LÓʼKAS 20
20
Ánɛ aa yɛɛ́ʼkɛ́nɛ́nɛ́ɛ́ Yə́sus toɛn tóod tó alɛɛ́ na tólɛ́ ə́
(Maʼt 21.23-27; Mə́l 11.27-33)
1Wɔɔ́s wúmmú, Yə́sus ayɛ́ɛ agaaʼkananɛ pɔɔd a Tɛ́mpɛl. Puʼkúm pó payaaganɛʼ pɛfɔny na palɛŋ pɛcɛm na ponnom pó nigúu pááság kiimən kɔ. 2Náa, pɔ́nɔ́ na nyɔ́lɛ́: «Mayɛ́bɛdɛánɛ áŋ! A toɛn tó ánɛ aa olɛɛ́ agɛɛlɛ nkə kɛ́ɛg kiim kɛ́ olɛɛ́ agɛɛlɛ ə́? Ánɛ aa agoyɛ́ʼkɛ́nɛ́nɛ́ɛ́ toɛn lɛ́ wɛ́ɛlɛ ə́?» 3Náa ɔnɔ́ na pɔ́lɛ́: «Mɛ tɛn ndɛ na kɛbán kɛ́ ndə́əbuŋíən. Ndaanyɔ́ŋɛn lɛ́ poɛ́ʼtɛ́anɛ: 4Ánɛ aa əyíím ádom Sɛ́aŋ lɛ́ yíim agɛɛlɛ ɔsɔgɛn? Táán óm, pɔɔd əə́? Ɛ́ʼtɛánɛ́an!» 5Pə́ə́bə́ə́ kɔɔ́cɔcɔb kɔ pɔ́lɛ́ na pɔ́lɛ́ pɔ́nɔ́: «Timəʼkumuyúlisini lɛ́ Táán áa ayɛ́moodóm, əəbiŋíən ɔnɔ́ əə: “A igə anɛ́ɛ́n áa tidiʼkə́yəmuyə́liʼtinií ə́?” 6Náa, timəʼkusəə tɛn tɛɔʼkɔ́: “Pɔɔd aa páyɛ́moodóm” nigúu niim nɛ́agoob kɔbɛ́ na pəsi, páabɛdóan na aʼtáán lɛ́ pábɛyóóna. Ungim aálɛŋ lɛ́ Sɛ́aŋ ayɛ́ɛ ɔndɔɛgɛʼ pɛbán o Táán.» 7Pə́yímuyúlísíni agá pɔ́nɔ́: «Pəsi tɛdɛálɛŋ ánɛ aa ayɛ́moodóm.» 8Náa nyɔ́lɛ́ tɛn ɔnɔ́ na pɔ́lɛ́: «Mɛ tɛn ntɛábodɛ́anɛ a toɛn tó ánɛ aa ndɛɛ́ agɛɛlɛ pɛbán pɛ́ɛb.»
Nkaʼtɛ́n ɛ pɔɔd pá páyɛ́ɛ əgud túʼpaaʼtɛ́
(Maʼt 21.33-46; Mə́l 12.1-12)
9Yə́sus yiísiə́din pɔɔd nkaʼtɛ́n yɛ́ɛnɛ, ɔnɔ́: «Mɔɔd aa nyóon yɛɛ́dɛ́g pɔlɛ́m puə́ŋ#20.9 Pódála tɛn náan a kálaʼtaʼ yɛ Ɛsa 5.1 , əə́siəd pɔɔd pá pigólí amáág kɔ a túʼpaaʼtɛ́, amɛ́ɛn ongɛn ó kubúlim kɔ mədúg miíŋ. 10Ná masómbóó mə́yíím əgiig, yiídə́ə́míni uʼkudin wəəŋ nyummú, amámoodóm lɛ́ yɛ́ɛn adɛ́anɛ na pɔsɔ́g pá páyɛ́ɛ əgud a pɔlɛ́m puə́ŋ lɛ́ píim pámodómɛn yəəŋ ngab. Náa, ná ayɛ́ɛ́n əgiig kɔ, pɔsɔ́g póob pə́yímugúmin, pámámobáám əgín náanɛ ɔʼtɛ́m úmmuʼ, pámámooŋɛ́ŋ, əmúúli na ɔmbɔg na ɔmbɔg. 11Mɔɔd o pɔlɛ́m aáság kiiʼkiniʼ kiim ádom uʼkudin wəəŋ nyummú. Píígúmin tɛn nyóon, pámámobáám, pámámoodóga əgín náanɛ kɔŋɛʼ, pámámooŋɛ́ŋ, əmúúli na ɔmbɔg na ɔmbɔg. 