay. 20Ug si Pilato misulti kanila pag-usab, nga nagtinguha sa pagbuhi kang Jesus, 21apan sila misinggit nga nag-ingon, “Ilansang siya, ilansang siya sa krus!” 22Ug siya miingon kanila sa ikatulong higayon, “Kay ngano man, unsa bay iyang nabuhat nga daotan? Wala akoy nakitang sala kaniya nga angay sa kamatayon, busa ipakastigo nako siya ug buhian.” 23Apan mapugsanon silang nangayo uban ang kusog nga singgit nga kinahanglang ilansang siya sa krus. Ug ang ilang mga tingog natuman. 24Busa si Pilato mipakanaog sa iyang hukom nga itugot ang ilang gipangayo. 25Ug iyang gibuhian ang tawo nga gibilanggo tungod sa pagpanggubot ug sa pagpamatay, apan si Jesus iyang gitugyan ngadto sa ilang pagbuot.
Si Jesus Gilansang sa Krus
(Mat. 27:32-56; Mar. 15:21-41; Juan 19:17-30)
26Samtang gidala nila siya sa gawas, ilang gidakop si Simon nga taga-Cirene nga miabot gikan sa balangay, ug ilang gibutang kaniya ang krus aron pas-anon sunod kang Jesus. 27Ug misunod kaniya ang usa ka dakong panon sa katawhan ug mga babaye nga nanghilak ug nagminatay tungod kaniya. 28Apan si Jesus sa iyang paglingi miingon kanila, “Mga anak nga babaye sa Jerusalem, ayaw kamo panghilak tungod kanako, hinuon panghilak kamo tungod sa inyong kaugalingon ug tungod sa inyong mga anak. 29Kay tan-awa, ang mga adlaw moabot nga sila moingon, ‘Bulahan ang mga dili manganak, ug ang mga taguangkan nga wala magsamkon, ug ang mga suso nga wala kasusohi!’ 30#Hos. 10:8; Pin. 6:16. Unya mosugod sila sa pag-ingon ngadto sa mga bukid, ‘Tumpagi kami’ ug ngadto sa mga bungtod, ‘Taboni kami.’ 31Kon ila kining buhaton sa diha nga ang kahoy buhi pa, unsa man kahay mahitabo sa diha nga kini laya na?”
32Ug laing duha usab ka mga kriminal gidala aron patyon uban kaniya. 33Ug sa pag-abot nila sa dapit nga ginganlan ug Ang Kalabera, didto ilang gilansang siya sa krus, ug ang mga kriminal, ang usa sa iyang tuo ug ang usa sa iyang wala. 34#Sal. 22:18. Unya si Jesus miingon, “Amahan, pasayloa sila, kay wala sila masayod sa ilang gibuhat.”#23:34 Unya si Jesus…sa ilang gibuhat: Ang ubang karaang sinulat wala niini. Ug ilang giripahan ang iyang mga bisti aron sa pagbahin niini. 35#Sal. 22:7. Ug ang mga tawo nagtindog nga nagtan-aw, apan ang mga pangulo nagbugalbugal kaniya, nga nag-ingon, “Giluwas niya ang uban, ipaluwas niya ang iyang kaugalingon kon siya mao man ang Cristo sa Dios, ang iyang Pinili!” 36#Sal. 69:21. Ug siya gibugalbugalan usab sa mga sundalo nga miduol ug mihatag kaniya ug aslom nga bino, 37ug nag-ingon, “Kon ikaw ang Hari sa mga Judio, luwasa ang imong kaugalingon!” 38Ug sa ibabaw niya may usa ka sinulat: “Kini mao ang Hari sa mga Judio.”
39Unya usa sa mga kriminal nga gibitay mibugalbugal kaniya sa pagsulti nga nag-ingon, “Dili ba ikaw man ang Cristo? Luwasa ang imong kaugalingon ug kami!” 40Apan ang usa mitubag sa pagbadlong kaniya, “Wala ba ikaw mahadlok sa Dios, nga anaa ka man unta sa mao rang silot? 41Kining atong kahimtang makatarunganon gayod kay kita nagdawat man sa angay nga balos sa atong mga binuhatan, apan kining tawhana walay nabuhat nga daotan.” 42Ug siya miingon, “Jesus, hinumdomi ako inig-abot nimo sa imong gingharian.” 43Ug si Jesus mitubag kaniya, “Sa pagkatinuod, sultihan ko ikaw, nga karong adlawa adto ikaw sa Paraiso uban kanako.”
44Hapit na kadto moabot ang udtong tutok,#23:44 UDTONG TUTOK: Sa Grego, ikaunom nga takna. Ang ilang pag-ihap sa takna nagsugod sa pagsilang sa adlaw. unya mingitngit ang tibuok kayutaan hangtod sa ikatulong takna sa hapon,#23:44 ikatulong takna sa hapon: Sa Grego, ikasiyam nga takna. 45#Ex. 26:31-33. kay ang kahayag sa adlaw nawala. Ug ang tabil sa Templo nagisi nga natunga. 46#Sal. 31:5. Unya si Jesus misinggit sa kusog nga tingog nga nag-ingon, “Amahan, nganha sa imong mga kamot itugyan nako ang akong espiritu!” Ug sa nakasulti siya niini, nabugto ang iyang gininhawa. 47Sa nakita sa kapitan ang nahitabo, siya midayeg sa Dios ug miingon, “Tinuod gayod nga kining tawhana dili sad-an!” 48Ug ang panon sa katawhan nga mitapok aron pagtan-aw niini, sa ilang pagkakita sa nahitabo, mipauli nga namukpok sa ilang mga dughan. 49#Luc. 8:2-3. Unya ang tanan niyang mga kaila ug ang mga babaye nga misunod kaniya sukad pa sa Galilea, nagtindog sa layo ug nakakita niining mga butanga.
Ang Paglubong kang Jesus
(Mat. 27:57-61; Mar. 15:42-47; Juan 19:38-42)
50Ug dihay usa ka tawo nga ginganlan ug Jose nga taga-Arimatea, usa ka lungsod sa mga Judio. Siya sakop sa Sanhedrin, maayo ug matarong nga tawo. 51Siya wala mouyon sa ilang katuyoan ug binuhatan, ug siya nagpaabot sa gingharian sa Dios. 52Kining tawhana miadto kang Pilato ug gipangayo niya ang lawas ni Jesus. 53Ug kini iyang gikuha ug giputos niya ug panapton nga lino, ug gibutang sa usa ka lubnganan nga gilungag diha sa bato nga wala pa gayod kalubngi. 54Adlaw kadto sa Pagpangandam ug hapit na gayod magsugod ang Adlaw nga Igpapahulay. 55Ug misunod ang mga babaye nga mikuyog kaniya sukad pa sa Galilea, ug ilang nakita ang lubnganan, ug kon giunsa sa pagpahiluna ang iyang lawas. 56#Ex. 20:10; Deut. 5:14. Unya mipauli sila ug nag-andam ug mga pahumot ug mga haplas.
Sa adlaw nga igpapahulay, mipahulay sila sumala sa kasugoan.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Philippine Bible Society, 2011