12Aáság kiiʼkiniʼ kiim ádom wɛndɛ́ŋ a annam ádáád. Nyóon, pə́yímubuə́də, pámámooŋɛ́ŋ. 13Náa mɔɔd o pɔlɛ́m əə́bə́ə́ kəə́ŋíən ɔnɔ́: “Tuə́ áa mbándagɛɛlɛɛ́ nɛ́gɔŋ əə́? Ndaadom mɛ mɔɔ́n wo ɔʼtɛ́m. Amaʼkɛɛlɛ nyɔ́lɛ́, pádɛáwɛ́ɛsɛ komodɔ́bɔ.” 14Náa, ná pɔ́lɛ́ pɛ́ɛ́dála lɛ́ mɔɔ́n áa nyóon əə́ʼkiim ádómɛ́ɛ́, pə́ə́bə́ə́ kosɔyɔ agá pɔ́lɛ́ na pɔ́lɛ́ pɔ́nɔ́: “Táá, mɔɔd nyɔ́ alɛ́ɛ́ kolɔbɛɛ́ a tugúm tó sɛ aa nyóonɛ! Tímuúguminəən, tɛ́moyóon. Náan, pɔlɛ́m póonɛ póagoob na pəsi.” 15Pááság kolon pɔlɛ́m na nyɔ́lɛ́, pámɛ́ɛn amoyóon.» Náa Yə́sus ɔnɔ́: «Áay oóoʼ, tuə́ áa mɔɔd o pɔlɛ́m aágɛɛlɛ na pɔɔd póob əə́? 16Adɛ́ əəbuúgumən, áboyóóna ná ə́siəd pɔlɛ́m puə́ŋ agɛɛ́ʼkɛn na pɔɔd pá pigólí pɛ́ndɛ́ŋ á?»
Ná pɔɔd páyóób náan, Píísə́ə́ pɔ́nɔ́: «A wóow ombod, ndóo óo!» 17Yə́sus aáság kobodɛ́ʼtɛg pɔ́lɛ́ piim a nti log log log, náa ɔnɔ́:
«A igə anɛ́ɛ́n áa kɛ́lɛɛ́ kidiídílə́ a Kálaʼtaʼ ɛ Táán lɛ́:
“Nɛdáán nɛ́ pawáagaʼ toádɛʼ pɛ́ɛ́dó,
nɛ́lɛ́ nɛ́go aa nɛ́yáán nɛdáán nɛ́ nígumíníníí noádɛʼ.” 18Taa, Ungim nyɔ́ alɛ́ɛ́ kəə́búbigií a nɛdáán nɛ́ɛn, alɛ́ɛ́ kubúmbun. Nyɔ́ nɛ́lɛ́ɛ́ kumudə́əŋənənií, nɛ́lɛ́ɛ́ komoyɔ́ɔb.»
Mag yɛ́ pálɛɛ́ agoʼpɛ́ɛ́lɛla na Sɛsáal
(Maʼt 22.15-22; Mə́l 12.13-17)
19Palɛŋ pɛcɛm, na puʼkúm pó payaaganɛʼ pɛfɔny páyálɛ́ŋɛ́ɛ́ lɛ́ kɛbán kɛɔ́bɔn aa Yə́sus ayɛ́ɛ əgusəə a nkaʼtɛ́n yɛ́ɛy náan. Pə́yúúnə lɛ́ páság kumuúgumin kɔ áay, pámoyóon. Náa pádɛʼkáawɛ́ɛsɛ komodɔ́bɛd.
20Pə́ə́bə́ə́ anɛ́ɛ́n komoyágoʼkooŋanɛ. Náan aa páyɛ́modómɛn pɔɔd pə́mmú pá páyɛ́ɛ agɛɛlanɛ wɔnɔ́ pɔ́lɛ́ pálɛ sáád. Páyɛ́boyɛ́ʼkɛn oʼtom lɛ́ pɛ́ɛn əŋíənə Yə́sus pɛbán ná ə́də́əŋ a kisindiʼ kɛɔ́bɔn. Áay pɔ́ɔgɔɔŋ ɛgom ná pə́muúgumin, pɛ́ɛn na nyɔ́lɛ́ a nó ngɔ́mɛnaʼ yɛ́ nkóʼkóón, pámosɔ́mɛn na palaamɛʼ. 21Pə́yímuŋíən pɔ́nɔ́ əə: «Kɛlág, tɛálɛŋ lɛ́ wɛ olɛɛ́ əgusəə fɔ́lɔ́b, nkə kɛ́ olɛɛ́ agaaʼkananɛ kɛ́lɛ tɛn sáád. Udiə́gu niis na mɔɔd, olɛ agaaʼkananɛ sáád wɔnɔ́ ná mɔɔd ogódíí lɛ́ ádáŋana a ngə́ yɛ́ yəə́gə́mmi Táán. 22Kólɛ́ aa timíim əguŋíən lɛ́ óbɛdɛ́anɛ, pɛcɛm piə́s pɛ́lɛ əgusəə lɛ́ tɛ́ʼpɛ́ɛ́ mag na Sɛsáal əə́?» 23Wɔnɔ́ ná Yə́sus yɛɛ́lɛ́ŋ lɛ́ ambaan yə́ə́ŋ áa pálɛɛ́ əguunə náan, náa ɔnɔ́ na pɔ́lɛ́: 24«Mayɛ́nyɛɛ́ʼkɛ́naan kisúg kɛ́ mɔɔnɛ́ áay aáŋ!» Pááság kolónɛ kisúg kɛ́ mɔɔnɛ́ kímuʼ, pámámoyɛ́ʼkɛn. Náa ɔnɔ́ na pɔ́lɛ́: «Udi wóonɛ oʼ, wó ánɛ aa ólɛɛ́nɔ ə́? Niiŋ tɛn oʼ, nɛ́ ánɛ aa nɛ́lɛɛ́ kɔ nidilídə́ə́n ə́?» Pááság kumuyúlisini pɔ́nɔ́ na nyɔ́lɛ́: «Udi wóow, ólɛ ó Sɛsáal, ɔmbɔ́ tɛn niiŋ nɛ́ɛn nɛ́ nɛ́lɛɛ́ kɔ nidilídə́ə́n, niə́ŋ áa nɛ́lɛɛ́nɔ.» 25Náa Yə́sus ɔnɔ́ na pɔ́lɛ́: «Nkə aa anɛ́ɛ́n kímmú ə́? Yɛ́ ɛ́lɛɛ́ ɛ́ Sɛsáal, poɛ́ʼkɛn na Sɛsáal. Yɛ́ ɛ́lɛɛ́ ɛ́ Táán, póyɛɛ́ʼkɛn na Táán.» 26Igúg yɛ́ ɛ́yɛ́ɛ ɛ́gɛɛlɛ lɛ́ pə́muúgumin ɛ́dɛʼkɛ́ɛ a nkə kɛ́ɛg kɛ́ yiísə́ə́. Pə́yə́wúnə́níí kɛ́fɔlɛ́ ná əyíbuyúlísíni náan.
Kɛbán kɛ́ koóndɛg kó pɛlóŋ
(Maʼt 22.23-33; Mə́l 12.18-27)
27Ngab ɛ Pasadosɛyɛ́ɛŋ yímmú, (pɔ́lɛ́ aa pádɛʼkɛ́lɛɛ́ əgəə́liʼtini lɛ́ pɛlóŋ pɛ́lɛ́ɛ́ koóndɛg) páyɛ́ɛ́n aboan Yə́sus, pááság kumuŋíən pɔ́nɔ́ əə: 28«Kɛlág! Táá nkə kɛ́ Moyíis yiísə́ə́ áa kɛ́ɛnɛ ɔnɔ́: “Mɔɔd amaʼkogóan ɔʼkɛ́ɛd, náa əə́gú, əʼtí pɔɔ́n na oʼkán, móŋŋí ə́díin əsiəd kidí, pə́bíənə pɔɔ́n na kɛ́lɛ́ a niiŋ nɛ́ kɛlóŋ móŋŋí wəəŋ#20.28 Kɛ́lɛ náan a kálaʼtaʼ ɛ Tɛʼt 25.5-6 ” 29Kɛbán áa anɛ́ɛ́n a kɛ́ɛnɛ kɛ́lɛɛ́ lɛ́: Pɔɔd aa póob páyɛ́ɛ a niŋŋí nɛɔ́bɔn nto ɛ́ʼtáan na ɛ́baan. Sɔ́g nyɔ́ osaá aágóan ɔʼkɛ́ɛd, əə́gú, əʼtí mɔɔ́n. 30Móŋŋí nyɔ́ ayɛ́ɛ əgumuyə́ən aáság kudíin əsiəd kidí, əə́gú. 31Wo annam ádáád tɛn yoom ímuʼ. Kɛ́yɛ́nánán náan súʼtə́ə́ a sɔ́g wo annam áʼtáan na ábaan. Pííguə́ʼkən, pə́ʼtí mɔɔ́n. 32A komananɛ, ɔʼkɛ́ɛd nyóon tɛn aáság kudíin əgu a ngim. 33Áay oóoʼ! Wɔnɔ́ ná yɛɛ́dɔ́n na pɔ́lɛ́ póob piim əə, na pɛlóŋ pɛ́lɛ́ɛ́ koóndɛgan anɛ́ɛ́n óoʼ, oyaán áa alɛ́ɛ́ kɛɛnɛɛ́ onom wəəŋ ə́?»
34Yə́sus əyíbuyúlísíni ɔnɔ́ na pɔ́lɛ́: «A nsí yɛ́ɛnɛ aa kɛ́lɛɛ́ lɛ́ panɔ́mɛɛd pə́əsiədə pagɛ́ɛd, pagɛ́ɛd páagɛɛnan pɛdɔ́ʼtɔn. 35Náa, pá Táán yɛɛ́dála lɛ́ pálɛ págoóndɛg a pɛlóŋ, páyɛɛn na ɔlaa a Nigúu niə́ŋ, póob pádɛágɛɛn na pɛgoánágoána na pɛdɔ́ʼtɔn. 36Kɛ́lɛ lɛ́ pɔ́lɛ́ pə́diə́giʼkini kugu kə́mmú, pándɛ yoom ímuʼ wɔnɔ́ məŋun má maʼtom. Pándɛ pɔɔ́n pá Táán lɛ́ píígú, náa pə́ʼkiiʼkini koóndɛgɛɛ́. 37A kɛbán kɛ́ idúʼtún yɛ́ yɛ́ɛ́gá yug, Moyíis yiílóódi nyɔ́lɛ́nyɔ́amɔɛ́d lɛ́ pɛlóŋ pɛ́lɛ́ɛ́ koóndɛg lɛ́ alɛ agodɔ́ŋɔn Sə́dúk Táán ɔnɔ́: “Táán yɛ Ábɛlaam, Táán yɛ Ɛ́sag, na Táán ɛ Yáʼkɔb#20.37 Kɛ́lɛ náan a kálaʼtaʼ yɛ Ɔsa 3.2, 6 ” 38Táán ɔdɛɔ́gɔ Táán ɛ pɔɔd pá pálɛɛ́ pɛlóŋ, alɛ Táán ɛ pá pálɛɛ́ a ɔlaa lɛ́ a niə́ŋ pɔ́lɛ́ póob piim pálɛ a ɔlaa.» 39Palɛŋ pɛcɛm pə́mmú pááság kusiəd tɔgɛ́ɛ́, náa pɔ́nɔ́: «Ɛɛ́ɛ, Kɛlág! Waálɛŋ kosɔyɔ.» 40Píísə́ə́ náan lɛ́ pádɛʼkɛ́ɛ agowɛ́ɛsɛ kumuŋíən kə́mmú kɛbán.
Məsíi, nyɔ́lɛ́ ogo mɔɔ́n ó Tə́fid, nyɔ́lɛ́ Sə́dúk ɛ Tə́fid
(Maʼt 22.41-45; Mə́l 12.35-37)
41Yə́sus aáság kusəə ɔnɔ́ na pɔ́lɛ́: «Tuə́ áa pálɛɛ́ pə́gusəə lɛ́ Məsíi alɛ mɔɔ́n o Tə́fid əə́? 42Kɔmɔɛ́d lɛ́ Tə́fid nyɔ́lɛ́nyɔ́amɔɛ́d yiídúmə a kálaʼtaʼ ɛ pɛʼkwáá ɔnɔ́: “Sə́dúk Táán aádɛánɛ na Sə́dúk waam ɔnɔ́: Wɛ, ləndin áanɛ a ombɔg wáam ó nɛnom 43agɛɛn əgiig əgín wɔnɔ́ ná ndɛ́ɛ́ kɛɛlɛɛ́ lɛ́ úgíʼtən pabɛnɛn pááŋ na ambaan#20.43 Kɛ́lɛ náan a kálaʼtaʼ ɛ Pɛʼk 110.1 ” 44Tuə́ áa Məsíi alɛɛ́ ugiiʼkini kɛɛn lɛ́ alɛ mɔɔ́n o Tə́fid, Tə́fid nyɔ́lɛ́nyɔ́amɔɛ́d aámodɔ́ŋɔn lɛ́ Sə́dúk wəəŋ ə́?»
Yə́sus alɛ əgusəə lɛ́ pálóʼkɔd na palɛŋ pɛcɛm
(Mə́l 12.37-40)
45Yə́sus aáság kodɛ́anɛ na paaʼkan pə́ə́ŋ a udi ó pɔɔd pá páyɛ́ɛ agoob wɔnɔ́ na ayɛ́ɛ agosɔyɔ, ɔnɔ́: 46«Lóʼkɔ́dɔɔn na palɛŋ pɛcɛm ó! Pányɔ́ŋɛ́nɛn kiim páánadɛna na pɛlanda pɛ́ poʼtaa agaábágɛdɛ, páanyóŋɛnɛla lɛ́ kɛnɔ kɛ́ pálɛɛ́ agosan, pə́buúsoyidəni na nnyáádɛ́ ngim. A puog pó pɛɔ́sɔ́gɔ́lɔ́n na a pɛsɛɛn pɛ́ pɛgóón, pə́əguunə kuləndən əgín a mɔʼkɔɔ má yuudi, mɔʼkɔɔ má niiŋ. 47Pálɛ əgiiʼkini kobɔgɔ pidí pɛ́ pagɛ́ɛd nkə kɛ́ pógódíí, pɛɔ́sɔ́gɔ́lɔ́n tɛn pɛɔ́bɔn pɔ́mbɔ́d kosom lɛ́ ná páboodála. Pɔ́lɛ́ póob pálɛ́ɛ́ kɔɔŋ ntɔ́b yɛ́ ɛmábosán oʼto.»
လက္ရွိေရြးခ်ယ္ထားမွု
LÓʼKAS 20: yatDBL
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators Inc, 2015
LÓʼKAS 20
20
Ánɛ aa yɛɛ́ʼkɛ́nɛ́nɛ́ɛ́ Yə́sus toɛn tóod tó alɛɛ́ na tólɛ́ ə́
(Maʼt 21.23-27; Mə́l 11.27-33)
1Wɔɔ́s wúmmú, Yə́sus ayɛ́ɛ agaaʼkananɛ pɔɔd a Tɛ́mpɛl. Puʼkúm pó payaaganɛʼ pɛfɔny na palɛŋ pɛcɛm na ponnom pó nigúu pááság kiimən kɔ. 2Náa, pɔ́nɔ́ na nyɔ́lɛ́: «Mayɛ́bɛdɛánɛ áŋ! A toɛn tó ánɛ aa olɛɛ́ agɛɛlɛ nkə kɛ́ɛg kiim kɛ́ olɛɛ́ agɛɛlɛ ə́? Ánɛ aa agoyɛ́ʼkɛ́nɛ́nɛ́ɛ́ toɛn lɛ́ wɛ́ɛlɛ ə́?» 3Náa ɔnɔ́ na pɔ́lɛ́: «Mɛ tɛn ndɛ na kɛbán kɛ́ ndə́əbuŋíən. Ndaanyɔ́ŋɛn lɛ́ poɛ́ʼtɛ́anɛ: 4Ánɛ aa əyíím ádom Sɛ́aŋ lɛ́ yíim agɛɛlɛ ɔsɔgɛn? Táán óm, pɔɔd əə́? Ɛ́ʼtɛánɛ́an!» 5Pə́ə́bə́ə́ kɔɔ́cɔcɔb kɔ pɔ́lɛ́ na pɔ́lɛ́ pɔ́nɔ́: «Timəʼkumuyúlisini lɛ́ Táán áa ayɛ́moodóm, əəbiŋíən ɔnɔ́ əə: “A igə anɛ́ɛ́n áa tidiʼkə́yəmuyə́liʼtinií ə́?” 6Náa, timəʼkusəə tɛn tɛɔʼkɔ́: “Pɔɔd aa páyɛ́moodóm” nigúu niim nɛ́agoob kɔbɛ́ na pəsi, páabɛdóan na aʼtáán lɛ́ pábɛyóóna. Ungim aálɛŋ lɛ́ Sɛ́aŋ ayɛ́ɛ ɔndɔɛgɛʼ pɛbán o Táán.» 7Pə́yímuyúlísíni agá pɔ́nɔ́: «Pəsi tɛdɛálɛŋ ánɛ aa ayɛ́moodóm.» 8Náa nyɔ́lɛ́ tɛn ɔnɔ́ na pɔ́lɛ́: «Mɛ tɛn ntɛábodɛ́anɛ a toɛn tó ánɛ aa ndɛɛ́ agɛɛlɛ pɛbán pɛ́ɛb.»
Nkaʼtɛ́n ɛ pɔɔd pá páyɛ́ɛ əgud túʼpaaʼtɛ́
(Maʼt 21.33-46; Mə́l 12.1-12)
9Yə́sus yiísiə́din pɔɔd nkaʼtɛ́n yɛ́ɛnɛ, ɔnɔ́: «Mɔɔd aa nyóon yɛɛ́dɛ́g pɔlɛ́m puə́ŋ#20.9 Pódála tɛn náan a kálaʼtaʼ yɛ Ɛsa 5.1 , əə́siəd pɔɔd pá pigólí amáág kɔ a túʼpaaʼtɛ́, amɛ́ɛn ongɛn ó kubúlim kɔ mədúg miíŋ. 10Ná masómbóó mə́yíím əgiig, yiídə́ə́míni uʼkudin wəəŋ nyummú, amámoodóm lɛ́ yɛ́ɛn adɛ́anɛ na pɔsɔ́g pá páyɛ́ɛ əgud a pɔlɛ́m puə́ŋ lɛ́ píim pámodómɛn yəəŋ ngab. Náa, ná ayɛ́ɛ́n əgiig kɔ, pɔsɔ́g póob pə́yímugúmin, pámámobáám əgín náanɛ ɔʼtɛ́m úmmuʼ, pámámooŋɛ́ŋ, əmúúli na ɔmbɔg na ɔmbɔg. 11Mɔɔd o pɔlɛ́m aáság kiiʼkiniʼ kiim ádom uʼkudin wəəŋ nyummú. Píígúmin tɛn nyóon, pámámobáám, pámámoodóga əgín náanɛ kɔŋɛʼ, pámámooŋɛ́ŋ, əmúúli na ɔmbɔg na ɔmbɔg. 12Aáság kiiʼkiniʼ kiim ádom wɛndɛ́ŋ a annam ádáád. Nyóon, pə́yímubuə́də, pámámooŋɛ́ŋ. 13Náa mɔɔd o pɔlɛ́m əə́bə́ə́ kəə́ŋíən ɔnɔ́: “Tuə́ áa mbándagɛɛlɛɛ́ nɛ́gɔŋ əə́? Ndaadom mɛ mɔɔ́n wo ɔʼtɛ́m. Amaʼkɛɛlɛ nyɔ́lɛ́, pádɛáwɛ́ɛsɛ komodɔ́bɔ.” 14Náa, ná pɔ́lɛ́ pɛ́ɛ́dála lɛ́ mɔɔ́n áa nyóon əə́ʼkiim ádómɛ́ɛ́, pə́ə́bə́ə́ kosɔyɔ agá pɔ́lɛ́ na pɔ́lɛ́ pɔ́nɔ́: “Táá, mɔɔd nyɔ́ alɛ́ɛ́ kolɔbɛɛ́ a tugúm tó sɛ aa nyóonɛ! Tímuúguminəən, tɛ́moyóon. Náan, pɔlɛ́m póonɛ póagoob na pəsi.” 15Pááság kolon pɔlɛ́m na nyɔ́lɛ́, pámɛ́ɛn amoyóon.» Náa Yə́sus ɔnɔ́: «Áay oóoʼ, tuə́ áa mɔɔd o pɔlɛ́m aágɛɛlɛ na pɔɔd póob əə́? 16Adɛ́ əəbuúgumən, áboyóóna ná ə́siəd pɔlɛ́m puə́ŋ agɛɛ́ʼkɛn na pɔɔd pá pigólí pɛ́ndɛ́ŋ á?»
Ná pɔɔd páyóób náan, Píísə́ə́ pɔ́nɔ́: «A wóow ombod, ndóo óo!» 17Yə́sus aáság kobodɛ́ʼtɛg pɔ́lɛ́ piim a nti log log log, náa ɔnɔ́:
«A igə anɛ́ɛ́n áa kɛ́lɛɛ́ kidiídílə́ a Kálaʼtaʼ ɛ Táán lɛ́:
“Nɛdáán nɛ́ pawáagaʼ toádɛʼ pɛ́ɛ́dó,
nɛ́lɛ́ nɛ́go aa nɛ́yáán nɛdáán nɛ́ nígumíníníí noádɛʼ.” 18Taa, Ungim nyɔ́ alɛ́ɛ́ kəə́búbigií a nɛdáán nɛ́ɛn, alɛ́ɛ́ kubúmbun. Nyɔ́ nɛ́lɛ́ɛ́ kumudə́əŋənənií, nɛ́lɛ́ɛ́ komoyɔ́ɔb.»
Mag yɛ́ pálɛɛ́ agoʼpɛ́ɛ́lɛla na Sɛsáal
(Maʼt 22.15-22; Mə́l 12.13-17)
19Palɛŋ pɛcɛm, na puʼkúm pó payaaganɛʼ pɛfɔny páyálɛ́ŋɛ́ɛ́ lɛ́ kɛbán kɛɔ́bɔn aa Yə́sus ayɛ́ɛ əgusəə a nkaʼtɛ́n yɛ́ɛy náan. Pə́yúúnə lɛ́ páság kumuúgumin kɔ áay, pámoyóon. Náa pádɛʼkáawɛ́ɛsɛ komodɔ́bɛd.
20Pə́ə́bə́ə́ anɛ́ɛ́n komoyágoʼkooŋanɛ. Náan aa páyɛ́modómɛn pɔɔd pə́mmú pá páyɛ́ɛ agɛɛlanɛ wɔnɔ́ pɔ́lɛ́ pálɛ sáád. Páyɛ́boyɛ́ʼkɛn oʼtom lɛ́ pɛ́ɛn əŋíənə Yə́sus pɛbán ná ə́də́əŋ a kisindiʼ kɛɔ́bɔn. Áay pɔ́ɔgɔɔŋ ɛgom ná pə́muúgumin, pɛ́ɛn na nyɔ́lɛ́ a nó ngɔ́mɛnaʼ yɛ́ nkóʼkóón, pámosɔ́mɛn na palaamɛʼ. 21Pə́yímuŋíən pɔ́nɔ́ əə: «Kɛlág, tɛálɛŋ lɛ́ wɛ olɛɛ́ əgusəə fɔ́lɔ́b, nkə kɛ́ olɛɛ́ agaaʼkananɛ kɛ́lɛ tɛn sáád. Udiə́gu niis na mɔɔd, olɛ agaaʼkananɛ sáád wɔnɔ́ ná mɔɔd ogódíí lɛ́ ádáŋana a ngə́ yɛ́ yəə́gə́mmi Táán. 22Kólɛ́ aa timíim əguŋíən lɛ́ óbɛdɛ́anɛ, pɛcɛm piə́s pɛ́lɛ əgusəə lɛ́ tɛ́ʼpɛ́ɛ́ mag na Sɛsáal əə́?» 23Wɔnɔ́ ná Yə́sus yɛɛ́lɛ́ŋ lɛ́ ambaan yə́ə́ŋ áa pálɛɛ́ əguunə náan, náa ɔnɔ́ na pɔ́lɛ́: 24«Mayɛ́nyɛɛ́ʼkɛ́naan kisúg kɛ́ mɔɔnɛ́ áay aáŋ!» Pááság kolónɛ kisúg kɛ́ mɔɔnɛ́ kímuʼ, pámámoyɛ́ʼkɛn. Náa ɔnɔ́ na pɔ́lɛ́: «Udi wóonɛ oʼ, wó ánɛ aa ólɛɛ́nɔ ə́? Niiŋ tɛn oʼ, nɛ́ ánɛ aa nɛ́lɛɛ́ kɔ nidilídə́ə́n ə́?» Pááság kumuyúlisini pɔ́nɔ́ na nyɔ́lɛ́: «Udi wóow, ólɛ ó Sɛsáal, ɔmbɔ́ tɛn niiŋ nɛ́ɛn nɛ́ nɛ́lɛɛ́ kɔ nidilídə́ə́n, niə́ŋ áa nɛ́lɛɛ́nɔ.» 25Náa Yə́sus ɔnɔ́ na pɔ́lɛ́: «Nkə aa anɛ́ɛ́n kímmú ə́? Yɛ́ ɛ́lɛɛ́ ɛ́ Sɛsáal, poɛ́ʼkɛn na Sɛsáal. Yɛ́ ɛ́lɛɛ́ ɛ́ Táán, póyɛɛ́ʼkɛn na Táán.» 26Igúg yɛ́ ɛ́yɛ́ɛ ɛ́gɛɛlɛ lɛ́ pə́muúgumin ɛ́dɛʼkɛ́ɛ a nkə kɛ́ɛg kɛ́ yiísə́ə́. Pə́yə́wúnə́níí kɛ́fɔlɛ́ ná əyíbuyúlísíni náan.
Kɛbán kɛ́ koóndɛg kó pɛlóŋ
(Maʼt 22.23-33; Mə́l 12.18-27)
27Ngab ɛ Pasadosɛyɛ́ɛŋ yímmú, (pɔ́lɛ́ aa pádɛʼkɛ́lɛɛ́ əgəə́liʼtini lɛ́ pɛlóŋ pɛ́lɛ́ɛ́ koóndɛg) páyɛ́ɛ́n aboan Yə́sus, pááság kumuŋíən pɔ́nɔ́ əə: 28«Kɛlág! Táá nkə kɛ́ Moyíis yiísə́ə́ áa kɛ́ɛnɛ ɔnɔ́: “Mɔɔd amaʼkogóan ɔʼkɛ́ɛd, náa əə́gú, əʼtí pɔɔ́n na oʼkán, móŋŋí ə́díin əsiəd kidí, pə́bíənə pɔɔ́n na kɛ́lɛ́ a niiŋ nɛ́ kɛlóŋ móŋŋí wəəŋ#20.28 Kɛ́lɛ náan a kálaʼtaʼ ɛ Tɛʼt 25.5-6 ” 29Kɛbán áa anɛ́ɛ́n a kɛ́ɛnɛ kɛ́lɛɛ́ lɛ́: Pɔɔd aa póob páyɛ́ɛ a niŋŋí nɛɔ́bɔn nto ɛ́ʼtáan na ɛ́baan. Sɔ́g nyɔ́ osaá aágóan ɔʼkɛ́ɛd, əə́gú, əʼtí mɔɔ́n. 30Móŋŋí nyɔ́ ayɛ́ɛ əgumuyə́ən aáság kudíin əsiəd kidí, əə́gú. 31Wo annam ádáád tɛn yoom ímuʼ. Kɛ́yɛ́nánán náan súʼtə́ə́ a sɔ́g wo annam áʼtáan na ábaan. Pííguə́ʼkən, pə́ʼtí mɔɔ́n. 32A komananɛ, ɔʼkɛ́ɛd nyóon tɛn aáság kudíin əgu a ngim. 33Áay oóoʼ! Wɔnɔ́ ná yɛɛ́dɔ́n na pɔ́lɛ́ póob piim əə, na pɛlóŋ pɛ́lɛ́ɛ́ koóndɛgan anɛ́ɛ́n óoʼ, oyaán áa alɛ́ɛ́ kɛɛnɛɛ́ onom wəəŋ ə́?»
34Yə́sus əyíbuyúlísíni ɔnɔ́ na pɔ́lɛ́: «A nsí yɛ́ɛnɛ aa kɛ́lɛɛ́ lɛ́ panɔ́mɛɛd pə́əsiədə pagɛ́ɛd, pagɛ́ɛd páagɛɛnan pɛdɔ́ʼtɔn. 35Náa, pá Táán yɛɛ́dála lɛ́ pálɛ págoóndɛg a pɛlóŋ, páyɛɛn na ɔlaa a Nigúu niə́ŋ, póob pádɛágɛɛn na pɛgoánágoána na pɛdɔ́ʼtɔn. 36Kɛ́lɛ lɛ́ pɔ́lɛ́ pə́diə́giʼkini kugu kə́mmú, pándɛ yoom ímuʼ wɔnɔ́ məŋun má maʼtom. Pándɛ pɔɔ́n pá Táán lɛ́ píígú, náa pə́ʼkiiʼkini koóndɛgɛɛ́. 37A kɛbán kɛ́ idúʼtún yɛ́ yɛ́ɛ́gá yug, Moyíis yiílóódi nyɔ́lɛ́nyɔ́amɔɛ́d lɛ́ pɛlóŋ pɛ́lɛ́ɛ́ koóndɛg lɛ́ alɛ agodɔ́ŋɔn Sə́dúk Táán ɔnɔ́: “Táán yɛ Ábɛlaam, Táán yɛ Ɛ́sag, na Táán ɛ Yáʼkɔb#20.37 Kɛ́lɛ náan a kálaʼtaʼ yɛ Ɔsa 3.2, 6 ” 38Táán ɔdɛɔ́gɔ Táán ɛ pɔɔd pá pálɛɛ́ pɛlóŋ, alɛ Táán ɛ pá pálɛɛ́ a ɔlaa lɛ́ a niə́ŋ pɔ́lɛ́ póob piim pálɛ a ɔlaa.» 39Palɛŋ pɛcɛm pə́mmú pááság kusiəd tɔgɛ́ɛ́, náa pɔ́nɔ́: «Ɛɛ́ɛ, Kɛlág! Waálɛŋ kosɔyɔ.» 40Píísə́ə́ náan lɛ́ pádɛʼkɛ́ɛ agowɛ́ɛsɛ kumuŋíən kə́mmú kɛbán.
Məsíi, nyɔ́lɛ́ ogo mɔɔ́n ó Tə́fid, nyɔ́lɛ́ Sə́dúk ɛ Tə́fid
(Maʼt 22.41-45; Mə́l 12.35-37)
41Yə́sus aáság kusəə ɔnɔ́ na pɔ́lɛ́: «Tuə́ áa pálɛɛ́ pə́gusəə lɛ́ Məsíi alɛ mɔɔ́n o Tə́fid əə́? 42Kɔmɔɛ́d lɛ́ Tə́fid nyɔ́lɛ́nyɔ́amɔɛ́d yiídúmə a kálaʼtaʼ ɛ pɛʼkwáá ɔnɔ́: “Sə́dúk Táán aádɛánɛ na Sə́dúk waam ɔnɔ́: Wɛ, ləndin áanɛ a ombɔg wáam ó nɛnom 43agɛɛn əgiig əgín wɔnɔ́ ná ndɛ́ɛ́ kɛɛlɛɛ́ lɛ́ úgíʼtən pabɛnɛn pááŋ na ambaan#20.43 Kɛ́lɛ náan a kálaʼtaʼ ɛ Pɛʼk 110.1 ” 44Tuə́ áa Məsíi alɛɛ́ ugiiʼkini kɛɛn lɛ́ alɛ mɔɔ́n o Tə́fid, Tə́fid nyɔ́lɛ́nyɔ́amɔɛ́d aámodɔ́ŋɔn lɛ́ Sə́dúk wəəŋ ə́?»
Yə́sus alɛ əgusəə lɛ́ pálóʼkɔd na palɛŋ pɛcɛm
(Mə́l 12.37-40)
45Yə́sus aáság kodɛ́anɛ na paaʼkan pə́ə́ŋ a udi ó pɔɔd pá páyɛ́ɛ agoob wɔnɔ́ na ayɛ́ɛ agosɔyɔ, ɔnɔ́: 46«Lóʼkɔ́dɔɔn na palɛŋ pɛcɛm ó! Pányɔ́ŋɛ́nɛn kiim páánadɛna na pɛlanda pɛ́ poʼtaa agaábágɛdɛ, páanyóŋɛnɛla lɛ́ kɛnɔ kɛ́ pálɛɛ́ agosan, pə́buúsoyidəni na nnyáádɛ́ ngim. A puog pó pɛɔ́sɔ́gɔ́lɔ́n na a pɛsɛɛn pɛ́ pɛgóón, pə́əguunə kuləndən əgín a mɔʼkɔɔ má yuudi, mɔʼkɔɔ má niiŋ. 47Pálɛ əgiiʼkini kobɔgɔ pidí pɛ́ pagɛ́ɛd nkə kɛ́ pógódíí, pɛɔ́sɔ́gɔ́lɔ́n tɛn pɛɔ́bɔn pɔ́mbɔ́d kosom lɛ́ ná páboodála. Pɔ́lɛ́ póob pálɛ́ɛ́ kɔɔŋ ntɔ́b yɛ́ ɛmábosán oʼto.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators Inc, 2015